ആഭ്യന്തര ഹജ്ജ്​ നിരക്കുകളായി

മക്ക: ആഭ്യന്തര ഹജ്ജ്​ സ്​ഥാപനങ്ങളുടെ നിരക്ക്​ ഹജ്ജ്​ ഉംറ മന്ത്രാലയം നിർണയിച്ചു. ചെലവ്​ കുറഞ്ഞ ഹജ്ജ്​ ‘ഹജ്ജ്​ അൽമുഅയ്​സിർ ’ എന്ന പദ്ധതിക്ക്​ കീ​ഴിൽ ഒരാൾക്ക്​ 3,465 റിയാലും മിനയിലെ  ടവറുകളിൽ താമസിച്ചുള്ള ഹജ്ജിന്​ കൂടിയ നിരക്ക്​​ 11,905 റിയാലുമാണ് നിശ്ചയിച്ചത്​.  മൂന്ന്​ കാറ്റഗറിയിലായി എ 1, എ 2, ബി, സി,  ഡി 1, ഡി 2, ഇ എന്നിങ്ങനെ തിരിച്ചിട്ടുണ്ട്​. 

ഒരോ കാറ്റഗറിയിലെ ഒരോ വിഭാഗത്തിയേയും നിരക്ക്​​ ഇപ്രകാരമാണ്​: ആദ്യ കാറ്റഗറി എ 1(8161 റിയാൽ) എ2 (8,099 റിയാൽ) ബി (8,036 റിയാൽ) സി (7,911 റിയാൽ) ഡി 1 (7,786 റിയാൽ ) ഡി 2 (7,661 റിയാൽ) ഇ (7,561 റിയാൽ)​.രണ്ടാം കാറ്റഗറി: എ1 (7,910 റിയാൽ), എ 2 (7,848 റിയാൽ), ബി (7,785 റിയാൽ), സി(7,660 റിയാൽ), ഡി1 (7,535 റിയാൽ), ഡി 2 (7,410 റിയാൽ) ഇ (7,410 റിയാൽ)​.

മൂന്നാം കാറ്റഗറി: എ1 (7,108 റിയാൽ), എ2 (7,046 റിയാൽ), ബി (6,983 റിയാൽ), സി (6,858 റിയാൽ) ഡി1 (6,733 റിയാൽ), ഡി 2 (6,608 റിയാൽ)​. ‘ഹജ്ജ്​ മുഅയ്​സിർ’ പദ്ധതിക്ക്​ കീഴിൽ 10,000 തീർഥാടകർക്കാണ്​ ഇത്തവണ അവസരമുണ്ടാകുക. ദുൽഹജ്ജ്​ എട്ട്​, 11,12, 13 ദിവസങ്ങളിൽ മിനയോട്​ അടുത്ത ഡിസ്​ട്രിക്​റ്റുകളിലെ ​കെട്ടിടങ്ങളിലായിരിക്കും ഇൗ വിഭാഗത്തിൽ ഹജ്ജിനെത്തുന്നവർക്ക്​ താമസ സൗകര്യമുണ്ടാകുക. ദുൽഹജ്ജ്​ 11,12,13​ ദിവസങ്ങളിൽ മാത്രമായിരിക്കും ഇവർക്ക്​ ട്രെയിൻ സേവനം.

ബാക്കി ദിവസങ്ങളിൽ ബസുകളിലായിരിക്കും യാത്ര. അറഫയിൽ പ്രത്യേക സ്​ഥലം നിശ്ചയിച്ചിട്ടുണ്ടാകും. ഒരു തീർഥാടകന്​ തമ്പിൽ​ 1.6 ചതു​ര​ശ്ര മീറ്ററിൽ കുറയാത്ത സ്​ഥലമുണ്ടായിരിക്കണമെന്നാണ്​ വ്യവസ്​ഥ. ഒരോ മുത്വവ്വഫും തമ്പുകൾ 75 ശതമാനം ഉപയോഗപ്പെടുത്തിയിരിക്കണം. പണം അടക്കുന്നതിന്​ മുമ്പ്​ ഹജ്ജ്​ ബുക്കിങ്​ റദ്ദാക്കുകയാണെങ്കിൽ അതിന്​ പണം ഇടാക്കുകയില്ല. അനുമതി പത്രം ആഭ്യന്തര മന്ത്രാലയം തള്ളുകയാണെങ്കിൽ 26.25 റിയാൽ ഇൗടാക്കും. കാശ്​ അടക്കുകയും അനുമതി പത്രം പ്രിൻറ്​ ചെയ്യുന്നതിന്​ മുമ്പ്​ ബുക്കിങ്​ റദ്ദാക്കുകയാണെങ്കിൽ  68.25 റിയാൽ ഇൗടാക്കും.

ദുൽഹജ്ജ്​ ഒന്ന്​ വരെ ബുക്കിങ്​ റദ്ദാക്കുന്നതിനാണിത്​. ദുൽഹജ്ജ്​ രണ്ടിന്​ ബുക്കിങ്​ റദ്ദാക്കിയാൽ കരാർ പ്രകാരമുള്ള സംഖ്യയുടെ 30 ശതമാനവും ദുൽഹജ്ജിന്​ മൂന്നിന്​ (40 ശതമാനവും) നാലിന്​ (50 ശതമാനവും) അഞ്ചിന്​ ( 60 ശതമാനവും) ആറിന്​ ( 70 ശതമാനവും) ഏഴിന്​ (100 ശതമാനവും) തുക ഇൗടാക്കും. ഇതിനു പുറമെ ഇ സേവന ചാർജായി 68.25 റിയാലും ബാങ്കിങ്​ ട്രാൻസ്​ഫർ ചാർജായി  7.35 റിയാലും അധികമായി നൽകേണ്ടിവരുമെന്നും ഹജ്ജ്​ സേവന കമ്പനികൾക്കായി പുറപ്പെടുവിച്ച മാർഗരേഖയിൽ വ്യക്​തമാക്കിയതായി പ്രാദേശിക പത്രം റിപ്പോർട്ട്​ ചെയ്​തു.