വീണ്ടും ജീസാനിലേക്ക്​  ഹൂതി മിസൈൽ

ജിദ്ദ: തെക്കൻ സൗദിയിലെ ജീസാനിലേക്ക്​ വീണ്ടും യമനിലെ ഹൂതി തീവ്രവാദികൾ മിസൈൽ തൊടുത്തു. സൗദി വ്യോമ പ്രതിരോധ സംവിധാനം ബാലിസ്​റ്റിക്​ മിസൈലിനെ വിജയകരമായി തകർത്തിടുകയും ചെയ്​തു. 
വ്യാഴം രാവിലെ 10.50 നാണ്​ സംഭവം. യമൻ നഗരമായ സആദയിൽ നിന്നാണ്​ മിസൈൽ തൊടുത്തതെന്ന്​ അറബ്​ സഖ്യസേന വക്​താവ്​ കേണൽ തുർക്കി അൽമാലികി വ്യക്​തമാക്കി. പതിവുപോലെ ജനവാസ മേഖലകളായിരുന്നു ലക്ഷ്യം. സംഭവത്തിൽ നാശനഷ്​ടങ്ങളൊന്നുമില്ല. 
ബുധനാഴ്​ച മറ്റൊരു തെക്കൻ ​നഗരമായ നജ്​റാനിലേക്കും ഹൂതികൾ മിസൈൽ അയച്ചിരുന്നു. അതും തകർത്തിട​ുകയായിരുന്നു.