അബ്​ഹ വിമാനത്താവളത്തിന് നേരെ ഹൂതി ഡ്രോൺ ആക്രമണ ശ്രമം വിഫലമാക്കി

ജിദ്ദ: അബ്​ഹ വിമാനത്താവളത്തിനു നേരെ ഹൂതികൾ നടത്തിയ ഡ്രോൺ ​ആക്രമണ ശ്രമം വിഫലമാക്കിയതായി സഖ്യ സേന വക്​താവ്​ കേണൽ തുർക്കി അൽ മാലികി വ്യക്​തമാക്കി.

ഞായറാഴ്​ച വൈകീട്ടാണ്​ ആയുധങ്ങളോട്​ കൂടിയ ഡ്രോൺ വിമാനം അബ്​ഹ വിമാനത്താവളം ലക്ഷ്യമിട്ട്​ അയച്ചത്​.

സഖ്യസേന ഇൗ ശ്രമം വിഫലമാക്കുകയായിരുന്നു. ഡ്രോണിൻെറ ചില ഭാഗങ്ങൾ വിമാനത്താവളത്തിൽ വീണു. എന്നാൽ ആളപായമില്ല.

സ്വദേശികളും വിവിധ രാജ്യക്കാരുമായ ആയിരക്കണക്കിനാളുകൾ യാത്ര ചെയ്യുന്ന വിമാനത്താവളത്തിനു നേരെയാണ് മനപ്പൂർവ്വവും ആസൂത്രിതവുമായി​ ഇറാൻ സഹായത്തോടെ ഹൂതികൾ ഡ്രോണുകൾ അയച്ചിരിക്കുന്നതെന്ന്​ വക്​താവ്​ പറഞ്ഞു.

പ്രദേശത്തെ സിവിലിയൻമാർക്കും സ്ഥാപനങ്ങൾക്കുമെതിരെ ഹൂതികൾ നടത്തുന്ന ഭീകരാക്രമണ ശ്രമങ്ങൾക്കെതിരെ അന്താരാഷ്​ട്ര നിയമങ്ങൾക്കനുസൃതമായി ശക്​തമായ തിരിച്ചടിയുണ്ടാകു​മെന്നും വക്​താവ്​ പറഞ്ഞു.