ഇരുഹറം പ്രാർഥനകൾക്ക്​ നേതൃത്വം നൽകുന്നത്​ പണ്ഡിത​വര്യർ

മക്ക: റമദാനില്‍ ഇരുഹറമുകളിലെ രാത്രി നമസ്കാരങ്ങള്‍ക്കും പ്രാർഥനകള്‍ക്കും നേതൃത്വം നൽക​ുന്നത്​ ഇസ്​ലാമിക പണ്ഡിത ​േ​ശ്രണിയിലെ പ്രമുഖരാണ്​. മക്കയിലെ മസ്ജിദുല്‍ ഹറമില്‍ ഇരുഹറം വകുപ്പ് തലവനും പ്രശസ്​ത പണ്ഡിതനുമായ ഡോ. അബ്്ദുറഹ്്മാൻ അല്‍ സുദൈസ് ആണ് പ്രധാന ഇമാം. 22ാം വയസിൽ, 1984 മുതൽ അദ്ദേഹം ഹറമിൽ നമസ്​കാരത്തിന്​ നേതൃത്വം നൽകി വരുന്നു. ഇസ്​ലാമിക കര്‍മശാസ്ത്രത്തില്‍ ഉമ്മുല്‍ ഖുറാ സർവകലാശാലയിൽ നിന്ന്​ ഡോക്ടറേറ്റ് നേടിയ അദ്ദേഹം ലോകത്തെ ഖുർആൻ പാരായണ പ്രമുഖരിലൊരാളാണ്​. 

ഇസ്​ലാമിക ശരീഅത്തില്‍ ഉമ്മുല്‍ ഖുറാ സർവകലാശാലയിൽ നിന്നും ഡോക്ടറേറ്റ് നേടിയ ഡോ. സൗദ്‌ ശുറൈം ആണ്​ മറ്റൊരു പ്രധാന ഇമാം. ഗ്രന്ഥകാരനായ അദ്ദേഹം ഉമ്മുല്‍ ഖുറാ സർവകലാശാലയിൽ കര്‍മശാസ്ത്ര വിഭാഗം ഡീനി​​​​െൻറ ചുമതലയും വഹിക്കുന്നു. മക്കയില്‍ ജനിച്ച ഡോ. ഖാലിദ് അല്‍ ഗാമിദി 2007 മുതല്‍ മസ്ജിദുല്‍ ഹറാമിലെ പ്രധാന ഖതീബും ഇമാമുമാണ്. 2005 മുതല്‍ 2007 വരെ മസ്ജിദുന്നബവിയില്‍ നമസ്കാരത്തിന്​ നേതൃതം നല്‍കിയ ഡോ. മാഹിര്‍ അല്‍ മുഅയ്കിലി 2008 മുതല്‍ മസ്ജിദുല്‍ ഹറാം ഇമാമായി സേവനം അനുഷ്​ഠിക്കുന്നു.

37 വയസുള്ള ഡോ. യാസിര്‍ അല്‍ദോസരിയാണ്​ ഏറ്റവും പ്രായം കുറഞ്ഞ ഇമാം. റിയാദിലെ കിങ്​ സൗദ്‌ യൂണിവേഴ്സിറ്റി കര്‍മ ശാസ്ത്ര താരതമ്യപഠനത്തില്‍ അദ്ദേഹം ഡോക്ടറേറ്റ് നേടിയിട്ടുണ്ട്. ഡോ. അബ്​ദുല്ല അല്‍ ജുഹ്​നി,  ഡോ. ബൻദര്‍ ബലീല എന്നിവരും  മസ്ജിദുല്‍ ഹറമില്‍ നമസ്കാരത്തിനും പ്രാർഥനകള്‍ക്കും നേതൃത്വം നല്‍കുന്നു. മദീന മസ്ജിദുന്നബവിയിലെ ഡോ. അഹമദ്ഹുദൈഫിക്ക്​ ഇരുഹറം വികസനകാര്യവകുപ്പി​​​​െൻറ ചുമതല കൂടിയുണ്ട്​. അദ്ദേഹത്തിന്​ ഖുർആന്‍ പാരായണ ശാസ്ത്രത്തിലും ഇസ്​ലാമിക കര്‍മശാസ്ത്രത്തിലും ഡോക്​ടറേറ്റും ഉണ്ട്​. മദീനയിലെ പ്രമുഖ ഇമാമുമാരിൽ ഒരാളായ സ്വലാഹ് അല്‍ ബുദൈര്‍ മദീന ഹൈക്കോടതി ജഡ്ജികൂടിയാണ്. 

എഴുത്തുകാരനായ ഡോ. അബ്​ദുല്‍ മുഹ്സിന്‍ അല്‍ ഖാസിം, അഹമദ് ബിന്‍ താലിബ്, ഡോ. അബ്​ദുല്ല അല്‍ ബുഈജാന്‍, ഡോ. ഖാലിദ് മുഹന്ന, മഹ്​മൂദ് ഖലീല്‍ ഖാരി എന്നിവരും മസ്ജിദുന്നബവിയിലെ റമദാന്‍ രാത്രികള്‍ ഭക്തി സാന്ദ്രമാക്കുന്നു.