പരീക്ഷണ ഒാട്ടം: ഹറമൈൻ ​ട്രെയിൻ മക്കയിൽ

ജിദ്ദ: പരീക്ഷണ ഒാട്ടത്തിനൊടുവിൽ അൽഹറമൈൻ ​ട്രെയിൻ മക്ക സ്​റ്റേഷനിലെത്തി. ജിദ്ദക്കും മക്കക്കുമിടയിലെ ആദ്യ പരീക്ഷണ ഒാട്ടത്തി​​െൻറ ഭാഗമായാണ്​ ​ ട്രെയിൻ മക്കയിലെ റുസൈഫ സ്​റ്റേഷനിലെത്തിയത്​. ചൊവ്വാഴ്​ച രാവിലെയാണ്​ പരീക്ഷണം ആരംഭിച്ചത്​.  പൊതുഗതാഗത അതോറിറ്റി മേധാവിയും സൗദി റെയിൽവേ അധ്യക്ഷനുമായ ഡോ. റുമൈഹ്​ ബിൻ മുഹമ്മദ്​ അൽറുമൈഹ്​, ​ റെയിൽവേ എക്​സിക്യൂട്ടീവ്​ മേധാവി ഡോ. ബശാർ ബിൻ ഖാലിദ്​ അൽമാലിക്​, പദ്ധതി നടപ്പിലാക്കുന്ന സ്​പെയിൻകമ്പനി  മേധാവികളും മക്കയിലേക്കുള്ള പരീക്ഷണ ഒാട്ടത്തിൽ ട്രെയിനിലുണ്ടായിരുന്നു.

78 കിലോമീറ്റർ സഞ്ചരിച്ച്​ അൽഹറ​മൈൻ ട്രെയിൻ  ജിദ്ദയിൽ നിന്ന്​ മക്ക സ്​റ്റേഷനി​ലെത്തിയ​തോടെ സുപ്രധാനമായ അൽഹറമൈൻ റെയിൽ​ പദ്ധതി പുതിയ ഘട്ടത്തിലേക്ക്​ പ്രവേശിച്ചിരിക്കുകയാണ്​. ഏറെ കാലമായി കാത്തിരുന്ന പദ്ധതി ലക്ഷ്യത്തിലേക്ക്​ അടുത്തുകഴിഞ്ഞു​. 450 കിലോമീറ്റർ നീളത്തിൽ അഞ്ച്​ സ്​റ്റേഷനുകളോട്​ കൂടിയ പദ്ധതിയുടെ നിർമാണ ജോലികൾ ഏതാനും വർഷം മുമ്പാണ്​ ആരംഭിച്ചത്​. കോടികൾ ചെലവഴിച്ചാണ്​  ഘട്ടങ്ങളായി സൗദി ഭരണകൂടം ഇത്​  നടപ്പിലാക്കിയത്​.  മദീനക്കും കിങ്​ അബ്​ദുല്ല ഇക്കണോമിക്​ സിറ്റിക്കുമിടയിൽ  ഒരു വർഷം മുമ്പ്​ പരീക്ഷണം ഒാട്ടം ആരംഭിച്ചിരുന്നു​. കഴിഞ്ഞ ജുൺ 19^നാണ്​ ജിദ്ദയിലേക്കുള്ള ആദ്യ പരീക്ഷണ ഒാട്ടം നടന്നത്​.

