സ്വദേശി പാർട്ട് ടൈം ജോലിക്കാരുടെ എണ്ണത്തിൽ വർധന

ജി​ദ്ദ: രാ​ജ്യ​ത്ത് സ്വ​കാ​ര്യ​മേ​ഖ​ല​യി​ല്‍ പാ​ര്‍ട്ട് ടൈം ​ജോ​ലി​ചെ​യ്യു​ന്ന സൗ​ദി പൗ​ര​ന്മാ​രു​ടെ എ​ണ്ണ​ത്തി​ൽ വ​ൻ വ​ർ​ധ​ന. 20,000ത്തി​ല​ധി​കം സ്വ​ദേ​ശി​ക​ൾ പാ​ർ​ട്ട്​ ടൈം ​തൊ​ഴി​ൽ പ​ദ്ധ​തി പ്ര​യോ​ജ​ന​പ്പെ​ടു​ത്തി​യ​താ​യി ജ​ന​റ​ല്‍ ഓ​ര്‍ഗ​നൈ​സേ​ഷ​ന്‍ ഫോ​ര്‍ സോ​ഷ്യ​ല്‍ ഇ​ന്‍ഷു​റ​ന്‍സ് (ഗോ​സി) പു​റ​ത്തു​വി​ട്ട ക​ണ​ക്കു​ക​ള്‍ വ്യ​ക്ത​മാ​ക്കി. സ്വ​ദേ​ശി​ക​ള്‍ക്ക് കൂ​ടു​ത​ല്‍ തൊ​ഴി​ല​വ​സ​ര​ങ്ങ​ള്‍ സൃ​ഷ്​​ടി​ക്കു​ന്ന​തി​ന് മാ​ന​വ വി​ഭ​വ​ശേ​ഷി മ​ന്ത്രാ​ല​യം ഏ​ര്‍പ്പെ​ടു​ത്തി​യ സം​വി​ധാ​ന​മാ​ണ് പാ​ര്‍ട്ട് ടൈം ​തൊ​ഴി​ല്‍ പ​ദ്ധ​തി. മു​ന്‍ വ​ര്‍ഷ​ത്തെ അ​പേ​ക്ഷി​ച്ച് 18 ശ​ത​മാ​നം വ​ർ​ധ​ന​യാ​ണ്​ ഇ​പ്പോ​ഴു​ണ്ടാ​യി​രി​ക്കു​ന്ന​ത്. 2019ൽ ​മാ​ന​വ വി​ഭ​വ​ശേ​ഷി സാ​മൂ​ഹി​ക വി​ക​സ​ന മ​ന്ത്രാ​ല​യ​മാ​ണ് പ​ദ്ധ​തി പ്ര​ഖ്യാ​പി​ച്ച​ത്. സ്വ​ദേ​ശി​ക​ളാ​യ തൊ​ഴി​ല​ന്വേ​ഷ​ക​ര്‍ക്ക് കൂ​ടു​ത​ല്‍ തൊ​ഴി​ല്‍ സാ​ധ്യ​ത​ക​ളും വ​രു​മാ​ന​വും വ​ര്‍ധി​പ്പി​ക്കു​ന്ന​ത്​ ല​ക്ഷ്യ​മി​ട്ടാ​ണ് പ​ദ്ധ​തി തു​ട​ങ്ങി​യ​ത്. ര​ജി​സ്​​റ്റ​ര്‍ ചെ​യ്ത​വ​രി​ല്‍ കൂ​ടു​ത​ൽ പേ​രും സെ​യി​ല്‍സ് മേ​ഖ​ല​യി​ലാ​ണ് ജോ​ലി ചെ​യ്യു​ന്ന​ത്. പു​രു​ഷ, വ​നി​ത ജീ​വ​ന​ക്കാ​ര്‍ പ​ദ്ധ​തി പ്ര​യോ​ജ​ന​പ്പെ​ടു​ത്തി വ​രു​ന്നു​ണ്ട്. മ​ണി​ക്കൂ​ർ അ​ടി​സ്ഥാ​ന​ത്തി​ൽ വേ​ത​നം നി​ശ്ച​യി​ച്ചാ​ണ് നി​യ​മ​നം. തൊ​ഴി​ലാ​ളി​യും തൊ​ഴി​ലു​ട​മ​യും ത​മ്മി​ലു​ണ്ടാ​ക്കു​ന്ന ക​രാ​ർ, മ​ന്ത്രാ​ല​യ​ത്തി​െൻറ പോ​ര്‍ട്ട​ലി​ല്‍ ര​ജി​സ്​​റ്റ​ര്‍ ചെ​യ്യു​ന്ന​തോ​ടെ തൊ​ഴി​ല്‍ ക​രാ​ര്‍ നി​ല​വി​ല്‍ വ​രും. പ​ദ്ധ​തി​യി​ലേ​ക്ക് കൂ​ടു​ത​ല്‍ പേ​രെ ആ​ക​ര്‍ഷി​ക്കു​ന്ന​തി​ന് മ​ന്ത്രാ​ല​യം ബോ​ധ​വ​ത്​​ക​ര​ണ​വും സം​ഘ​ടി​പ്പി​ച്ചു വ​രു​ന്നു​ണ്ട്. വ​രും വ​ർ​ഷ​ങ്ങ​ളി​ൽ കൂ​ടു​ത​ൽ പേ​ർ ഇ​തി​ലേ​ക്ക് വ​രു​മെ​ന്നാ​ണ് ക​ണ​ക്കു​കൂ​ട്ടു​ന്ന​ത്.