അർബുദം ജയിച്ചു; ഹനയും വിടവാങ്ങി

റിയാദ്​: സാമൂഹിക പ്രവർത്തകയും അർബുദ രോഗ​ ബോധവത്​കരണത്തി​​​െൻറ മുന്നണി പോരാളിയുമായ ഹന ഇസ്​കന്ദർ നിര്യാതയായി. റിയാദിലെ കിങ്​ അബ്​ദുൽ അസീസ്​ യൂനിവേഴ്​സിറ്റി ഹോസ്​പിറ്റലിൽ വ്യാഴാഴ്​ച പുലർച്ചെയായിരുന്നു മരണം. 24 വയസായിരുന്നു. കാൻസറിന്​ കീഴടങ്ങിയ സഹോദരനും സാമൂഹിക പ്രവർത്തകനുമായ ഹംസ ഇസ്​കന്ദറി​​​െൻറ പാത പിന്തുടർന്ന്​ ബോധവത്​കരണ പ്രവർത്തനങ്ങളിൽ ഏർപ്പെട്ടിരുന്ന ഹനക്ക്​ സാമൂഹിക മാധ്യമങ്ങളിൽ വൻ ആരാധക വൃന്ദമുണ്ടായിരുന്നു. ഹംസയുടെ മരണത്തിന്​ നാലുമാസത്തിന്​ ശേഷമാണ്​ അനുയായികളെ ദുഃഖത്തിലാഴ്​ത്തി സഹോദരിയും പോരാട്ടം അവസാനിപ്പിച്ചത്​. ട്വിറ്റർ ഉൾപ്പെടെ സാമൂഹിക മാധ്യമങ്ങളിൽ അനുശോചന പ്രവാഹം തുടരുകയാണ്​. ഹനയുടെ മരണം പുറത്തുവന്ന്​ നാലുമണിക്കൂറിനുള്ളിൽ തന്നെ ഒരുലക്ഷത്തോളം ട്വീറ്റുകളാണ്​ സൃഷ്​ടിക്ക​െപ്പട്ടത്​.
രോഗത്തി​​​െൻറ കടുത്ത അവശതകൾക്കിടയിലും ബോധവത്​കരണ പ്രവർത്തനങ്ങളുമായി സജീവമായിരുന്ന ഹന സമൂഹികമാധ്യമങ്ങളിലെ ത​​​െൻറ ഫോളോവേഴ്​സുമായി നിരന്തരം ബന്ധം പുലർത്തിയിരുന്നു. രോഗബാധിതരെ ആത്​മവിശ്വാസത്തോടെ ജീവിക്കാനും ബന്ധുക്കൾക്ക്​ ധൈര്യം പകർന്നു നൽകാനും അവർ ശ്രമിച്ചുകൊണ്ടേയിരുന്നു. രോഗവുമായി ഏറെക്കാലം മല്ലിട്ട സഹോദരനായിരുന്നു ഹനയുടെ മാതൃകാപുരുഷൻ. അദ്ദേഹത്തി​​​െൻറ പ്രചാരണ പ്രവർത്തനങ്ങളിൽ ഏറ്റവും പ്രശസ്​തമായത്​ ‘പുഞ്ചിരി കൊണ്ട്​ ഞാൻ അർബുദത്തെ നേരിടും’ എന്ന കാമ്പയിനായിരുന്നു. ജനുവരി 24 ന്​ മരിക്കു​േമ്പാൾ ഹംസക്ക്​ 25 വയസായിരുന്നു പ്രായം. സാർകോമ എന്ന അത്യപൂർവ അർബുദമായിരുന്നു ഇരുവർക്കും. 
ഹംസയുടെ മരണശേഷമാണ്​ ഇതേ രോഗം തന്നെ ബാധിച്ചതായി ഹന തിരിച്ചിറയുന്നത്​. തുടർന്ന്​ സഹോദര​​​െൻറ പ്രവർത്തനങ്ങൾ ഹന ഏറ്റെടുത്തു. യു.എസിലെ ടെക്​സാസിൽ കീമോതെറാപ്പിക്ക്​ ശേഷം അടുത്തിടെയാണ്​ സൗദിയിൽ മടങ്ങിയെത്തിയത്​. ഹംസയുടെ വലിയ സ്വപ്​നമായിരുന്ന കാൻസർ സപ്പോർട്ട്​ സ​​െൻറർ യാഥാർഥ്യമാക്കുന്നതിനുള്ള പരി​ശ്രമത്തിലായിരുന്നു അവസാന നാളുകളിൽ ഹന. ഇതിനായി ധനസമാഹരണവും പദ്ധതി മാതൃക തയാറാക്കലുമെല്ലാം നല്ല നിലയിൽ പുരോഗമിച്ചിരുന്നു. ‘ഇൗ സ​​െൻറർ അർബുദ രോഗികൾക്ക്​ എല്ലാമെല്ലാമായിരിക്കും. വെറുമൊരു ആശുപത്രിക്ക്​ അപ്പുറം എല്ലാം. രോഗികളെ പ്രചോദിപ്പിക്കാനും രോഗത്തി​​​െൻറ യാഥാർഥ്യം അവരെ മനസിലാക്കാനും അതിനെ സ്വീകരിച്ച്​ ഉല്ലാസകരമായി ജീവിക്കാനും അവരെ പ്രാപ്​തരാക്കുന്ന ഒന്ന്​’ ^മരണത്തിന്​ മുമ്പ്​ ഒരു അഭിമുഖത്തിൽ ഹന പറഞ്ഞു. ആ സ്വപ്​നം ബാക്കിവെച്ചാണ്​ ഹംസക്ക്​ പിന്നാലെ ഹനയും യാത്രയായത്​.
ഹനയുടെ അവസാന നിമിഷങ്ങളെ കുറിച്ച്​ മാതാവ്​ നൂർഷിദ്​ അഹമദ്​ പറയുന്നു: ‘കഴിഞ്ഞയാഴ്​ചയാണ്​ രോഗം കലശലായി അവളെ ആശുപത്രിയിൽ ​പ്രവേശിപ്പിച്ചത്​. കഴിഞ്ഞ സന്ധ്യക്ക്​, മഗ്​രിബിന്​ ശേഷം അവൾ ഉൗർജസ്വലയായി. നല്ല ബോധവും ഉണ്ടായി. വസ്​ത്രങ്ങൾ മാറ്റിത്തരാൻ പറഞ്ഞു. പ്രാർഥിക്കണമെന്നും ഖുർആൻ പാരായണം ചെയ്യണമെന്നുമായിരുന്നു അവളുടെ ആവശ്യം. അർധരാത്രി കഴിഞ്ഞതോടെ നില വല്ലാതെ വഷളായി. തലച്ചോറിൽ രക്​തസ്രാവം ഉണ്ടായതായി ഡോക്​ടർമാർ പറഞ്ഞു. രാത്രി 1.30 ന്​ അവൾ പോയി’.