പുണ്യസ്​ഥലങ്ങളിൽ ഹജ്ജിന്​ മുന്നോടിയായി 11 വികസന പദ്ധതികൾ 

ജിദ്ദ: മക്ക മേഖല വികസന അതോറിറ്റിയുടെ മേൽനോട്ടത്തിൽ മിന, മുസ്​ദലിഫ, അറഫ എന്നിവിടങ്ങളിൽ നടപ്പിലാക്കിവരുന്ന പദ്ധതികൾ മക്ക ഗവർണറും മേഖല വികസന അതോറിറ്റി അധ്യക്ഷനുമായി അമീർ ഖാലിദ്​ അൽഫൈസൽ  വിലയിരുത്തി. ഹജ്ജിനു മുന്നോടിയായി പുണ്യ സ്​ഥലങ്ങളിലെ ഒരുക്കങ്ങൾ വിലയിരുത്താൻ​ ചേർന്ന യോഗത്തിലാണ്​ പദ്ധതികളുടെ പുരോഗതി  അവലോകനം നടന്നത്​​. മേഖല വികസന അതോറിറ്റി മേൽനോട്ടം വഹിക്കുന്ന 11 ഒാളം പദ്ധതികളാണ്​ പുണ്യസ്​ഥലങ്ങളിൽ നടപ്പിലാവുന്നത്​. മിനയിലെ ജംറ ഒന്ന്​, രണ്ട്​, മൂന്ന്​ മെട്രോസ്​റ്റേഷനുകളിൽ തണലിടൽ പദ്ധതി നടപ്പിലാവുന്നുണ്ട്​.  ജംറയുടെ രണ്ടാം നിലയെ അസീസീയയുമായി ബന്ധിപ്പിക്കുന്ന നടപ്പാതയിലും തണിലിടുന്ന പദ്ധതി, മുസ്​ദലിഫ, അറഫ എന്നിവിടങ്ങളിലെ മെട്രോ സ്​റ്റേഷനു ചുറ്റും നടപ്പിലാക്കിവരുന്ന ജോലികൾ, റെയിൽവേ സ്​റ്റേഷനുകളിലേക്കുള്ള തീർഥാടകരുടെ പോക്കുവരവുകൾ എളുപ്പമാക്കാൻ വിവിധ ഭാഗങ്ങളിൽ നടപ്പിലാക്കുന്ന റോഡ്​ പദ്ധതികൾ, മുസ്​ദലിഫയിലെ മൂന്നാം നമ്പർ റെയിൽവേ സ്​റ്റേഷനിലെ പഴയ വാഹന പാർക്കിങ്​ നീക്കം ചെയ്യൽ,  പാർക്കിങ്​​​െൻറ അണ്ടർ ​ഗ്രൗണ്ട്​ വർക്കുകൾ, മുഅയ്​സിം മേഖലയിൽ അറവ്​ ശാലകളിലെ അവശിഷ്​ടങ്ങൾ സംസ്​കരിക്കുന്ന സ്​റ്റേഷൻ  തുടങ്ങിയവയാണ്​ മറ്റ്​ പദ്ധതികൾ.  മിനയിലെ മൂന്നാം നമ്പർ സ്​റ്റേഷനിലേക്ക്​ റബ്​വ ഖൈഫ്​ ജലസംഭരണിയിൽ നിന്ന്​ വെള്ളമെത്തിക്കൽ, ജബലുറഹ്​മക്ക്​ ചുറ്റുമുള്ള മുറ്റംവരെ കാൽനടക്കാർക്ക്​ കോൺക്രീറ്റ്​ കോണി നിർമ്മിക്കൽ, സുരക്ഷ സേനക്ക്​ നിരീക്ഷണ ടവർ, പുതിയ 29000 ശൗച്യാലയങ്ങളിലെ ശുചീകരണ ജോലികൾക്കായുള്ള ​പദ്ധതി എന്നിവയും പുരോഗമിക്കുന്നുണ്ട്​. മിന, അറഫ, മുസ്​ദലിഫ എന്നിവങ്ങളിൽ വിവിധ പദ്ധതികളാണ്​ തീർഥാടകർക്കായി നടപ്പിലാക്കിവരുന്നത്​. ഇൗ വർഷം ഹജ്ജ്​ വേളയിൽ ഉപയോഗപ്പെടുത്താൻ തീരുമാനിച്ച പദ്ധതികളാണിവ​. 
ഹജ്ജ്​ സീസൺ അടുത്തതോടെ വിവിധ വകുപ്പുകൾക്ക്​ കീഴിൽ ആവശ്യമായ ഒരുക്കങ്ങൾ പൂർത്തിയാക്കുന്നതിനുള്ള നടപടികൾ ആരംഭിച്ചു. മിന, അറഫ, മുസ്​ദലിഫ എന്നിവങ്ങളിലും ജംറകളിലെ ക​ല്ലേറിനിടയിലും മസ്​ജിദുൽ ഹറാമിലേക്ക്​ എത്തുന്ന റോഡുകളിലും തിരക്ക്​ കുറക്കുന്നതിന്​ വേണ്ട കാര്യങ്ങൾ ചർച്ച ചെയ്യാൻ വിവിധ വകുപ്പുകളുടെ ശിൽപശാല മക്കയിൽ നടന്നു.  ശിൽപശാലയിൽ ബന്ധപ്പെട്ട വകുപ്പുകളും പ​െങ്കടുത്തു. മക്ക ഗവർണർ അമീർ ഖാലിദ്​ അൽഫൈസലി​​​െൻറ നിർദേശത്തെ തുടർന്നാണ്​ ശിൽപശാല സംഘടിപ്പിച്ചതെന്ന്​  മേഖല വികസ അതോറിറ്റി വക്​താവ്​ എൻജിനീയർ ജമാൽ കഅ്​കി പറഞ്ഞു. ഹജ്ജിനുള്ള  ഒരുക്കത്തി​​​െൻറ ഭാഗമാണിത്​. ഹജ്ജ്​ കഴിയുന്നതുവരെ ഇതു തുടരും. ഹജ്ജ്​ ഉംറ മന്ത്രാലയം, ആരോഗ്യം, പൊതുസുരക്ഷ, സിവിൽ ഡിഫൻസ്​ തുടങ്ങി ബന്ധപ്പെട്ട വകുപ്പുകളിലെ പ്രതിനിധികൾ ശിൽപശാലയിൽ പ​െങ്കടുത്തതായി അദ്ദേഹം പറഞ്ഞു.