സൗദിയിൽ റസ്റ്റാറന്‍റുകളിലും കഫേകളിലും ടേബ്​ൾ അകലം മൂന്നു​ മീറ്ററാക്കി

ജി​ദ്ദ: രാ​ജ്യ​ത്തെ റ​സ്റ്റാ​റ​ൻ​റു​ക​ളി​ലും ക​ഫേ​ക​ളി​ലും ടേ​ബി​ളു​ക​ൾ​ക്കി​ട​യി​ലെ അ​ക​ലം മൂ​ന്നു​ മീ​റ്റ​റാ​ക്കി. ആ​​​രോ​ഗ്യ മു​ൻ​ക​രു​ത​ലാ​യി പൊ​തു​ജ​നാ​രോ​ഗ്യ അ​തോ​റി​റ്റി (വി​ഖാ​യ) നേ​ര​ത്തേ നി​ശ്ച​യി​ച്ച ഒ​രു ടേ​ബി​ളി​നു ചു​റ്റും 10​ ആ​ളു​ക​ളി​ൽ കൂ​ട​രു​തെ​ന്ന നി​ബ​ന്ധ​ന ഒ​ഴി​വാ​ക്കി​യ​താ​യും മു​നി​സി​പ്പ​ൽ-​ഗ്രാ​മ​കാ​ര്യ-​ഭ​വ​ന മ​ന്ത്രാ​ല​യം അ​റി​യി​ച്ചു​. അ​തി​നു പ​ക​ര​മാ​യാ​ണ്​ ടേ​ബി​ളു​ക​ൾ​ക്കി​ട​യി​ലെ അ​ക​ലം മൂ​ന്നു​ മീ​റ്റ​ർ വീ​ത​മാ​ക്കി നി​ബ​ന്ധ​ന പ​രി​ഷ്ക​രി​ച്ച​ത്​. റ​സ്റ്റാ​റ​ന്‍റു​ക​ളി​ലും ക​ഫേ​ക​ളി​ലും പ്ര​വേ​ശ​നാ​നു​മ​തി വാ​ക്സി​നേ​ഷ​ൻ പൂ​ർ​ത്തീ​ക​രി​ച്ച, ത​വ​ക്ക​ൽ​നാ ആ​പ്പി​ൽ 'ഇ​മ്യൂ​ൺ സ്റ്റാ​റ്റ​സ്​'​ ഉ​ള്ള​വ​ർ​ക്കു​ മാ​ത്ര​മാ​ണ്. എ​ന്നാ​ൽ, വാ​ക്സി​ൻ എ​ടു​ക്കു​ന്ന​തി​ൽ​നി​ന്ന് ഒ​ഴി​വാ​ക്ക​പ്പെ​ട്ട വി​ഭാ​ഗ​ങ്ങ​ൾ​ക്ക്​ ഈ ​നി​ബ​ന്ധ​ന ബാ​ധ​ക​മ​ല്ല. അ​ക​ത്തി​രു​ന്നു ഭ​ക്ഷ​ണം ക​ഴി​ക്കാം. പ്ര​വേ​ശി​ക്കു​ന്ന​തി​നു​മു​മ്പ് ഉ​പ​ഭോ​ക്താ​ക്ക​ൾ ഓ​​ട്ടോ​മാ​റ്റ​ഡ്​ ആ​​രോ​ഗ്യ​പ​രി​ശോ​ധ​ന സം​വി​ധാ​ന​ത്തി​ലെ സ്കാ​നി​ങ്ങി​ന്​ വി​ധേ​യ​മാ​ക​ണം. ഇ​തി​നാ​യി ക​വാ​ട​ങ്ങ​ളി​ൽ പ​രി​ശോ​ധ​ന ഉ​ദ്യോ​ഗ​സ്ഥ​രു​ണ്ടാ​യി​രി​ക്ക​ണം. ഓ​ട്ടോ​മാ​റ്റ​ഡ്​ ആ​രോ​ഗ്യ പ​രി​ശോ​ധ​ന സം​വി​ധാ​ന​മി​ല്ലെ​ങ്കി​ൽ ത​വ​ക്ക​ൽ​നാ ആ​പ്പി​ലെ ആ​രോ​ഗ്യ​നി​ല കാ​ണി​ക്കാ​ൻ ഉ​പ​ഭോ​ക്താ​വി​നോ​ട്​ ആ​വ​ശ്യ​പ്പെ​ട​ണം.

റ​സ്റ്റാ​റ​ന്‍റു​ക​ളി​ലെ എ​ല്ലാ ജീ​വ​ന​ക്കാ​രും എ​ല്ലാ​യ്​​പ്പോ​ഴും മൂ​ക്കും വാ​യും മാ​സ്​​ക്​ ഉ​പ​യോ​ഗി​ച്ചു മൂ​ടി​യി​രി​ക്ക​ണം. ഭ​ക്ഷ​ണം വി​ള​മ്പു​ന്ന​തി​നാ​യി നി​ശ്ച​യി​ച്ച എ​ല്ലാ​ സ്ഥ​ല​ങ്ങ​ളി​ലും ആ​ളു​ക​ൾ​ക്ക്​ കാ​ണ​ത്ത​ക്ക​വി​ധം ഹാ​ൻ​ഡ്​ സാ​നി​റ്റൈ​സ​റു​ക​ൾ ഒ​രു​ക്കി​യി​രി​ക്ക​ണം. ഓ​ർ​ഡ​റു​ക​ൾ സ്വീ​ക​രി​ക്കു​ന്നി​ട​ത്തും കാ​ത്തി​രി​പ്പ് സ്ഥ​ല​ങ്ങ​ളി​ലും വ്യ​ക്തി​ക​ൾ ത​മ്മി​ൽ ഒ​ന്ന​ര മീ​റ്റ​ർ സാ​മൂ​ഹി​ക അ​ക​ലം പാ​ലി​ക്ക​ണം. ഒ​രേ കു​ടും​ബ​ത്തി​ലെ അം​ഗ​ങ്ങ​ളെ ഒ​രു വ്യ​ക്തി​യാ​യാ​ണ്​ ക​ണ​ക്കാ​ക്കു​ക. അ​വ​ർ​ക്കി​ട​യി​ൽ സാ​മൂ​ഹി​ക അ​ക​ലം ആ​വ​ശ്യ​മി​ല്ല. കാ​ത്തി​രി​പ്പ് കേ​ന്ദ്ര​ങ്ങ​ളി​ലോ പ്ര​വേ​ശ​ന​ക​വാ​ട​ത്തി​ലോ തി​ര​ക്ക്​ ഒ​ഴി​വാ​ക്കാ​ൻ ഇ​ല​ക്​​ട്രോ​ണി​ക്​ ആ​പ്ലി​ക്കേ​ഷ​ൻ വ​ഴി​യോ ഫോ​ൺ വ​ഴി​യോ മു​ൻ​കൂ​ട്ടി ബു​ക്ക്​ ചെ​യ്യു​ന്ന​ത​ട​ക്ക​മു​ള്ള സം​വി​ധാ​ന​മൊ​രു​ക്ക​ണ​മെ​ന്നും മു​നി​സി​പ്പി​ൽ-​ഗ്രാ​മ​കാ​ര്യ-​ഭ​വ​ന മ​ന്ത്രാ​ല​യം ആ​വ​ശ്യ​പ്പെ​ട്ടു.