ഹൃദയാഘാതം: പാലക്കാട് സ്വദേശി അബഹയിൽ മരിച്ചു

അബഹ:പാലക്കാട് പെരിങ്ങോട്ട് കുറിശ്ശി ചേലകുളങ്ങര സ്വദേശി ഷാഹുൽ ഹമീദ് (57) ഹൃദയാഘാതത്തെ തുടർന്ന് അബഹയിൽ മരിച്ചു. നെഞ്ചുവേദനയെ തുടർന്ന് അബഹ പ്രിൻസ് ഫൈസൽ ബിൻ ഖാലിദ് കാർഡിയോളജി സെൻ്റർ ഹോസ്പിറ്റലിൽ ചികിത്സ യിലിരിക്കെയാണ് മരണം.

ഹൗസ് ഡ്രൈവർ ആയി ജോലി ചെയ്തുവരികയായിരുന്നു. ഭാര്യ: സാജിദ മക്കൾ: ഷാഹിന, ഹായിഷാം ഹമീദ്, ഹയ ഹമീദ്. അബഹ ഫോറൻസിക്ക് ഹോസ്പിറ്റൽ മോർച്ചറിയിൽ സൂക്ഷിച്ചിരിക്കുന്ന മൃതദേഹം നടപടികൾ പൂർത്തിയാക്കി അബഹയിൽഖബറടക്കുമെന്ന് ജി.കെ.പി.എ നേതാക്കളായ സത്താർ ഒലിപ്പുഴ, ഡോ. അബ്ദുൽ ഖാദർ എന്നിവർ അറിയിച്ചു.