ഹ​ജ്ജ്​: പ്ര​ശ്​​ന​ങ്ങ​ളു​ണ്ടാ​ക്കു​ന്ന​വ​ർ​ക്കെ​തി​രെ ക​ർ​ശ​ന ന​ട​പ​ടി -സു​ര​ക്ഷ​സേ​ന

ജി​ദ്ദ: ഹ​ജ്ജ്​ വേ​ള​യി​ൽ പു​ണ്യ​സ്ഥ​ല​ങ്ങ​ളി​ൽ സു​ര​ക്ഷ​ക്ക് ത​ട​സ്സ​മാ​വു​ന്ന ഏ​തെ​ങ്കി​ലും ന​ട​പ​ടി ഉ​ണ്ടാ​യാ​ൽ ക​ർ​ശ​ന​മാ​യി ത​ട​യു​മെ​ന്ന്​ ഹ​ജ്ജ്​ സു​ര​ക്ഷ​സേ​ന ക​മാ​ൻ​ഡ​ർ ലെ​ഫ്​​റ്റ​ന​ൻ​റ്​ ജ​ന​റ​ൽ മു​ഹ​മ്മ​ദ്​ ബി​ൻ അ​ബ്​​ദു​ല്ല അ​ൽ​ബ​സാ​മി പ​റ​ഞ്ഞു. ഹ​ജ്ജ്​ സു​ര​ക്ഷ​സേ​ന മേ​ധാ​വി​ക​ളു​ടെ വാ​ർ​ത്ത​സ​മ്മേ​ള​ന​ത്തി​ൽ സം​സാ​രി​ക്കു​ക​യാ​യി​രു​ന്നു അ​​ദ്ദേ​ഹം. ഹ​ജ്ജി​ന്റെ സു​ര​ക്ഷ നി​ല​നി​ർ​ത്താ​ൻ ആ​ഭ്യ​ന്ത​ര മ​ന്ത്രി ര​ണ്ടു സു​ര​ക്ഷ പ​ദ്ധ​തി​ക​ൾ​ക്ക്​ അം​ഗീ​കാ​രം ന​ൽ​കി​യി​ട്ടു​ണ്ട്.

നി​യ​മ​ലം​ഘ​ക​രെ പി​ടി​കൂ​ടാ​ൻ പു​ണ്യ​സ്ഥ​ല​ങ്ങ​ളു​ടെ മു​ഴു​വ​ൻ അ​തി​ർ​ത്തി ഭാ​ഗ​ങ്ങ​ളി​ലും സു​ര​ക്ഷ​സേ​ന വ​ല​യം ചെ​യ്​​തി​ട്ടു​ണ്ട്. ഹ​ജ്ജ് വ്യ​വ​സ്ഥ​ക​ൾ ലം​ഘി​ച്ച​തി​ന് സൗ​ദി പൗ​ര​ന്മാ​രും താ​മ​സ​ക്കാ​രു​മാ​യ 288 പേ​രെ അ​റ​സ്റ്റ് ചെ​യ്യു​ക​യും 63 വ്യാ​ജ ഹ​ജ്ജ് സം​ഘാ​ട​ക​രെ പി​ടി​കൂ​ടു​ക​യും ചെ​യ്​​തി​ട്ടു​ണ്ട്. അ​നു​മ​തി​യി​ല്ലാ​തെ പു​ണ്യ​സ്ഥ​ല​ങ്ങ​ളി​ൽ പ്ര​വേ​ശി​ക്കാ​ൻ ശ്ര​മി​ക്കു​ന്ന​വ​ർ​ക്ക് 10,000 റി​യാ​ൽ പി​ഴ​യു​ണ്ടാ​കും. ജം​റ​ക​ളി​ലെ ക​ല്ലേ​റി​നു​ പോ​കു​മ്പോ​ഴും വി​ട​വാ​ങ്ങ​ൽ ത്വ​വാ​ഫ്​ വേ​ള​യി​ലും തീ​ർ​ഥാ​ട​ക​ർ സ​മ​യ​ക്ര​മം പാ​ലി​ച്ചി​രി​ക്ക​ണം. നി​യ​മാ​നു​സൃ​ത​മ​ല്ലാ​ത്ത രീ​തി​യി​ൽ ഹ​ജ്ജ് നി​ർ​വ​ഹി​ക്കാ​ൻ പ്ര​വ​ർ​ത്തി​ക്കു​ന്ന 2,062 താ​മ​സ​ലം​ഘ​ക​രെ അ​റ​സ്റ്റ് ചെ​യ്​​തി​ട്ടു​ണ്ട്. മ​ക്ക​യി​ലേ​ക്ക്​ പ്ര​വേ​ശി​ക്കാ​ൻ ആ​വ​ശ്യ​മാ​യ പെ​ർ​മി​റ്റ്​ നേ​ടാ​ത്ത 99,792 പേ​രും പി​ടി​യി​ലാ​യി​ട്ടു​ണ്ട്. അ​നു​മ​തി​പ​ത്ര​മി​ല്ലാ​ത്ത​വ​രെ മ​ക്ക​യി​ലേ​ക്ക്​ കൊ​ണ്ടു​വ​ന്ന 69,663 വാ​ഹ​ന​ങ്ങ​ൾ തി​രി​ച്ച​യ​ച്ചി​ട്ടു​ണ്ടെ​ന്നും ഹ​ജ്ജ്​ സു​ര​ക്ഷ​സേ​ന മേ​ധാ​വി പ​റ​ഞ്ഞു.

