ഹ​രി​ത സൗ​ദി ല​ക്ഷ്യം; നി​ല​വി​ലെ ഇ​ന്ധ​ന​ങ്ങ​ൾ​ക്ക്​ പ​ക​രം യൂ​റോ ഫൈ​വ്​ ക്ലീ​ൻ പെ​ട്രോ​ളും ഡീ​സ​ലു​മെ​ത്തു​ന്നു

ദ​മ്മാം: പ​രി​സ്​​ഥി​തി സം​ര​ക്ഷ​ണം ല​ക്ഷ്യ​മി​ട്ട്​ സൗ​ദി അ​റേ​ബ്യ നി​ല​വി​ലെ ഇ​ന്ധ​ന​ങ്ങ​ൾ​ക്ക്​ പ​ക​ര​മാ​യി യൂ​റോ ഫൈ​വ്​ ക്ലീ​ൻ പെ​ട്രോ​ളും ഡീ​സ​ലും വി​പ​ണി​യി​ലെ​ത്തി​ക്കു​ന്നു. ഇ​തി​​ന്റെ ന​ട​പ​ടി​ക്ര​മ​ങ്ങ​ൾ പൂ​ർ​ത്തി​യാ​യ​താ​യി സൗ​ദി ഊ​ർ​ജ മ​ന്ത്രാ​ല​യം പ്ര​ഖ്യാ​പി​ച്ചു. പു​തി​യ ഇ​ന്ധ​ന​ങ്ങ​ൾ അ​ന്ത​രീ​ക്ഷ മ​ലി​നീ​ക​ര​ണ​ത്തി​ന്​ കാ​ര​ണ​മാ​കു​ന്ന സം​യു​ക്ത​ങ്ങ​ളു​ടെ അ​ള​വ്​ വ​ലി​യ തോ​തി​ൽ കു​റ​ച്ചാ​ണ്​ വി​പ​ണി​യി​ലെ​ത്തി​ക്കു​ന്ന​ത്.

എ​ല്ലാ ത​രം വാ​ഹ​ന​ങ്ങ​ളി​ലും ഉ​പ​യോ​ഗി​ക്കാ​വു​ന്ന​താ​ണ​ന്നും കൂ​ടു​ത​ൽ കാ​ര്യ​ക്ഷ​മ​ത ന​ൽ​കു​ന്ന​താ​ണെ​ന്നും മ​ന്ത്രാ​ല​യം വ്യ​ക്ത​മാ​ക്കി. ‘വി​ഷ​ൻ 2030’​ന്റെ ​ഭാ​ഗ​മാ​യി ‘ഗ്രീ​ൻ സൗ​ദി’ ല​ക്ഷ്യം കൈ​വ​രി​ക്കു​ന്ന​തി​ന്​ പു​റം​ത​ള്ള​പ്പെ​ടു​ന്ന കാ​ർ​ബ​ണി​​ന്റെ അ​ള​വി​ൽ കു​റ​വു​വ​രു​ത്തു​ക എ​ന്ന വ​ലി​യ ല​ക്ഷ്യ​മാ​ണ്​ പു​തി​യ ഇ​ന്ധ​ന​ങ്ങ​ളു​ടെ വി​പ​ണി​യി​ലെ​ത്തി​ക്കു​ന്ന​തി​ലൂ​ടെ സാ​ധ്യ​മാ​ക്കു​ന്ന​ത്. 2060ഓ​ടെ കാ​ർ​ബ​ൺ​മു​ക്ത അ​ന്ത​രീ​ക്ഷം സം​ജാ​ത​മാ​ക്കു​ക​യെ​ന്ന വ​ലി​യ ല​ക്ഷ്യ​ത്തി​ന്റെ പ്ര​ധാ​ന ചു​വ​ടു​വെ​പ്പ് കൂ​ടി​യാ​ണി​ത്.

കാ​ലാ​വ​സ്ഥ വ്യ​തി​യാ​ന​ത്തി​​​ന്റെ​യും ആ​ഗോ​ള​താ​പ​ന​ത്തി​​ന്റെ​യും പ്ര​ത്യാ​ഘാ​ത​ങ്ങ​ളെ നേ​രി​ടാ​നു​ള​ള അ​ന്താ​രാ​ഷ്​​ട്ര ശ്ര​മ​ങ്ങ​ൾ​ക്ക്​ പ്ര​ധാ​ന ഊ​ർ​ജ ഉ​ൽ​പാ​ദ​ക​രെ​ന്ന രീ​തി​യി​ൽ മി​ക​ച്ച പി​ന്തു​ണ ന​ൽ​കു​ക​യെ​ന്ന​തും ഇ​തി​ന്റെ ല​ക്ഷ്യ​മാ​ണ്. ഇ​ന്ധ​ന​ങ്ങ​ളു​ടെ പ്ര​ധാ​ന ആ​ഗോ​ള വി​ത​ര​ണ​ക്കാ​രെ​ന്ന നി​ല​യി​ൽ സൗ​ദി​യു​ടെ സം​ഭാ​വ​ന ഏ​റെ പ്ര​ശം​സി​ക്ക​പ്പെ​ടു​ക​യാ​ണ്.

വാ​ഹ​ന വി​പ​ണി​ക​ൾ​ക്ക്​ ഏ​റെ സ​ഹാ​യ​ക​മാ​കു​ന്ന ത​ര​ത്തി​ൽ മി​ക​ച്ച കാ​ര്യ​ക്ഷ​മ​ത ഉ​റ​പ്പു​വ​രു​ത്താ​ൻ ശ്ര​മി​ച്ചി​ട്ടു​ണ്ടെ​ന്നും മ​ന്ത്രാ​ല​യം വ്യ​ക്ത​മാ​ക്കി. രാ​ജ്യ​ത്തേ​ക്ക്​ പു​തു​താ​യി ഇ​റ​ക്കു​മ​തി ചെ​യ്യു​ന്ന വാ​ഹ​ന​ങ്ങ​ളി​ൽ പു​തി​യ ഇ​ന്ധ​ന​ങ്ങ​ൾ​ക്ക​നു​സ​രി​ച്ച്​ സാ​​ങ്കേ​തി​ക സം​വി​ധാ​ന​ങ്ങ​ൾ ഒ​രു​ക്കാ​നും കാ​ര്യ​ക്ഷ​മ​ത വ​ർ​ധി​പ്പി​ക്കാ​നും നി​ർ​മാ​താ​ക്ക​ളോ​ട്​ ആ​വ​ശ്യ​പ്പെ​ടും.

യൂ​റോ ഫൈ​വ്​ ഇ​ന്ധ​ന​ങ്ങ​ൾ ആ​ധു​നി​ക സാ​ങ്കേ​തി​ക​വി​ദ്യ​ക​ൾ​ക്ക്​ അ​നു​ഗു​ണ​മാ​യി മി​ക​ച്ച നി​ല​വാ​രം ന​ൽ​കു​ന്ന​വ​യാ​ണ്. ആ​രോ​ഗ്യ​ക​ര​വും സു​ര​ക്ഷി​ത​വു​മാ​യ അ​ന്ത​രീ​ക്ഷം സൃ​ഷ്​​ടി​ക്കാ​ൻ ഉ​പ​യു​ക്ത​മാ​ണ്. ഈ ​ഇ​ന്ധ​ന​ങ്ങ​ളി​ൽ കാ​ർ​ബ​ൻ മോ​ണോ​ക്​​സൈ​ഡി​​ന്റെ അ​ള​വ്​ 1.5 ശ​ത​മാ​ന​ത്തി​ൽ കൂ​ടി​ല്ല.