ഹരിതവത്​കരണത്തിനൊരുങ്ങി സൗദി: ആറ്​ മാസത്തിനകം 2.3 ദശലക്ഷം മരങ്ങൾ നടാൻ പദ്ധതി

ജിദ്ദ: രാജ്യത്ത്​ വനവത്​കരണം വ്യാപകമാക്കുന്നതി​​​െൻറ ഭാഗമായി ആറ്​ മാസത്തിനകം 2.3 ദശലക്ഷം മരങ്ങൾ വെച്ചു പിടിപ്പിക്കാൻ പദ്ധതി. ഒക്​ടോബർ ഒന്നുമുതൽ 2019 ഏ​പ്രിൽ 15 വരെയുള്ള കാർഷിക സീസണിലാണ്​ ഹരിതവത്​കരണത്തിന്​ പദ്ധതി തയാറാക്കിയത്​. പരിസ്​ഥിതി ജലവകുപ്പും വിവിധ സർക്കാർ വകുപ്പുകളും സഹകരിച്ചാണ്​ രാജ്യത്തെ വിവിധ മേഖലകളിൽ പദ്ധതി നടപ്പിലാക്കുന്നത്​. ഡിസംബർ 15 നകം ഒരു ദശലക്ഷത്തിലധികം മരങ്ങൾ എട്ട്​ മേഖലകളിലായി വെച്ചുപിടിപ്പിക്കുമെന്ന്​ പരിസ്​ഥിതി വകുപ്പ്​ അണ്ടർ സെക്രട്ടറി ഡോ. ഉസാമ ഫഖീഹ പറഞ്ഞു. മദീനയിൽ 50,000, തബൂക്കിൽ 35000, റിയാദിൽ 10,000 ഖസീമിൽ 20,000, ഉത്തര അതിർത്തിയിൽ 15,000, ബിഷയിൽ 140,000 ജീസാനിൽ 170,000 അൽ അഹ്​സയിൽ 150,000 മരങ്ങൾ വീതമാണ്​ വെച്ചു പിടിപ്പിക്കുക എന്ന്​ അദ്ദേഹം പറഞ്ഞു.

2019 മാർച്ച്​ ഒന്നിനും ഏപ്രിൽ 15^നുമിടയിൽ 62 ലക്ഷം മരങ്ങൾ റിയാദ്​ മേഖലയിൽ നടും. ഇതി​​​െൻറ ഭാഗമായി അൽ ഖർജ്​ ഗവർണറേറ്റിൽ 90,000, ശഖറ പ്രവിശ്യയിൽ 80,000 വീതം നടും. അഫീഫിൽ 25 ലക്ഷം, മക്ക താഴ്​വരയിൽ 12 ലക്ഷം തൈകൾ വെച്ചുപിടിപ്പിക്കും. ബീഷ, അൽ അഹ്​സ, ജീസാൻ മദീന മേഖലകളിൽ വലിയ ജലസംഭരണികളും കനാലുകളും ഇതി​​​െൻറ ഭാഗമായി നിർമിക്കുമെന്നും ഡോ. ഉസാമ ഫഖീഹ അറിയിച്ചു.മരുഭൂമിയിൽ വനവത്​കരണ പദ്ധതി നടപ്പിലാക്കുന്നതിന്​ 12 ദശലക്ഷം മരങ്ങൾ നടുന്ന പദ്ധതിയിൽ വിവിധ ഏജൻസികളുമായി കരാറിൽ ഒപ്പിട്ടിട്ടുണ്ടെന്നും അദ്ദേഹം വ്യക്​തമാക്കി. രാജ്യത്ത്​ ടൂറിസം വികസനം നടപ്പാക്കുന്നതി​​​െൻറയും പരിസ്​ഥിതി സംരക്ഷണത്തിന്​ പ്രാധാന്യം നൽകുന്നതി​​​െൻറയും ഭാഗമാണ്​ വനവത്കരണ പദ്ധതി എന്നാണ്​ വിലയിരുത്തൽ. കാലാവസ്​ഥ വ്യതിയാനത്തി​​​െൻറ ഭാഗമായി ചൂട്​ കൂടി വരുന്ന സാഹചര്യത്തിൽ ഭാവിതലമുറക്ക്​ രാജ്യം കൂടുതൽ വാസയോഗ്യമാക്കുന്നതാണ്​ ഇത്തരം പദ്ധതികൾ. സൗദിയിൽ നടന്ന അറബ്​ സമ്മിറ്റിലെ പ്രധാന ചർച്ചകളിലൊന്ന്​ മേഖലയിലെ പരിസ്​ഥിതി സംരക്ഷണമായിരുന്നു.