സൗദിയിൽ 161 പേർ കൂടി കോവിഡ് മുക്തരായി
text_fields
റിയാദ്: സൗദി അറേബ്യയിൽ 161 പേർ കൂടി കോവിഡ് മുക്തരായി. രാജ്യത്ത് വിവിധ ഭാഗങ്ങളിലായി ആറുപേർ മരിച്ചു. 170 പേർക്ക് രോഗബാധ സ്ഥിരീകരിച്ചു. ഇതോടെ രാജ്യത്ത് റിപ്പോർട്ട് ചെയ്ത കോവിഡ് കേസുകളുടെ ആകെ എണ്ണം 3,65,099ഉം രോഗമുക്തരുടെ എണ്ണം 3,56,848ഉം ആയി. ആകെ മരണസംഖ്യ 6329 ആയി ഉയർന്നു.
അസുഖ ബാധിതരായി രാജ്യത്ത് ബാക്കിയുള്ള 1922 പേരിൽ 317 പേരുടെ നില ഗുരുതരമാണ്. ഇവർ രാജ്യത്തെ വിവിധ ആശുപത്രികളിൽ തീവ്രപരിചരണ വിഭാഗത്തിലാണ്. ബാക്കിയുള്ളവരുടെ ആരോഗ്യസ്ഥിതി തൃപ്തികരമാണ്.
രാജ്യത്തെ കോവിഡ് മുക്തി നിരക്ക് 97.7 ശതമാനവും മരണനിരക്ക് 1.7 ശതമാനവുമായി തുടരുന്നു. കഴിഞ്ഞ 24 മണിക്കൂറിനിടെ വിവിധ മേഖലകളിൽ റിപ്പോർട്ട് ചെയ്ത പുതിയ കോവിഡ് കേസുകൾ: റിയാദ് 67, മക്ക 38, കിഴക്കൻ പ്രവിശ്യ 25, മദീന 22, ഹാഇൽ 5, നജ്റാൻ 5, വടക്കൻ അതിർത്തി മേഖല 3, അസീർ 2, ജീസാൻ 1, തബൂക്ക് 1, ഖസീം 1.
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.
