ഹാഇൽ ശിലാചിത്രങ്ങൾ: പ്രദേശം വികസിപ്പിക്കാൻ നടപടി തുടങ്ങി 

ജിദ്ദ: ഹാഇലിലെ ജുബ പട്ടണത്തിലെ ഉമ്മു സിൻമാൻ മലയിലെയും സുവൈമിശിലെ റാത്വ, മൻജൂർ മലകളി​േലയും ശിലാചിത്രങ്ങൾ സ്​ഥിതി ചെയ്യുന്ന സ്​ഥലം നവീകരിക്കുന്നതിനും വികസിപ്പിക്കുന്നതിനും നടപടി തുടങ്ങി. ഇതിനായി രണ്ട്​ സ്​ഥലങ്ങളും ടൂറിസം വകുപ്പ്​ ഒരു ദേശീയ കമ്പനിക്ക്​ കൈമാറി. ടൂറിസം വകുപ്പിന്​ കീഴിലെ പദ്ധതികൾക്കായുള്ള ഒാഫീസും പുരാവസ്​തു, മ്യൂസിയം ഒാഫീസും സഹകരിച്ചാണ്​ പദ്ധതി നടപ്പാക്കുന്നത്​. 

സന്ദർശകരെ സ്വീകരിക്കുന്നതിനും അവർക്കാവശ്യമായ സേവനങ്ങൾ ലഭ്യമാക്കുന്നതിനും രാജ്യത്തെ പുരാവസ്​തു പ്രദേശങ്ങളും ചരിത്ര പ്രധാന സ്​ഥലങ്ങളും ടൂറിസം വകുപ്പ്​ വികസിപ്പിച്ചുവരികയാണ്​. ഇതി​​​െൻറ ഭാഗമായാണ്​ ഹാഇലിലെ പ്രസിദ്ധമായ രണ്ട്​ പുരാവസ്​തു പ്രദേശങ്ങളും വികസിപ്പിക്കുന്നത്​. യു​െനസ്​കോ ആവശ്യപ്പെടുന്നതിന്​ അനുസരിച്ച്​​ രണ്ട്​ സ്​ഥലങ്ങളിലും​ വേണ്ട സൗകര്യങ്ങൾ ഒരുക്കുമെന്ന്​ ഹാഇൽ മേഖല ടൂറിസം വകുപ്പ്​ ഒാഫീസ്​ മേധാവി എൻജിനീയർ സയ്യാദ്​ അൽമസ്​ഉൗൽ പറഞ്ഞു.

സന്ദർശകരുടെ പോക്കുവരവുകൾ എളുപ്പമാക്കാൻ പാതകൾ നന്നാക്കുക,  തണലിന്​ കുടകൾ സ്​ഥാപിക്കുക, മാർഗനിർദേശങ്ങളടങ്ങിയ ബോർഡുകൾ സ്​ഥാപിക്കുക, മലകളിലേക്ക്​ കയറാൻ പടവുകൾ സ്​ഥാപിക്കുക, പാറക്കല്ലുകളിലെ കൊത്തുപണികൾ കാണാൻ മരം കൊണ്ട്​ പ്ലാറ്റ്​​ഫോം നിർമിക്കുക, മരത്തി​​​െൻറ ​ബാരിക്കേഡുകൾ ഒരുക്കുക തുടങ്ങിയവ നടപ്പാക്കുമെന്ന്​ സയ്യാദ്​ അൽമസ്​ഉൗൽ പറഞ്ഞു. 
മദാഇൻ സ്വാലിഹ്​, ദറഇയ്യ, ജിദ്ദ ചരിത്ര മേഖല എന്നിവക്ക്​ ശേഷം യു​െനസ്​കോ പൈതൃകസ്​ഥാന പട്ടികയിൽ ഇടം നേടിയ നാലാമത്തെ സ്​ഥലമാണ്​ ജുബയിലേയും സുവൈമിശ്​ലേയും വിവിധ തരത്തിലുള്ള പ്രാചീന ശിലാചി​ത്രങ്ങൾ ഉള്ള മലകൾ. 2015 ലാണ്​ ഇൗ സ്​ഥലം യു​െനസ്​കോ പട്ടികയിൽ ഇടം തേടിയത്​. 

ഹാഇലിന്​ വടക്ക്​ പടിഞ്ഞാറ്​ ജുബയിലെ ഉമ്മു സിൻമാൻ മലയിൽ ചിത്രപണികളോട്​ കൂടിയ നിരവധി പാറക്കല്ലുകളാണുള്ളത്​. സുവൈമിശിനെ​ ലോകത്തെ ഏറ്റവുംവലിയ തുറന്ന പ്രകൃതി ചരിത്ര മ്യൂസിയമായാണ്​ കണക്കാക്കുന്നത്​. 50 ചതുരശ്ര കിലോമീറ്ററിൽ അധികം വിസ്​തൃതിയുള്ള ഇൗ പ്രദേശത്തും   വിവിധതരത്തിലുള്ള ചിത്രപണികളോട്​ കൂടിയ ധാരാളം പാറകൾ കാണാം.  ഇതിനുപുറമെ ധാരാളം ഗുഹകളും അഗ്​നിപർവത അവശിഷ്​ടങ്ങളും സ്​ഥലത്തുണ്ട്​.