ലുലുവിൽ നിന്ന് സാധനങ്ങൾ നാട്ടിലയക്കാൻ വമ്പിച്ച കാർഗോ ഇളവ്
text_fieldsദമ്മാം: ലുലു ഹൈപർമാർക്കറ്റിൽ നിന്ന് വാങ്ങുന്ന ഇലക്ട്രോണിക് ഉൽപന്നങ്ങളും വീട്ടുപകരണങ്ങളും ഏറ്റവും വിശ്വസനീയ കാർഗോ ഏജൻസികൾ വഴി കുറഞ്ഞ ചെലവിൽ നാട്ടിലെത്തിക്കാൻ എക്സ്ക്ല്യൂസീവ് ഓഫർ. എയർലിങ്ക്, ബി.എം കാർഗോ ഏജൻസികൾ വഴിയാണ് ഈ സൗകര്യം ഏർപ്പെടുത്തിയിരിക്കുന്നത്.
സൗദി കിഴക്കൻപ്രവിശ്യയിലെ ലുലു ഹൈപർമാർക്കറ്റുകളിൽ പ്രവർത്തിക്കുന്ന ഈ ഏജൻസികളുടെ ഔട്ട്ലെറ്റുകൾ വഴി നാട്ടിലേക്ക് സാധനങ്ങൾ അയക്കുന്നതിനാണ് ഇളവ്. ആകെ കാർഗോ ചാർജിൽ 20 ശതമാനം കിഴിവാണ് എക്സ്ക്ല്യൂസീവ് ഓഫറായി പ്രഖ്യാപിച്ചിരിക്കുന്നത്.
ജൂൺ 30 മുതൽ ജൂലൈ 15 വരെയാണ് ആനുകൂല്യം. ടിവി (32 ഇഞ്ച് മുതൽ 60 ഇഞ്ച് വരെ), വാഷിങ് മെഷീൻ, ഫ്രിഡ്ജ്, കുക്കിങ് റേഞ്ച്, മൈക്രോ വേവ് ഓവൻ, മറ്റ് വീട്ടാവശ്യങ്ങൾക്കുള്ള ഉപകരണങ്ങൾ എന്നിവ അയക്കുേമ്പാൾ വരുന്ന ആകെ കാർഗോ ചാർജിലാണ് 20 ശതമാനം ഡിസ്കൗണ്ട് ലഭിക്കുക. കസ്റ്റംസ് ചാർജ്, പാക്കിങ് ചാർജ്, ഫ്ലൈറ്റ് ചാർജ്, ബിൽ ഫീസ് എന്നിവയുൾപ്പെടെയുള്ള ചാർജിലാണ് വിലക്കിഴിവ്.
നാട്ടിൽ അവധിക്ക് പോകുന്ന പ്രവാസികൾക്ക് സാധനങ്ങൾ ചുരുങ്ങിയ ചെലവിൽ നാട്ടിൽ എത്തിക്കാൻ ഏറ്റവും മികച്ച സുവർണാവസരമാണെന്നും ഇത് എല്ലാ ഉപഭോക്താക്കളും പ്രയോജനപ്പെടുത്തണമെന്നും ലുലു മാനേജ്മെൻറ് വാർത്താക്കുറിപ്പിൽ അറിയിച്ചു
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.