ഹറമൈൻ ട്രെയിൻ സർവീസ്​ ഉടൻ ആരംഭിക്കും

ജിദ്ദ: അൽഹറമൈൻ ട്രെയിൻ സർവീസ് ഉടനെ ആരംഭിക്കും. നേരത്തെ തീരുമാനിച്ചത്​ അനുസരിച്ച്​ ഇൗ മാസം അവസാനം സർവീസ്​ ആരംഭിക്കാനുള്ള പ്രവർത്തനങ്ങളാണ്​ പുരോഗമിക്കുന്നത്​. ഒൗദ്യോഗിക പ്രഖ്യാപനം ഉടനുണ്ടാകും. ഗതാഗത മന്ത്രി ഡോ. നബീൽ ആമൂദി ജിദ്ദ സുലൈമാനിയയിലെ റെയിൽവേ സ്​റ്റേഷൻ സന്ദർശിച്ച്​ അവസാനഘട്ട ഒരുക്കങ്ങൾ വിലയിരുത്തി. 4,61,000 ചതുരശ്ര മീറ്ററിലാണ്​ ജിദ്ദ സ്​റ്റേഷൻ പണി തീർത്തിരിക്കുന്നത്​. പ്രധാന കെട്ടിടത്തിൽ യാത്രക്കാരെ സ്വീകരിക്കുന്നതിനും അയക്കുന്നതിനും വെ​വ്വെറെ ഹാളുകളുണ്ട്​. വി.​െഎ.പി ഹാൾ, 600 പേർക്ക്​ നമസ്​കരിക്കാൻ സൗകര്യമുള്ള പള്ളി, സിവിൽ ഡിഫൻസ്​ കേന്ദ്രം, ഹെലിപാഡ്​, എട്ട്​ പ്ലാറ്റ്​ ഫോം, 6,000 കാറുകൾക്ക്​ പാർക്കിങ്​ എന്നിവയാണ്​ സജ്ജീകരിച്ചിരിക്കുന്നത്​​. ജിദ്ദ സ്​റ്റേഷൻ പരിശോധിച്ച ശേഷം മന്ത്രി മക്കയിലേക്ക്​ ട്രെയിൻ മാർഗം യാത്രയായി.

റുസൈഫ സ്​റ്റഷേനിലെ ഒരുക്കങ്ങളും മന്ത്രി പരിശോധിച്ചു. 5,03,000 ചതുശ്രമീറ്ററിലാണ്​ റുസൈഫ സ്​റ്റേഷൻ നിർമിച്ചിരിക്കുന്നത്​.
ഹറമിൽ നിന്ന്​ നാല്​ മീറ്റർ അകലെയാണിത്​​. യാത്രക്കാർക്ക്​ ആവശ്യമായ എല്ലാ സൗകര്യങ്ങളും സ്​റ്റേഷനുകളിലുണ്ടാകും.
നൂറോളം കടകൾ റെയിൽവേ സ്​​റ്റേഷനുകളിലുണ്ടാകുമെന്ന്​ റിപ്പോർട്ടുണ്ട്​.