മികച്ച വിദ്യാഭ്യാസം സമൂഹത്തിെൻറ പരിവര്‍ത്തനമാണ് സാധ്യമാക്കുന്നത് -ഹംസ അബ്ബാസ്
text_fields
ജിദ്ദ: മക്കള്‍ക്ക് മികച്ച വിദ്യാഭ്യാസം നല്‍കുന്നതിലൂടെ സമൂഹത്തിെൻറ പരിവര്‍ത്തനമാണ് സാധ്യമാവുന്നത് എന്ന് ഗൾഫ്മാധ്യമം ചീഫ് എഡിറ്റർ വി.കെ.ഹംസ അബ്ബാസ് പറഞ്ഞു. അതിെൻറ ഗുണം രക്ഷിതാക്കൾക്കോ കുടുംബത്തിനോ മാത്രമല്ല. മൊത്തം സമൂഹത്തിനാണ്. ജിദ്ദ എജ്യൂകഫെയിൽ ആമുഖപ്രഭാഷണം നടത്തുകയായിരുന്നു അദ്ദേഹം. സമൂഹം പ്രഥമ പരിഗണന കൊടുക്കേണ്ടത് വിദ്യാഭ്യാസത്തിനാണ്. വിദ്യാഭ്യാസമാണ് ഭാവി നിര്‍ണയിക്കുന്നത്. മുഴുവന്‍ ലോകത്തിനാണ് ഇതിെൻറ ഗുണം ലഭിക്കുന്നത്. ഉന്നത വിദ്യാഭ്യാസം നേടിയ കുട്ടികള്‍ വളര്‍ന്നു വലുതായി ലോകത്തിന് മുഴുവന്‍ നന്‍മകള്‍ ചൊരിയും. ഇന്ത്യന്‍ വിദ്യാഭ്യാസ മേഖല ലോകത്തെ ഏറ്റവും മികച്ച ഒന്നാണെന്നും അദ്ദേഹം അഭിപ്രായപ്പെട്ടു. കേവലം ഭൗതിക സാഹചര്യങ്ങള്‍ ഒരുക്കിയാല്‍ മാത്രം കുട്ടികള്‍ക്ക് ഗുണമേന്മയുള്ള വിദ്യാഭ്യാസം ഉറപ്പാക്കാന്‍ കഴിയില്ല. മറിച്ച് കുട്ടികളുടെ മാനസികാരോഗ്യത്തിലും ശ്രദ്ധ കേന്ദ്രീകരിക്കേണ്ടതുണ്ട്. കുട്ടികളില്‍ നല്ല മൂല്യങ്ങള്‍ നിക്ഷേപിച്ച് അവരെ മുന്‍നടത്താന്‍ രക്ഷിതാക്കളും അധ്യാപകരും ഉല്‍സുകരാവണമെന്നും വിദ്യാർഥികളും അധ്യാപകരും രക്ഷിതാക്കളുമടങ്ങിയ സദസ്സിനോട് അദ്ദേഹം പറഞ്ഞു.