ഹജ്ജ്​-ഉംറ ശാസ്​ത്രീയ സംഗമത്തിന്​ തുടക്കമായി

മക്ക: 18 ാമത്​ ഹജ്ജ്​ ഉംറ ശാസ്​ത്രീയ ​സംഗമവും പ്രദർശനവും മക്ക ഗവർണറും ഹജജ്​ ഉന്നതാധികാര കമ്മിറ്റി അധ്യക്ഷനുമായ അമീർ ഖാലിദ്​ അൽഫൈസൽ ഉദ്​ഘാടനം ചെയ്​തു. ഉമ്മുൽ ഖുറാ യൂനി​വേഴ്​സിറ്റിക്ക്​ കീഴിലെ ഖാദിമുൽ ഹറമൈൻ ഹജ്ജ്​ ഉംറ ഗവേഷണ കേന്ദ്രമാണ്​ പരിപാടി സംഘടിപ്പിക്കുന്നത്​.  ആബിദിയയിലെ മദീനത്തുൽ ജാമിഅഅയിൽ ഒരുക്കിയ സംഗത്തിൽ​ ആറ്​​ സെഷനുകളിലായി ഹജ്ജ്​ ഉംറയുമായി ബന്ധപ്പെട്ട 57 പ്രബന്ധങ്ങൾ അവതരിപ്പിക്കും. സർക്കാർ​, സ്വകാര്യവകുപ്പുകളും ഹജ്ജ്​ ഉംറ മേഖലയിലെ വിദഗ്​ധരും സമർപ്പിച്ച 140 പ്രബന്ധങ്ങളിൽ നിന്നാണ്​ ഇത്രയും പ്രബന്ധങ്ങൾ തെരഞ്ഞെടുത്തത്​. വിഷൻ 2030 ലക്ഷ്യമിട്ട്​ തീർഥാടകർക്ക്​ മികച്ച സേവനങ്ങൾ നൽകുന്നതിന്​ സഹായകമായ വിഷയങ്ങളാണ്​ പ്രധാനമായും ചർച്ച ചെയ്യുന്നത്​. ഹജ്ജ്​ ഉംറ സഹമന്ത്രി ഡോ. അബ്​ദുൽ ഫത്താഹ്​ മുശാത്​, ഉമ്മുൽഖുറാ യൂനിവേഴ്​സിറ്റി മേധാവി ഡോ. അബ്​ദുല്ല ബാഫോൽ, ഹജ്ജ്​ ഉംറ ഗവേഷണ സ​​െൻറർ മേധാവി ഡോ.സാമി ബുറൈമീൻ തുടങ്ങിയവർ സംബന്ധിച്ചു.