ഹറമൈൻ ട്രെയിൻ സർവീസ്​ ഇക്കൊല്ലം മൂന്നാംപാദത്തിൽ

ജിദ്ദ: മക്ക-മദീന നഗരങ്ങളെ ബന്ധിപ്പിക്കുന്ന അൽഹറമൈൻ ​ട്രെയിൻ സർവീസ്​ ഇൗ വർഷം മൂന്നാംപാദത്തിൽ സർവീസ്​ ആരംഭിക്കുമെന്ന്​ ഗതാഗത മന്ത്രി എൻജിനീയർ നബീൽ അൽആമുദി. മക്ക ഇകണോമിക്​ ഫോറം സംഘടിപ്പിച്ച ഗതാഗത വികസന സെമിനാറിൽ സംസാരിക്കുകയായിരുന്നു അദ്ദേഹം. മധ്യപൗരസ്​ത്യ ​​മേഖലയിലെ ഏറ്റവും വേഗത കൂടിയ ട്രെയിനുകളാണ്​ സർവീസ്​ നടത്തുക. വ​ർഷത്തിൽ 60 ദശലക്ഷം യാത്രക്കാരെ വഹിക്കാൻ കഴിയുകയുമെന്നും അദ്ദേഹം കൂട്ടിച്ചേർത്ത​ു. കിങ്​ അബ്​ദുൽ അസീസ്​  വിമാനത്താവള പദ്ധതി മേഖലയിൽ നടപ്പാക്കുന്ന ഏറ്റവും വലിയ പദ്ധതിയാണ്​. വർഷത്തിൽ 50 ദശലക്ഷം യാത്രക്കാരെ ഉൾക്കൊള്ളാൻ കഴിയുന്ന വിധത്തിലാണ്​ ഇത്​ നിർമിക്കുന്നത്​​. ഖുൻഫുദ വിമാനത്താവള നിർമാണം ഇൗ വർഷം അവസാനത്തോടെ  ആരംഭിക്കും. രണ്ടുവർഷത്തിനുള്ളിൽ പ്രവർത്തന സജ്ജമാകുമെന്നും ഗതാഗത മന്ത്രി പറഞ്ഞു.

2018 മക്ക മേഖലക്ക്​ ഇത്​ മാറ്റത്തി​​​െൻറ വർഷമാണ്​. കിങ്​ അബ്​ദുൽ അസീസ്​ പുതിയ വിമാനത്താവളം പരീക്ഷണാടിസ്​ഥാനത്തിൽ ഇൗ മാസം പ്രവർത്തനമാരംഭിക്കും. ആദ്യഘട്ടത്തിൽ ആറ്​ കവാടങ്ങളും നിശ്ചിത സ്​ഥലവുമാണ്​ ഉപയോഗ​പെടുത്തുക. കിങ്​ അബ്​ദുൽ അസീസ്​ വിമാനത്താവളം, കിങ്​ അബ്​ദുല്ല ഇക്കണോമിക്​ സിറ്റി എന്നി സ്​ഥലങ്ങളുമായി  അൽഹറമൈൻ ട്രെയിൻ സർവീസിനെ​ ബന്ധപ്പെടുത്തും.  ഇതോടെ യാത്രക്കാർക്ക്​ വിമാനത്താവളത്തിലേക്ക്​ വേഗത്തിലെത്താൻ സാധിക്കും. 

രാജ്യത്തെ റോഡുകളിൽ അപകട നിരക്ക്​ കുറഞ്ഞിട്ടുണ്ട്​. ​‘വസൽ’ എന്ന പേരിലൊരു ഇലക്​ട്രോണിക്​ പ്ലാറ്റ്​ ​ഫോം ഗതാഗത മന്ത്രാലയം ഒരുക്കിയിട്ടുണ്ട്​. ബന്ധപ്പെട്ട വകുപ്പുകൾക്ക്​ കമ്പ്യൂട്ടർ വഴി ഒാപറേഷനുകൾ നിരീക്ഷിക്കാൻ കഴിയുന്നതാണിത്​. സൗദി റെയിവേയെ ‘സാർ’ കമ്പനിയുമായി ലയിപ്പിക്കും. ഗ്രൗണ്ട്​ ജോലികളൊക്കെ ‘സാർ’ ​​​​െൻറ നേരിട്ട നിരീക്ഷണത്തിലായിരിക്കും. നിലവിൽ രാജ്യത്തെ റോഡുകൾ കൂടുതൽ വികസിപ്പിക്കുന്ന ജോലികൾ പുരോഗമിക്കുകയാണ്​.  വാഹനാപകട അപകടവും മരണനിരക്കും കുറക്കുന്നതിന്​ ആരോഗ്യം, വാർത്ത സാംസ്​കാരിക മന്ത്രാലയങ്ങൾ, റെഡ്​ക്രസൻറ്​ എന്നിവ സഹകരിച്ചു വിവിധ പദ്ധതികൾ നടപ്പാക്കുന്നുണ്ട്​. വരും വർഷങ്ങളിൽ വാഹനാപകട മരണനിരക്ക്​ കുറക്കുക ലക്ഷ്യമിട്ടുള്ളതാണിതെന്നും നല്ല ഫലം ഇതുണ്ടാക്കുന്നുവെന്നും ഗതാഗത മന്ത്രി പറഞ്ഞു.