മിന ഇനി പ്രാർഥനയുടെ താഴ്​വാരം

ജിദ്ദ: ഹജ്ജ്​ വേളയിൽ ഏറ്റവും കൂടുതൽ സമയം തീർഥാടകർ കഴിച്ചു കൂട്ടുന്ന മിനയുടെ മണ്ണും വിണ്ണും പ്രാർഥനാ മുഖരിതം. മസ്​ജിദുൽ ഹറാമി​​​​​​​​​െൻറ വടക്ക്​ കിഴക്ക്​​ ഏകദേശം ഏഴ്​ കിലോ മീറ്റർ അകലെയാണ്​ രണ്ട്​​ ഭാഗങ്ങൾ മലകളാൽ ചുറ്റപ്പെട്ട മിന താഴ്​വാരം. മക്കക്കും മുസ്​ദലിഫക്കുമിടയിലെ 25 ലക്ഷം ചതുരശ്ര മീറ്ററിൽ പരന്നുകിടക്കുന്ന താഴ്​വാരം നാലഞ്ച്​ നാൾ പ്രാർഥനാമന്ത്രങ്ങളുടെ ദേശമാവും. ഞായറാഴ്​ച മിനയിലെത്തുന്ന തീർഥാടകർ ദുൽഹജ്ജ്​ 13-നാണ്​ വിടവാങ്ങുക. 

ഒട്ടകങ്ങളെ യാത്രക്ക്​ ഉപയോഗിച്ചിരുന്ന കാലത്ത്​ ഹജ്ജിനെത്തുന്നവർ അറഫ സംഗമത്തി​​​​​​​​​െൻറ മുന്നോടിയായി മിനയിലെത്തി ഒട്ടകൾക്ക്​ വെള്ളം നൽകി ഒരുക്കി നിർത്തിയിരുന്നത്​ ദുൽഹജ്ജ്​ എട്ടിനായിരുന്നു. അതിനാൽ ‘യൗമ്​ തർവിയ’ അഥവാ വെള്ളം കുടിപ്പിക്കുന്ന ദിവസം എന്ന പേരിലും ദുൽഹജ്ജ്​ എട്ട്​ അറിയപ്പെടുന്നുണ്ട്​. മതപരവും ചരിത്രപ്രധാനവുമായ സ്​ഥലമാണ്​ മിന താഴ്​വാരം. ജംറകളിലെ കല്ലേറും ബലികർമവും അവിടെ വെച്ചാണ്​. പാപമുക്​തി തേടിയും പ്രാർഥനാനിരതമായും കഴിയുന്ന തീർഥാടകർ മിനായിലെ താമസത്തിനിടയിൽ നൂറ്റാണ്ടുകൾ മുമ്പ്​ നടന്ന ത്യാഗോജ്വലമായ ച​രിത്ര സംഭവങ്ങളെ സ്​മരിക്കുകയും പുനരുജ്ജീവിപ്പിക്കുകയുമാണ്​ ചെയ്യുന്നത്​. 

ഇബ്രാഹീം നബിയും ഇസ്​മായീൽ നബിയുമായി ബന്ധപ്പെട്ടതാണ് ഹജ്ജി​​​​​​​​​െൻറ ചരി​ത്രം​. പ്രവാചകൻ നമസ്​കരിച്ച മസ്​ജിദു ഖൈഫ്​ മിനയിലാണ്​. ഹിജ്റക്ക്​ മുന്നോടിയായി ഒന്നും രണ്ടും അഖ്​ബാ ഉടമ്പടികൾ നടന്നതും അവിടെ വെച്ചാണ്​. ലോകത്തിലെ ഏറ്റവും വലിയ തമ്പുകളുടെ നഗരിയാണ്​​ മിന. വിവിധ രാജ്യക്കാരും ഭാഷക്കാരും വർണക്കാരും സ്വഭാവക്കാരുമെല്ലാം ഒരേ സ്​ഥലത്ത്​ നാലഞ്ച്​ നാൾ പ്രാർഥനാ നിരതരാകുന്നത്​ അപൂർവ്വ കാഴ്​ചയാണ്​. ലോകത്ത്​ മറ്റെവിടെയുമിതു പോലെ കാണാനാകില്ല.  

മൺകൂടാരങ്ങളിലായിരുന്നു ആദ്യകാലത്ത്​ മിനയിലെ താമസം​. പിന്നീട്​ തുണികളുപയോഗിച്ചുള്ള തമ്പുകളായി. ഏതാനും വർഷങ്ങൾക്ക്​ മുമ്പ്​ ആവർത്തിച്ചുണ്ടായ അഗ്​നിബാധയെ തുടർന്നാണ് നിലവിലെ അഗ്​നിപ്രതിരോധ തമ്പുകൾ മിനയിൽ സ്​ഥാപിച്ചത്​. ഏകദേശം 27 ലക്ഷം തീർഥാടകർക്ക്​ താമസിക്കാൻ കഴിയുന്ന 1,60,000ത്തോളം തമ്പുകൾ മിനയിലുണ്ടെന്നാണ്​ കണക്ക്​. തീർഥാടകർക്കാവ​ശ്യമായ വെളിച്ചം​, വെള്ളം, എയർകണ്ടീഷനിങ്​  സംവിധാനങ്ങളോട്​ കൂടിയാണ് തമ്പുകൾ ഒരുക്കിയിരിക്കുന്നത്​. അഗ്​നിശമനത്തിനായി മലക്ക്​ മുകളിൽ നിരവധി ജല സംഭരണികളും 100 കിലോമീറ്റർ നീളത്തിൽ പൈപ്പുകളും സ്​ഥാപിച്ചിട്ടുണ്ട്​. ആയിരക്കണക്കിന്​​ ശൗച്യാലയങ്ങളും വിശാലമായ റോഡുകളും മെട്രോ ട്രെയിൻ സർവീസും തണലിട്ട നടപ്പാതകളു​മെല്ലാം തീർഥാടകർക്ക്​ ആശ്വാസമേകാൻ സൗദി ഭരണകൂടം മിനയിലൊരുക്കിയിട്ടുണ്ട്​.

