ലോകസാഹോദര്യത്തി​െൻറ വിളംബരമായി  മക്ക ഹറമിലെ നോമ്പുതുറ

മക്ക: മസ്​ജിദുൽ ഹറാമിലെ  ഇഫ്​താറിൽ  ദിവസവും പ​െങ്കടുക്കുന്നത്​ ലക്ഷങ്ങൾ. ലോകസാഹോദര്യത്തി​​​െൻറ വിളംബരമായി മാറുകയാണ്​ ഒരോ ഇഫ്​താറും. മഗ്​രിബ്​ നമസ്​കാരത്തിനുള്ള സമയമടുക്കുന്നതോടെ ഹറമിനകത്തും പുറത്ത്​ മുറ്റങ്ങളിലും കിലോ മീറ്റർ നീളത്തിൽ ഒരുക്കുന്ന ഇഫ്​താറിൽ സ്വദേശികളും വിദേശികളും വിവിധ രാജ്യക്കാരായ ഉംറ തീർഥാടകരുമായി ലക്ഷക്കണക്കിനാളുകളാണ്​ പ​െങ്കടുക്കുന്നത്​. ഇ​ത്രയുമാളുകൾക്ക്​ ഇഫ്​താർ വിഭവം വിതരണം ചെയ്യുന്നതിന്​ നൂറുക്കണക്കിന്​ വളണ്ടിയർമാരും ചാരിറ്റി പ്രവർത്തകരും രംഗത്തുണ്ട്​. ഒരോരുത്തരും​ ഇൗത്തപ്പഴവും സംസവു​ം വിശ്വാസികൾക്ക്​ നൽകാൻ മത്​സരിക്കുകയാണ്​​. ഹറമിലും മക്കയിലെ വിവിധ പള്ളികളിലും ഇഫ്​താർ വിഭവം ഒരുക്കുന്നതിനും വിതരണത്തിനും 550 ലധികം ലൈസൻസാണ്​ അധികൃതർ അനുവദിച്ചത്​.  1000 ലധികം സ്വദേശികളായ യുവാക്കളും യുവതികളും ഹറമിൽ ഇഫ്​താർ ഒരുക്കുന്നതിനും വിതരണത്തിനും സേവനത്തിനായിട്ടുണ്ട്​. ഹറം ശുചീകരണ ​​​ജോലിക്കാരോടൊപ്പം ചേർന്ന്​ ഇഫ്​താർ കഴിഞ്ഞാലുടൻ കുറഞ്ഞ സമയത്തിനകം ഹറം മുറ്റങ്ങൾ നമസ്​കാരത്തിന്​ ഒരുക്കുന്നതും ഇവർ തന്നെ.  
ഹറമി​ൽ സ്​ഥിരമായി നോമ്പു തുറക്കാനെത്തുന്ന നിരവധി സ്വദേശികളുണ്ട്​. കഹ്​വ, ഇൗത്തപഴം തുടങ്ങിയവ ഹറമിലുള്ളവർക്ക്​ കൂടി വിതരണം ചെയ്യാൻ കരുതിയാണ്​ ഇവർ എത്തുന്നത്​​​. ദേശ ഭാഷ വർണങ്ങൾക്കതീതമായി ലോകത്തി​​​​െൻറ വിവിധ ഭാഗങ്ങളിൽ നിന്നുള്ള ആളുകൾ ഒരുമിച്ചിരുന്നുള്ള  ഇഫ്​താർ ആശ്​ചര്യമുളവാക്കുന്ന കാഴ്​ചയാണ്​.