ജീ​വി​ത​ത്തി​ലെ പൈ​ശാ​ചി​ക​ത​യെ പ്ര​തീ​കാ​ത്മ​ക​മാ​യി ക​ല്ലെ​റി​ഞ്ഞ് ഹാ​ജി​മാ​ർ

മ​ക്ക: ജീ​വി​ത​ത്തി​ലെ പൈ​ശാ​ചി​ക​ത​യെ പ്ര​തീ​കാ​ത്മ​ക​മാ​യി ക​ല്ലെ​റി​യു​ന്ന ച​ട​ങ്ങ്​ ഹാ​ജി​മാ​രെ സം​ബ​ന്ധി​ച്ചി​ട​ത്തോ​ളം ജീ​വി​ത ശു​ദ്ധി​ക്ക്​ സു​ര​ക്ഷ​യൊ​രു​ക്ക​ൽ കൂ​ടി​യാ​ണ്​. ഹ​ജ്ജി​ലെ ഏ​റ്റ​വും തി​ര​ക്കു​പി​ടി​ച്ച ദി​ന​മാ​യ ദു​ൽ​ഹ​ജ്ജ് പ​ത്തി​നാ​ണ്​ ക​ല്ലെ​റി​യ​ൽ. ചൊ​വ്വാ​ഴ്​​ച പു​ല​ർ​ച്ച​യോ​ടെ മു​സ്​​ദ​ലി​ഫ​യി​ൽ നി​ന്നെ​ത്തി​യ ഹാ​ജി​മാ​ർ ജം​റ​ത്തു​ൽ അ​ഖ​ബ​യി​ൽ ക​ല്ലേ​റ് ക​ർ​മം പൂ​ർ​ത്തി​യാ​ക്കി. ഏ​ഴു ക​ല്ലു​ക​ൾ എ​റി​ഞ്ഞ് ഹാ​ജി​മാ​ർ പൈ​ശാ​ചി​ക ചി​ന്ത​ക​ളെ തു​ര​ത്തി. തു​ട​ർ​ന്ന്​ ബ​ലി​ക​ർ​മം നി​ർ​വ​ഹി​ച്ചു. നേ​ര​ത്തേ 799 റി​യാ​ൽ ന​ൽ​കി അ​ദാ​ഹി പ്ലാ​റ്റ്​​ഫോം വ​ഴി ബ​ലി​ക​ർ​മ​ത്തി​നു​ള്ള കൂ​പ്പ​ണു​ക​ൾ ഹാ​ജി​മാ​ർ കൈ​പ്പ​റ്റി​യി​രു​ന്നു.

രാ​വി​ലെ ബ​ലി​ക​ർ​മം ന​ട​ത്തി​യ​താ​യി എ​സ്.​എം.​എ​സ്​ വ​ഴി ഹാ​ജി​മാ​ർ​ക്ക്​ വി​വ​രം ല​ഭി​ച്ചു. തു​ട​ർ​ന്ന് ഹാ​ജി​മാ​ർ ത​ല മു​ണ്ഡ​നം ചെ​യ്​​തു. ഹ​ജ്ജി​ൽ​നി​ന്ന് അ​ർ​ധ​വി​രാ​മം പ്രാ​പി​ച്ച്​ സാ​ധാ​ര​ണ വ​സ്ത്ര​ങ്ങ​ൾ അ​ണി​ഞ്ഞു. അ​റ​ഫ സം​ഗ​മ​ത്തി​െൻറ പി​റ്റേ ദി​വ​സ​മാ​യ ദു​ൽ​ഹ​ജ്ജ് 10 യൗ​മു​ന്ന​ഹ​ർ അ​ഥ​വാ ബ​ലി​ദി​നം എ​ന്നാ​ണ് അ​റി​യ​പ്പെ​ടു​ന്ന​ത്. ഹ​ജ്ജി​ലെ​യും ബ​ലി​പെ​രു​ന്നാ​ളി​ലെ​യും പ്ര​ധാ​ന ക​ർ​മ​മാ​ണ് ബ​ലി. പു​ത്ര ബ​ലി​ക്കു​ള്ള ഇ​ബ്രാ​ഹിം പ്ര​വാ​ച​ക​െൻറ സ​ന്ന​ദ്ധ​ത മാ​തൃ​ക​യാ​ക്കി ദൈ​വ​മാ​ർ​ഗ​ത്തി​ൽ വി​ല​പ്പെ​ട്ട​തെ​ല്ലാം സ​മ​ർ​പ്പി​ക്കു​മെ​ന്നാ​ണ് മൃ​ഗ​ബ​ലി​യി​ലൂ​ടെ വി​ശ്വാ​സി​ക​ൾ പ്ര​ഖ്യാ​പി​ക്കു​ന്ന​ത്. ത​ങ്ങ​ൾ​ക്ക് ല​ഭി​ച്ച ചെ​റു​തും വ​ലു​തു​മാ​യ മു​ഴു​വ​ൻ അ​നു​ഗ്ര​ഹ​ങ്ങ​ളും ദൈ​വി​ക​ദാ​ന​മാ​ണ്.

