Top
Begin typing your search above and press return to search.
exit_to_app
exit_to_app
Homechevron_rightGulfchevron_rightSaudi Arabiachevron_rightമുൻ ജഡ്​ജിയടക്കം...

മുൻ ജഡ്​ജിയടക്കം നിരവധി പേർ സൗദിയിൽ​ അഴിമതി കേസിൽ പിടിയിൽ

text_fields
bookmark_border
മുൻ ജഡ്​ജിയടക്കം നിരവധി പേർ സൗദിയിൽ​ അഴിമതി കേസിൽ പിടിയിൽ
cancel
camera_alt

സൗദി അഴിമതി വിരുദ്ധ അതോറിറ്റി (നസഹ) ആസ്ഥാനം

ജിദ്ദ: അഴിമതിക്കെതിരെ ശക്തവും കർശനവുമായ പോരാട്ടം തുടർന്ന്​ സൗദി ഭരണകൂടം. സാമ്പത്തിക ക്ര​മക്കേടും അഴിമതിയും കൈക്കൂലിയുമായി ബന്ധപ്പെട്ട കുറ്റകൃത്യങ്ങളിലേർപ്പെട്ട നിരവധി​ പേർ പിടിയിലായി.

മുൻ ജഡ്​ജിയും നിരവധി സർക്കാർ​ ഉദ്യോഗസ്ഥരും സർവിസിൽനിന്ന്​ വിരമിച്ചവരും വിദേശികളും പിടിയിലായവരിലുൾപ്പെടും. ആരോഗ്യ മന്ത്രാലയത്തിലെ 24 ജീവനക്കാർ, കാലാവസ്ഥ വകുപ്പിലെ 15 ജീവനക്കാർ, മുനിസിപ്പൽ ​ഗ്രാമകാര്യാലയത്തിലെ 14 ജീവനക്കാർ, സർവകലാശാലയിലെ രണ്ട്​ ഫാക്കൽറ്റി അംഗങ്ങൾ, മെഡിക്കൽ മാലിന്യ സംസ്​കരണ കമ്പനിയിലെ 16 ജീവനക്കാർ എന്നിവർ ദശലക്ഷക്കണത്തിന്​ റിയാലി​െൻറ തട്ടിപ്പിൽ പങ്കാളികളെന്ന നിലയിലായത്​ പിടിയിലായത്​.

യാത്രാ ടിക്കറ്റുകൾ, ഹോട്ടൽ റിസർവേഷനുകൾ, വ്യക്തിഗത ഉപയോഗത്തിന്​ കാറുകൾ എന്നിവ കൈക്കൂലിയായി കൈപ്പറ്റി, സ്വന്തം ബന്ധുക്കളെ ചട്ടം ലംഘിച്ച്​ കമ്പനികളിൽ നിയമിച്ചു തുടങ്ങിയവയാണ്​ ഇവർക്കെതിരായ കേസുകൾ.

മുൻ ജഡ്​ജി ത​െൻറ സേവനകാലത്ത്​ വിധി പുറപ്പെടുവിച്ചതിന്​ ഉപഹാരമായി ആഡംബര വാഹനം കൈപ്പറ്റിയ കേസിലാണ് നടപടി നേരിടുന്നത്​​. ഒരു പ്രതിയെ രക്ഷപ്പെടുത്താൻ ഇയാൾ അവിഹിതമായി ഇടപെട്ടു എന്ന കേസുമുണ്ട്​. ഇൗ പ്രതിക്കെതിരായ മൂന്ന്​ കോടതി വിധികൾ ഇൗ ജഡ്​ജി റദ്ദാക്കുകയും പ്രതിക്ക്​ ജയിൽമോചിതനാകാൻ സൗകര്യമൊരുക്ക​ുകയും ചെയ്​തു.

പ്രതിരോധ മന്ത്രാലയത്തിന്​ കീഴിലുള്ള ഒരു ആശുപ്രതിയിൽ നിന്ന് ശരീര വളർച്ചക്ക്​ സഹായിക്കുന്ന 45 ഹോർമോൺ ഇഞ്ചക്ഷൻ​ മറിച്ചുനൽകി​ 12,000 റിയാൽ കൈക്കൂലി വാങ്ങിയതിനാണ്​ ആരോഗ്യ ജീവനക്കാരിയായ സ്വദേശി വനിതയും ഫാർമസി ഉടമയും മറ്റൊരു അറബ്​ പൗരനും അറസ്​റ്റിലായത്​​. സ്വദേശി പൗരനിൽ നിന്ന്​ 20,000 റിയാൽ കൈക്കൂലി വാങ്ങി അവിഹിത ഇടപാട്​ നടത്തിക്കൊടുത്തതിനാണ്​ ട്രാഫിക് ഉദ്യോഗസ്ഥൻ പിടിയിലായത്​. തെറ്റായ രേഖകൾ ഉപയോഗിച്ചുള്ള സാമ്പത്തിക ഫണ്ടിങ്ങിന്​ കൈക്കൂലിയായി 1,29,800 റിയാൽ ഒരു സ്വദേശി പൗരനിൽ നിന്ന്​ കൈപ്പറ്റിയതിനാണ്​ സൗദി ​സെ​ൻട്രൽ ബാങ്ക്​ ഉദ്യോഗസ്ഥൻ ജയിലിലായത്​.

ജോലി ചെയ്യുന്ന കമ്പനിയുടെ താമസ കേന്ദ്രം നീക്കം ചെയ്യുന്നതിനുള്ള സമയപരിധി സിവിൽ ഡിഫൻസ്​ ഡയക്​ടറേറ്റിൽ നിന്ന്​ നീട്ടിച്ചതിന്​ 5000 റിയാൽ കൈക്കൂലി നൽകിയ കേസിൽ ഒരു അറബ്​ പൗരനാണ്​ പിടിയിലായത്​. കോടതിയിൽ കേസി​െൻറ വാദം കേൾക്കൽ തീയതി നിശ്ചയിക്കുന്നതിന് 15,000 റിയാൽ കൈക്കൂലി വാങ്ങിയ​ കോടതി സൂപർവൈസറാണ് പിടിയിലായ മറ്റൊരാൾ.

നേരത്തെ, അഴിമതി കേസുകളിൽ നിരവധി പേർ പിടിയിലാവുകയും കോടതി ശിക്ഷ വിധിക്കുകയും ചെയ്​തിരുന്നു. പൊതുമുതൽ ​ൈകയ്യേറുന്നവരെയും വ്യക്തിതാൽപര്യത്തിന്​ ഒൗദ്യോഗിക പദവികൾ ദുരുപയോഗം ചെയ്യുന്നവരെയും പൊതുതാൽപര്യത്തിന്​ ഹാനികരമാകും വിധത്തിൽ പ്രവർത്തിക്കുന്നവരെയും നിരീക്ഷിക്കുന്നതും പിടികൂടുന്നതും തുടരുമെന്ന്​ അഴിമതി വിരുദ്ധ അതോറിറ്റി വ്യക്​തമാക്കി. ജോലിയിൽ നിന്ന്​ വിരമിച്ചവരെയും പിടികൂടും. റിട്ടയർമെൻറ്​ കാലത്ത്​ നടത്തുന്ന സാമ്പത്തികവും ഭരണപരവുമായ അഴിമതിയും നടപടികളുടെ പരിധിയിൽ വരുമെന്ന്​ അതോറിറ്റി വ്യക്തമാക്കി.

Show Full Article
TAGS:Saudi Arabia corruption nasaha 
News Summary - including former judge arrested in corruption case in Saudi Arabia
Next Story