എല്ലാ കാഴ്​ചകളും ഇൗ ചുവരിലുണ്ട്​

 മക്ക: ഹജ്ജി​​​െൻറ തിരക്കിൽ പുണ്യഭൂമിയിൽ  നടക്കുന്ന എല്ലാ കാര്യങ്ങളും ഇവിടെയിരുന്ന്​ നിരീക്ഷിക്കാം. ഹാജിമാരുടെ നീക്കങ്ങൾ, ഗതാഗത പ്രശ്​നങ്ങൾ, ദുരിതങ്ങൾ, പ്രയാസങ്ങൾ, അപകടങ്ങൾ എന്നുവേണ്ട എല്ലാ ചലനങ്ങളും നിരീക്ഷിച്ച്​ നടപിടികളാവശ്യമായവക്ക്​ തത്സമയം നിർദേശം നൽകുന്ന സംവിധാനമാണ്​ മക്കയിലെ ആഭ്യന്തരസുരക്ഷവകുപ്പിന്​ കീഴിലുള്ള 911 ​കാൾ സ​​െൻറർ. നഗര നിരീക്ഷണത്തിന്​ പുറമെ ഹജ്ജി​​​െൻറ നിരീക്ഷണത്തിന്​ മാത്രമായി ഒരുവിഭാഗം ഇവിടെ പ്രവർത്തിക്കുന്നു. ഇത്​ കൂടാതെ മിനയിലെ സുരക്ഷാകാര്യാലയത്തിലുമുണ്ട്​ ഇതുപോലെ നിരീക്ഷണകേന്ദ്രം. പതിനായിരത്തിലധികം ക്യാമറകൾ പുണ്യഭൂമിയിലുടനീളം സ്​ഥാപിച്ചാണ്​ എല്ലാ വീഡിയോ ചിത്രങ്ങളും ഒപ്പിയെടുക്കുന്നത്​. ഇത്​ നിരീക്ഷിക്കാനും നടപടികൾ സ്വീകരിക്കാനും നൂറ്​ കണക്ക്​ സുരക്ഷാജീവനക്കാർ കമ്പ്യൂട്ടർ റൂമുകളിൽ സജ്ജരാണ്​.   ഇതുകൂടാതെ പൊതുജനങ്ങൾക്ക്​ 911 ​േ​ടാൾ ഫ്രീ നമ്പറിലേക്ക്​ എന്ത്​ സഹായവും തേടി വിളിക്കാം. ഹാജിമാർക്കും വിളിക്കാം ഇൗ നമ്പറിൽ. ഇംഗ്ലീഷ്​, ഫ്രഞ്ച്​, ഉറുദു തുടങ്ങി വ്യത്യസ്​ത ഭാഷ സംസാരിക്കുന്നവരുടെ സേവനം ഇവിടെ ലഭ്യമാണ്​. കുറ്റമറ്റ രീതിയിൽ ഹജ്ജ്​ സംഘടിപ്പിക്കുന്നതിൽ ഇൗ കേന്ദ്രം വഹിക്കുന്ന പങ്ക്​ ചെറുതല്ലെന്ന്​ സുരക്ഷാകാര്യവകുപ്പ്​ വക്​താവ്​ കേണൽ മൻസൂർ അൽതുർക്കി പറഞ്ഞു. ഇവിടെ നിന്നുള്ള നിർദേശപ്രകാരമാണ്​ ഫീൽഡിലുള്ള സേനയുടെ പ്രവർത്തനങ്ങൾ. അടിയന്തരസേവനം ആവശ്യമുള്ളിടത്ത്​ സേനയെ തത്സമയം എത്തിക്കാൻ ഇതു വഴി സാധിക്കും. ഇടപെടലിന്​ കാലതാമസമെടുക്കില്ലെന്നതാണ്​ ഇൗ സംവിധാനം കൊണ്ടുള്ള നേട്ടം.   ഹജ്ജ്​ വേളയിൽ അപകടസാധ്യത നിലനിൽക്കുന്ന ജംറാത്ത്​ പോലുള്ള സ്​ഥലങ്ങളിൽ മാത്രം 550 ലധികം കാമറകളാണ്​ സ്​ഥാപിച്ചിരിക്കുന്നത്​. നേരിയ അപകടസാധ്യത പോലും സൂക്ഷ്​മമായി നിരീക്ഷിച്ചാണ്​ ഇവിടെ കുറ്റമറ്റ സുരക്ഷ ഉറപ്പാക്കുന്നത്​. 911 കാൾസ​​െൻററി​​​െൻറ സുരക്ഷാനിരീക്ഷണം മക്ക മേഖലയിലെ പ്രധാനനഗരങ്ങളെ കൂടി ബന്ധിപ്പിക്കുന്നതാണ്​.