ആ ​അ​നു​ഗ്ര​ഹ​ത്തി​ന്​ ന​ന്ദി പ്ര​ക​ടി​പ്പി​ച്ചു​കൊ​ണ്ട് നാ​ഥ​െൻറ മ​ഹ​ത്ത്വ​വും ഔ​ന്ന​ത്യ​വും വാ​ഴ്ത്തു​ക​യാ​ണ് ക​ർ​മം മു​ഖേ​ന വി​ശ്വാ​സി​ക​ൾ ന​ട​ത്തു​ന്ന​ത്. ഹ​ജ്ജി​െൻറ ഭാ​ഗ​മാ​യ ക​അ​ബ പ്ര​ദ​ക്ഷി​ണ​വും ഹാ​ജി​മാ​ർ നി​ർ​വ​ഹി​ച്ചു. കോ​വി​ഡ് പ്രോ​ട്ടോ​കോ​ൾ പാ​ലി​ച്ച്​ തി​ര​ക്ക് ഒ​ഴി​വാ​ക്കാ​നാ​യി പ​കു​തി​യോ​ളം ഹാ​ജി​മാ​ർ​ക്ക് മാ​ത്ര​മേ ചൊ​വ്വാ​ഴ്​​ച ക​അ​ബ പ്ര​ദ​ക്ഷി​ണ​ത്തി​ന് അ​വ​സ​രം ല​ഭി​ച്ചു​ള്ളൂ. ബാ​ക്കി ഹാ​ജി​മാ​ർ ഹ​ജ്ജ് സ​ർ​വി​സ് ഏ​ജ​ൻ​സി​ക​ൾ​ക്ക് ന​ൽ​കി​യ സ​മ​യ​ക്ര​മം അ​നു​സ​രി​ച്ച് ദു​ൽ​ഹ​ജ്ജ് 11നും 12​നും ഹ​ജ്ജി​െൻറ ഭാ​ഗ​മാ​യ പ്ര​ദ​ക്ഷി​ണം നി​ർ​വ​ഹി​ക്കും.

ക​ല്ലേ​റ് ക​ർ​മ​വും ബ​ലി​യും നി​ർ​വ​ഹി​ച്ച ഹാ​ജി​മാ​ർ മി​നാ​യി​ലെ ത​മ്പു​ക​ളി​ൽ തി​രി​ച്ചെ​ത്തി. ദു​ൽ​ഹ​ജ്ജ് 11, 12, 13 തീ​യ​തി​ക​ളി​ൽ ഹാ​ജി​മാ​ർ മി​നാ​യി​ൽ രാ​പ്പാ​ർ​ക്കും. ആ​യി​ര​ത്തോ​ളം മ​ല​യാ​ളി തീ​ർ​ഥാ​ട​ക​രാ​ണ് ഇ​ത്ത​വ​ണ ഹ​ജ്ജി​ന് എ​ത്തി​യി​രി​ക്കു​ന്ന​ത്. ഇ​വ​രു​ടെ ത്വ​വാ​ഫു​ൽ ഇ​ഫാ​ദ വ​രും ദി​വ​സ​ങ്ങ​ളി​ലാ​ണ് ക്ര​മീ​ക​രി​ച്ചി​ട്ടു​ള്ള​ത്. ഗ​ൾ​ഫി​ൽ വേ​ന​ൽ​ക്കാ​ല​മാ​യി​ട്ടും ഹ​ജ്ജ്​ ദി​വ​സ​ങ്ങ​ളി​ൽ മി​തോ​ഷ്​​ണ​മാ​യ അ​നു​കൂ​ല കാ​ലാ​വ​സ്ഥ ഹാ​ജി​മാ​ർ​ക്ക് ആ​ശ്വാ​സ​മാ​യി മാ​റി.