ഐ.എം.സി.സി രക്തദാനം നടത്തി
text_fields
ഐ.എം.സി.സി കിഴക്കൻ പ്രവിശ്യാകമ്മിറ്റി അംഗങ്ങളും ദമ്മാം സെന്‍ട്രല്‍ ആശുപത്രി അധികൃതരും രക്തദാനത്തിനു ശേഷം
ദമ്മാം: കോവിഡ് സാഹചര്യത്തിലെ പ്രതികൂലാവസ്ഥയിലും സമചിത്തതയോടെയും സേവനസന്നദ്ധരായും തങ്ങളുടെ കർത്തവ്യം നിർവഹിച്ച സൗദിയിലെ മുഴുവന്‍ ആരോഗ്യ പ്രവർത്തകരോടുമുള്ള ഐക്യദാര്‍ഢ്യ സൂചകമായി ഐ.എം.സി.സി സൗദി കിഴക്കൻ പ്രവിശ്യാ കമ്മിറ്റി അംഗങ്ങള്‍ രക്തദാനം നടത്തി.
ദമ്മാം സെന്‍ട്രല്‍ ആശുപത്രിയുടെ കീഴിലുള്ള ബ്ലഡ് ബാങ്കിലാണ് പ്രവര്‍ത്തകര്‍ രക്തം നൽകിയത്. ഐ.എം.സി.സി സൗദി കമ്മിറ്റി ജനറൽ സെക്രട്ടറി ഹനീഫ് അറബി, നവോദയ രക്ഷാധികാരി ഇ.എം. കബീർ, മുഫീദ് കൂരിയാടൻ, അബ്ദുൽ കരീം എന്നിവര്‍ പെങ്കടുത്തു. കിഴക്കൻ പ്രവിശ്യാകമ്മിറ്റി ഭാരവാഹികളായ റാഷിദ് കോട്ടപ്പുറം, നവാഫ് ഒസി, ഹാരിസ് ഏരിയാപാടി, ഖലീൽ ചട്ടഞ്ചാൽ, ഇർഷാദ് കളനാട്, സാദിഖ് ഇരിക്കൂർ, മുസ്തഫ മുക്കൻ, നജ്മുദ്ദീൻ, ഇബ്രാഹീം കുഞ്ഞി, എസ്.എ. കബീർ, ഷിയാസ് കളനാട്, നൗഷാദ് ചേരങ്കൈ തുടങ്ങിയവർ നേതൃത്വം നല്‍കി.