അവസാനഘട്ട നിർമാണ ജോലികൾ യുദ്ധകാലാടിസ്​ഥാനത്തിൽ പൂർത്തിയാക്കിയാണ്​ ജിദ്ദക്കും മക്കക്കുമിടയിൽ പരീക്ഷണ ഒാട്ടം​. ഏകദേശം അഞ്ച്​ ലക്ഷത്തിലധികം ചതുരശ്ര മീറ്ററിലാണ്​ മക്ക സ്​റ്റേഷൻ പണി കഴിപ്പിച്ചിരിക്കുന്നത്​. അത്യാധുനിക സൗകര്യങ്ങളുള്ള  സ്​റ്റേഷൻ ഹറമിൽ നിന്ന്​ ഏകദേശം നാല്​ കിലോമീറ്റർ അകലെയാണ്​. മക്കക്ക്​ പുറമെ മദീന, ജിദ്ദ, ജിദ്ദ കിങ്​ അബ്​ദുൽ അസീസ്​ വിമാനത്താവളം, ജിദ്ദ ഇക്കണോമിക്​ സിറ്റി എന്നിങ്ങനെ നാല്​ സ്​റ്റേഷനുകളുമുണ്ട്​. മധ്യപൗരസ്​ത്യമേഖലയിലെ ഏറ്റവും വലിയ പൊതുഗതാഗത പദ്ധതികളി​ലൊന്നായ​​ അൽഹ​റമൈൻ റെയിൽവേ ഡബിൾ ലൈനുകളോട്​ കൂടിയാണ്​ നിർമിച്ചിരിക്കുന്നത്​.  പദ്ധതിക്ക്​ കീഴിൽ സർവീസ്​ നടത്തുന്നതിന്​ ട്രെയിനുകൾ ഇറക്കുമതി പൂർത്തിയായി വരികയാണ്​. പത്തിലധികം ട്രൈയിനുകൾ ഇതിനം എത്തി.  അത്യാധുനിക സൗകര്യങ്ങളോട്​​ കൂടിയ  ട്രെയിനുകൾക്ക്​ ഒാരോന്നിനും 13 ബോഗികളുണ്ട്​. 417 സീറ്റുക​​േളാടുകൂടിയതാണ്​ ട്രെയിൻ. മൊത്തം 35 ​ട്രെയിനുകൾ സർവീസിനുണ്ടാകും​. ഒൗദ്യോഗിക സർവീസ്​ ആരംഭിക്കുന്നതോടെ വർഷത്തിൽ 60 ദശലക്ഷം ആളുകൾക്ക്​ യാത്ര ചെയ്യാനാകും എന്നാണ്​ അധികൃതരുടെ കണക്ക്​. 2018 ആദ്യത്തോടെ മക്കക്കും മദീനക്കുമിടയിൽ ​ട്രെയിൻ സർവീസ്​ ആരംഭിക്കുമെന്നാണ്​ റിപ്പോർട്ട്​. 

മക്ക  പരീക്ഷണ ഒാട്ടം വിജയകരമായിരുന്നുവെന്ന്​ പൊതുഗതാഗത അതോറിറ്റി അധ്യക്ഷൻ ഡോ. റുമൈഹ്​ ബ്​നു മുഹമ്മദ്​ അൽ റുമൈഹ്​ പറഞ്ഞു. ജിദ്ദ, കിങ്​ അബ്​ദുല്ല ഇക്കണോമിക് ​സിറ്റി വഴി കടന്നുപോകുന്നതും മക്ക, മദീന  പട്ടണങ്ങളെ ബന്ധിപ്പിക്കുന്നതുമായ അൽഹ​റമൈൻ റെയിൽവേ പദ്ധതിക്ക്​ കീഴിലെ മുഴുവൻ പരീക്ഷണ ഒാട്ടങ്ങളും വിജയകരമായിരുന്നു. 

രാജ്യത്തെ  ഏറ്റവും വലിയ വികസന പദ്ധതിയായി അൽഹറമൈൻ റെയിൽവേ പദ്ധതിയെ കാണുമെന്ന്​ സൗദി റെയിൽവേ എക്​സിക്യൂട്ടീവ്​ മേധാവി ഡോ. ബഷാർ മാലിക്​ പറഞ്ഞു. മക്ക, മദീന, ജിദ്ദ, കിങ്​ അബ്​ദുല്ല ഇക്കണോമിക്​ സിറ്റി എന്നിവിക്കിടയിൽ യാത്ര അനായാസകരമാക്കുന്നതിൽ പദ്ധതി വലിയ പങ്ക്​ വഹിക്കും. ഹജ്ജ്​ ഉംറ തീർഥാടകരുടെ യാത്ര എളുപ്പമാക്കും. മേഖലയുടെ സാമ്പത്തിക പുരോഗതിക്കും പദ്ധതി ആക്കം കൂട്ടുമെന്നും സൗദി റെയിൽവേ എക്​സിക്യൂട്ടീവ്​ മേധാവി പറഞ്ഞു.