ഹജ്ജ് വളണ്ടിയർമാർക്ക് സ്വീകരണം നൽകി

ജിദ്ദ: ഈ വർഷത്തെ ഹജ്ജ് വളണ്ടിയർ സേവനം ചെയ്ത അംഗങ്ങൾക്ക് കൊണ്ടോട്ടി മുനിസിപ്പൽ കെ.എ.സി.സി സ്വീകരണം നൽകി. പ്രവാസികളുടെ ഇടയിൽ സമ്പാദ്യശീലം പ്രോൽസാഹിപ്പിക്കുവാൻ ‘ഖിദ്മ’ പദ്ധതിക്കും തുടക്കം കുറിച്ചു. പ്രസിഡൻറ് കെ.കെ മുഹമ്മദ്​ അധ്യക്ഷത വഹിച്ചു. കെ.എം.സി.സി ജിദ്ദ സെൻട്രൽ കമ്മിറ്റി പ്രസിഡൻറ് അഹമ്മദ് പാളയാട്ട് ‘ഖിദ്മ’ പദ്ധതി ഉസ്മാൻ താനിക്കലിനെ ചേർത്ത് ഉദ്ഘാടനം നിർവഹിച്ചു.
ഹജ്ജ് വളണ്ടിയർ മാർക്കുള്ള സർട്ടിഫിക്കറ്റ് മലപ്പുറം ജില്ല കെ.എം.സി.സി പ്രസിഡൻറ് വി.പി മുസ്തഫ വിതരണം ചെയ്​തു. ഉനൈസ്, വി.പി ലത്തീഫ് മുസ്​ലിയാരങ്ങാടി, മജീദ് അരിമ്പ്ര, മുസ്തഫ ഫൈസി, കോയ കുമ്മാളി, റഹ്​മത്ത് അലി എരഞ്ഞിക്കൽ എന്നിവർ സംസാരിച്ചു.റഷീദലി കോടങ്ങാട് സ്വാഗതവും കെ.കെ ഫൈറൂസ് നന്ദിയും പറഞ്ഞു. ചടങ്ങിൽ കബീർ പാണ്ടിക്കാടൻ ഖിറാഅത്ത് നടത്തി.