മിനായിൽ ശക്തമായ മഴ

മക്ക: വിശുദ്ധ ഹജ്ജി​​െൻറ നാലാം ദിനത്തിൽ മിനായിൽ ശക്തമായ മഴ. ഹജ്ജ്​ കർമങ്ങൾ പുരോഗമിച്ചുകൊണ്ടിരിക്കെ ഉച്ചക്ക്​ മൂന്നു മണിയോടെയാണ്​ കനത്ത മഴയും കാറ്റും അനുഭവപ്പെട്ടത്​. ഒരു മണിക്കൂറോളമായി ശക്തമായ മഴ തുടരുകയാണ്​.

ഹാജിമാർ കുട കരുതിയെങ്കിലും അപ്രതീക്ഷിതമായി മഴയെത്തിയത്​ തീർത്ഥാടകരെ അസ്വസ്ഥരാക്കി.

മക്കയുടെ വിവിധ ഭാഗങ്ങളിലും തിങ്കളാഴ്​ച മഴ അനുഭവപ്പെട്ടു. രാവിലെ മുതൽ ചൂട്​ കുറവായിരുന്നു. അറഫ ദിനത്തിൽ മാത്രമാണ്​ കൊടും ചൂട്​ അനുഭവപ്പെട്ടത്​. ചൂടിൽ നിന്നും ആശ്വാസം ലഭിക്കാനാണ്​ ഹാജിമാർക്ക്​ കുടകൾ വിതരണം ചെയ്​തിരുന്നത്​.