ഇംറാൻ ഖാൻ സൽമാൻ രാജാവിനെയും കിരീടാവകാശിയെയും സന്ദർശിച്ചു

ജിദ്ദ: അധികാരമേറ്റ ​േശഷം ആദ്യ വിദേശസന്ദർശനത്തിന്​ സൗദിയിലെത്തിയ പാകിസ്​താൻ പ്രധാനമന്ത്രി ഇംറാൻ ഖാൻ സൽമാൻ രാജാവിനെയും കിരീടാവകാശി അമീർ മുഹമ്മദ്​ ബിൻ സൽമാനെയും സന്ദർശിച്ചു. കഴിഞ്ഞ ദിവസം മദീനയിൽ മസ്​ജിദുന്നബവി സന്ദർശിച്ച ഇംറാൻ ഖാൻ ബുധനാഴ്​ച മക്കയിലെ മസ്​ജിദുൽ ഹറാമിലുമെത്തിയിരുന്നു. ജിദ്ദയിൽ അൽസലാം കൊട്ടാരത്തിലായിരുന്നു സൽമാൻ രാജാവുമായുള്ള ഇംറാ​​​െൻറ കൂടിക്കാഴ്​ച. ഇരുരാഷ്​ട്രങ്ങളും തമ്മിലുള്ള ഉഭയകക്ഷി ബന്ധം വിലയിരുത്തിയ ഇരുവരും ​കൂടുതൽ സഹകരണത്തിനുള്ള മാർഗങ്ങൾ ആരാഞ്ഞു. വിവിധ മേഖലകളിൽ ബന്ധം ശക്​തിപ്പെടുത്താനും തീരുമാനമായി.

മേഖലയിലെ പുതിയ സംഭവവികാസങ്ങളും ചർച്ചയായതായി സൗദി പ്രസ്​ ഏജൻസി റിപ്പോർട്ട്​ ചെയ്​തു. യോഗത്തിൽ മക്ക ഗവർണറും രാജാവി​​​െൻറ ഉപ​േദശകനുമായ അമീർ ഖാലിദ്​ അൽഫൈസൽ, അമീർ മൻസൂർ ബിൻ മിത്​അബ്​ ബിൻ അബ്​ദുൽ അസീസ്​ എന്നിവരും പ​െങ്കടുത്തു. ഇംറാൻ ഖാനോടുള്ള ആദര സൂചകമായ പ്രത്യേക വിരുന്നും രാജാവ്​ ഒരുക്കിയിരുന്നു. പിന്നീട്​ അദ്ദേഹം കിരീടാവകാശി അമീർ മുഹമ്മദ്​ ബിൻ സൽമാനുമായും കൂടിക്കാഴ്​ച നടത്തി. ഉൗർജ മേഖലയിലെ സഹകരണം ലക്ഷ്യമിട്ട്​ സൗദി ഉൗർജ മന്ത്രി എൻജി. ഖാലിദ്​ അൽഫാലിഹുമായും ഇംറാൻ ഖാൻ ചർച്ച നടത്തിയിരുന്നു. വിദേശകാര്യ മന്ത്രി ഷാഹ്​ മഹ്​മൂദ്​ ഖുറൈശിയും മുതിർന്ന മന്ത്രിസഭാംഗങ്ങളും ഇംറാനെ അനുഗമിക്കുന്നുണ്ട്​.