പു​ണ്യ​സ്ഥ​ല​ങ്ങ​ളി​ലെ സു​ര​ക്ഷ ഉ​റ​പ്പു​വ​രു​ത്താ​ൻ എ​ല്ലാ റോ​ഡി​ലും സി​വി​ൽ ഡി​ഫ​ൻ​സി​നെ വി​ന്യ​സി​ച്ച​താ​യി ഹ​ജ്ജ്​ സി​വി​ൽ ഡി​ഫ​ൻ​സ്​ ക​മാ​ൻ​ഡ​ർ മേ​ജ​ർ ജ​ന​റ​ൽ ഡോ. ​ഹ​മൂ​ദ്​ ബി​ൻ സു​ലൈ​മാ​ൻ അ​ൽ​ഫ​റ​ജ്​ വ്യ​ക്ത​മാ​ക്കി. തീ​ർ​ഥാ​ട​ക​ർ ക​ട​ന്നു​പോ​കു​ന്ന റോ​ഡു​ക​ളു​ടെ​യും താ​മ​സ​സ്ഥ​ല​ങ്ങ​ളു​ടെ​യും സു​ര​ക്ഷ പ​രി​ശോ​ധ​ന​ക്കും അ​ഗ്​​നി​പ്ര​തി​രോ​ധ സം​വി​ധാ​ന​ങ്ങ​ൾ ഉ​റ​പ്പു​വ​രു​ത്താ​നും പ്ര​ത്യേ​ക സം​ഘ​ങ്ങ​ളു​ണ്ടെ​ന്നും സി​വി​ൽ ഡി​ഫ​ൻ​സ്​ ക​മാ​ൻ​ഡ​ർ പ​റ​ഞ്ഞു. തി​ര​ക്ക് കു​റ​ക്കാ​ൻ ഹ​റ​മി​ന്റെ തെ​ക്കു ഭാ​ഗ​ത്തും പൊ​തു​ഗ​താ​ഗ​ത സ്റ്റേ​ഷ​നു​ക​ളി​ലും അ​ടി​യ​ന്ത​ര സേ​ന​യു​ടെ സാ​ന്നി​ധ്യ​മു​ണ്ടാ​കു​മെ​ന്ന്​ പ്ര​ത്യേ​ക അ​ടി​യ​ന്ത​ര സേ​ന ക​മാ​ൻ​ഡ​ർ മേ​ജ​ർ ജ​ന​റ​ൽ മു​ഹ​മ്മ​ദ്​ ബി​ൻ മ​ഖ്​​ബൂ​ൽ അ​ൽ​അം​റി പ​റ​ഞ്ഞു. ഹ​റ​മി​ലും പു​ണ്യ​സ്ഥ​ല​ങ്ങ​ളി​ലും ജ​ന​ക്കൂ​ട്ട​ത്തെ നി​യ​ന്ത്രി​ക്കു​ന്ന​തി​ലും തീ​ർ​ഥാ​ട​ക​ർ​ക്ക് സം​ര​ക്ഷ​ണം ന​ൽ​കു​ന്ന​തി​ലും സേ​ന​യു​ടെ പ​ങ്കാ​ളി​ത്ത​മു​ണ്ടാ​കും.

വി​ദേ​ശ​ത്ത്​ നി​ന്നു​ള്ള തീ​ർ​ഥാ​ട​ക​രു​ടെ വ​ര​വ് പൂ​ർ​ത്തി​യാ​യ​താ​യി ഹ​ജ്ജ്​ പാ​സ്​​പോ​ർ​ട്ട്​ സേ​ന ക​മാ​ൻ​ഡ​ർ മേ​ജ​ർ ജ​ന​റ​ൽ സ്വാ​ലി​ഹ്​ അ​ൽ മു​റ​ബ​അ്​ പ​റ​ഞ്ഞു. ഹ​ജ്ജ്, ഉം​റ മ​ന്ത്രാ​ല​യ​വും സി​വി​ൽ ഏ​വി​യേ​ഷ​നും ഹ​ജ്ജി​നു​ശേ​ഷം തീ​ർ​ഥാ​ട​ക​രെ അ​വ​രു​ടെ രാ​ജ്യ​ങ്ങ​ളി​ലേ​ക്ക് അ​യ​ക്കു​ന്ന​തി​ൽ ഏ​കോ​പി​ച്ച്​ പ്ര​വ​ർ​ത്തി​ക്കു​മെ​ന്നും ക​മാ​ൻ​ഡ​ർ പ​റ​ഞ്ഞു.