Begin typing your search above and press return to search.
proflie-avatar
Login
exit_to_app
exit_to_app
Homechevron_rightGulfchevron_rightSaudi Arabiachevron_rightസൗദിക്ക്​ നേരെ മിസൈൽ,...

സൗദിക്ക്​ നേരെ മിസൈൽ, ഡ്രോൺ ആക്രമണം നിർത്തിയെന്ന്​​ ഹൂതികൾ

text_fields
bookmark_border
സൗദിക്ക്​ നേരെ മിസൈൽ, ഡ്രോൺ ആക്രമണം നിർത്തിയെന്ന്​​ ഹൂതികൾ
cancel

ജിദ്ദ: സൗദി അറേബ്യക്കും സഖ്യസേനക്കും നേരെയുള്ള മിസൈൽ, ഡ്രോൺ ആക്രമണങ്ങൾ നിർത്തിവെച്ചതായി ഹൂതികളുടെ പ്രഖ്യാപനം. യു. എൻ ആവശ്യം മാനിച്ചാണ്​ വെടിനിർത്തൽ. യു.എൻ ദൂതനുമായി ബന്ധപ്പെട്ട ശേഷമാണ്​ തീരുമാനമെന്ന്​ ഹൂതികളുടെ നേതാവ്​ മുഹമ്മദ്​ അലി അൽ ഹൂതി പറഞ്ഞു. യു.എൻ യമൻ ദൂതൻ മാർട്ടിൻ ഗ്രിഫിത്ത് ഹൂതികളുടെ പ്രഖ്യാപനത്തെ സ്വാഗതം ചെയ്​തു. അതേ സമയം മാരിബിൽ നിന്ന്​ തൊടുത്ത മൂന്ന്​ ബാലിസ്​റ്റിക്​ മിസൈലുകൾ ഞായറാഴ്​ച തകർത്തതായി സൗദി സഖ്യസേന അറിയിച്ചു. സൗദി നേതൃത്വം നൽകുന്ന സഖ്യസേന ഹുദൈദ ഒാപറേഷൻ നിർത്തിവെക്കാൻ തീരുമാനിച്ചതിന്​ പിന്നാലെയാണ്​ ഹൂതികളുടെ പ്രഖ്യാപനം. കഴിഞ്ഞ ആഴ്​ച സഖ്യസേന ആസ്​ഥാന​ം ലക്ഷ്യമാക്കി നടത്തിയ രണ്ട്​ ബാലിസ്​റ്റിക്​ മിസൈൽ ആക്രമണം വിഫലമാക്കിയതായും സേന അറിയിച്ചു.

യമൻ യുദ്ധത്തിന്​ അറുതി വരുന്നതി​​​െൻറ സുപ്രധാന നീക്കമായാണ്​ ഹൂതികളുടെ പ്രഖ്യാപനം വിലയിരുത്തപ്പെടുന്നത്​. യുദ്ധം അവസാനിപ്പിക്കാനുളള നിര്‍ണായക ചര്‍ച്ചകള്‍ക്ക് അടുത്തയാഴ്ച സ്വീഡന്‍ വേദിയാകാനിരിക്കെയാണ്​ ഹൂതികളുടെ ഭാഗത്ത്​ നിന്നുള്ള സുപ്രധാന പ്രഖ്യാപനം. ഇതിന് മുന്നോടിയായുള്ള പ്രമേയം യു.എന്‍ സുരക്ഷാ കൗണ്‍സിലില്‍ അവതരിപ്പിക്കും. തടവുകാരെ കൈമാറി രാഷ്​ട്രീയ പരിഹാരം ഉണ്ടാക്കാനാകുമെന്ന പ്രതീക്ഷയിലാണ് യുഎന്‍. യുദ്ധമസാനിപ്പിക്കാന്‍ സമയമായെന്ന യു.എസ് നിലപാട് നേരത്തെ പ്രഖ്യാപിക്കപ്പെട്ടിരുന്നു. അബ്​ദുറബ്ബ് മന്‍സൂർ ഹാദിയെ നിലനിര്‍ത്തി രാഷ്​ട്രീയ പരിഹാരം വേണമെന്നാണ്​ സൗദിയുടെ ആവശ്യം. ചര്‍ച്ചക്ക് സന്നദ്ധമെന്ന ഹൂതികളുടെയും യമന്‍ സര്‍ക്കാറി​​​െൻറയും പക്ഷം. ഇതെല്ലാം യുദ്ധമസാനിപ്പിച്ചേക്കുമെന്ന പ്രതീക്ഷ നല്‍കുന്നുണ്ട്​. സമാന ചിന്താഗതിയിലാണ് മധ്യസ്ഥരും.

2015 ലാണ്​ യമനിൽ വിമത വിഭാഗമായ ഹൂതികളെ തുരത്താൻ സൗദി നേതൃത്വത്തിൽ സഖ്യസേന രംഗത്തിറങ്ങിയത്​​. ഇതോടെ നിരവധി മിസൈൽ ആക്രമണങ്ങൾ സൗദിക്ക്​ നേരെയുണ്ടായി. പല തവണ റിയാദിന്​ നേരെ മിസൈൽ ആക്രമണം നടന്നു. ഇറാൻ പിന്തുണയോടെയാണ്​ ഹൂതികൾ അത്യാധുനിക ദീർഘദൂര മിസൈലാക്രമണങ്ങൾ നടത്തുന്നതെന്ന്​ സൗദി സഖ്യസേന തെളിവ്​ സഹിതം ആരോപിച്ചിരുന്നു.

Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

TAGS:saudi arabiahouthi attackgulf newsmalayalam news
News Summary - Houthi Attack Saudi Arabia -Gulf News
Next Story