റെഡ്​ക്രസൻറിന്​ കീഴിൽ 360 ആംബുലൻസുകൾ

ജിദ്ദ: മിന, അറഫ, മുസ്​ദലിഫ എന്നിവിടങ്ങളിൽ സേവനത്തിന്​ റെഡ് ​ക്രസൻറിന്​ കീഴിൽ 360 ആംബുലൻസുകൾ. ഇതിൽ 15 എണ്ണം അടിയന്തിര സേവനത്തിനാണ്. ഒാക്​സിജൻ നൽകുന്നതിനും അടിയന്തര ശുശ്രുഷക്കാവശ്യമായ നൂതന സംവിധാനങ്ങളോടും കുടിയതാണ്​ ഒരോ ആംബുലൻസുകളും. ഇതിനു പുറമെ പ്രാഥമിക ശുശ്രൂഷക്കാവശ്യമായ സംവിധാനങ്ങളോട്​​ കൂടിയ 20 മോ​േട്ടാർ സൈക്കിളുകളും ഒരുക്കിയിട്ടുണ്ട്​. ​

ലാബുകളും രക്​തബാങ്കുകളും സജ്ജം

ജിദ്ദ: പുണ്യസ്​ഥലങ്ങളിൽ ലാബുകളും രക്​തബാങ്കുകളും സജ്ജമായി. ഒമ്പത്​ ലാബുകളും എട്ട്​ രക്​തബാങ്കുകളുമാണ്​ മിന, അറഫ, മുസ്​ദലിഫ എന്നിവിടങ്ങളിൽ ആരോഗ്യ മന്ത്രാലയം ഒരുക്കിയിരിക്കുന്നത്​. നൂതന സംവിധാനമാണ്​ പരിശോധനക്ക്​ ഒരുക്കിയത്​. കോറോണ പോലുള്ള വൈറസ്​ പരിശോധനക്ക്​ ശർഖ്​ അറഫ ആശുപത്രി ലാബിൽ സൗകര്യമുണ്ട്​. ഡോക്​ടർമാരും ലാബ്​ ടെക്​നീഷ്യന്മാരും സ്വദേശികളാണ്​. 16000 യൂനിറ്റ്​ രക്​തം ശേഖരിച്ച്​ രോഗമുക്​തമാണെന്ന്​ ഉറപ്പുവരുത്തിയതായും അധികൃതർ  പറഞ്ഞു.

കിടപ്പുരോഗികളെ അറഫ ആശുപത്രിയിൽ എത്തിച്ചു

ജിദ്ദ: മദീനയിലെ വിവിധ ആശുപത്രിയിൽ ചികിത്സയിൽ കഴിഞ്ഞ 23 തീർഥാടകരെ ഹജ്ജിനായി അറഫയിലെ ആശുപത്രിയിലെത്തിച്ചു. 23 ആംബുലൻസുകളിലായാണ്​ രോഗികളെ കൊണ്ടു വന്നത്​. ഒരോ ആംബുലൻസിലും ഒരു ഡോക്​ടർ, മെയിൽ നഴ്​സ്​, ലേഡി നഴ്​സ്​ എന്നിവരെ നിയോഗിച്ചിരുന്നു. ആംബുലൻസുകൾക്ക്​ കേടുപാടുകൾ സംഭവിക്കുകയാണെങ്കിൽ പകരം ഉപയോഗിക്കാൻ ആറ്​ ആംബുലൻസുകളും ​രോഗികളുടെ കു​ടെയുള്ളവർക്കായി ഒരു ബസും ഒരുക്കിയിരുന്നു.

അനുമതി പത്രമില്ലാതെ എത്തിയ 3145 വാഹനങ്ങൾ പിടികൂടി

ജിദ്ദ:  അനുമതി പത്രമില്ലാതെ എത്തിയ 3145 വാഹനങ്ങൾ പിടികൂടിയതായി സൗദി ട്രാഫിക്​ വ്യക്​തമാക്കി. ട്വിറ്ററിലാണ്​ ഇക്കാര്യം കുറിച്ചത്​. പുണ്യസ്​ഥലങ്ങളിലേക്ക്​ പ്രവേശിക്കാൻ വാഹനങ്ങൾക്ക്​ അനുമതി വേണമെന്ന്​ ട്രാഫിക്​ വിഭാഗം നേരത്തെ വ്യക്​തമാക്കിയിട്ടുണ്ട്​. തിരക്ക്​ കുറക്കുന്നതി​നായി വലിയ വാഹനങ്ങൾക്ക്​ മാത്രമാണ്​ പുണ്യസ്​ഥലങ്ങളിലേക്ക്​ പ്രവേശനം നൽകുന്നത്​.