അൽഭുതപ്പെടുത്താൻ എഡ്യുകഫെയിൽ ആദി ആദർശുണ്ടേ........

ജിദ്ദ: ഒരു പുസ്​തകം വായിക്കുന്നതുപോലെ നിങ്ങളുടെ മനസ്​ വായിച്ച്​ കേൾപിക്കാനും അൽഭുതപ്പെടുത്തുവാനും ആദി ആദർശ്​ ഉണ്ടാവും എഡ്യുകഫെയിൽ. ആദിയുടെ മുന്നിൽ നിന്ന്​ കള്ളം പറയാമെന്ന്​  ആരും കരു​തേണ്ട​. നിങ്ങൾ അദ്ദേഹത്തി​​​​െൻറ മുന്നിൽ നിൽക്കു​​​േമ്പാൾ എന്താണ്​ ചിന്തിക്കുന്നത്​ എന്ന്​ ആദി തന്നെ പറഞ്ഞോളും. മനസിലൊന്നും ഒളിപ്പിക്കാനാവില്ല ഇൗ അസാധാരണ പ്രതിഭയുടെ മുന്നിൽ. വിചാരങ്ങളെ സ്​കാൻ ചെയ്യുന്ന അപൂർവ വിദ്യ ആദിയുടെ പക്കലുണ്ട്​. അതുകൊണ്ട്​ തന്നെ ആദി ആദർശ്​ എന്ന മ​​​െൻറലിസ്​റ്റി​​​​െൻറ കൂടെയുള്ള ഒാരോ നിമിഷവും വിസ്​മയത്തി​​​​െൻറതും വിനോദത്തി​േൻറതുമാവും.

ഇല്യൂഷനിസ്​റ്റ്​, തോട്ട് സ്​റ്റീലര്‍, ഡിസെപ്ഷന്‍ അനലിസ്​റ്റ്​, നോണ്‍വെര്‍ബല്‍ കമ്മ്യൂണിക്കേഷന്‍ എക്‌സ്‌പെര്‍ട്ട് തുടങ്ങി ആദി ആദര്‍ശ്​ എന്ന മലയാളിക്ക്​ അത്യപൂർവ വിശേഷണങ്ങൾ ഏറെയുണ്ട്. ഒരുപാട്​ ശാസ്​ത്രങ്ങളുടെ സമന്വയമാണ്​ ആദി. ഒറ്റ വാക്കിലോ വരിയിലോ നിർവചിക്കാൻ  കഴിയാത്ത വ്യക്​തിത്വം. ആദിയിൽ നിന്ന്​ ചെറിയ പാഠങ്ങൾ  പഠിക്കാനായാൽ ജീവിതത്തിൽ വലിയ വീഴ്​ചകളുണ്ടാവാതെ നമുക്കൊരുപക്ഷെ രക്ഷപ്പെടാനായേക്കും. നാം കണ്ടു മുട്ടുന്നവരെ എളുപ്പത്തിൽ മനസിലാക്കാനും അതിനനുസരിച്ച്​ പെരുമാറാനും കഴിയുന്ന ചെറിയ വിദ്യകൾ ആർജിക്കുന്നത്​ നല്ലതാണ്​. മുന്നിലിരിക്കുന്നവരുടെ മനോലോകങ്ങളിലൂടെ സഞ്ചരിക്കുന്ന രസകരമായ കഴിവി​​​​െൻറ രഹസ്യങ്ങളെ കുറിച്ച്​ ആദി പറയുമായിരിക്കും. 

ഇന്ത്യക്കകത്തും പുറത്തും പോലീസും അന്വേഷണ ഉദ്യോഗസ്​ഥരുമൊക്കെ കേസന്വേഷണത്തിന്​ ആദിയുടെ സഹായം തേടുന്നു. അവിടെയാണ്​ ആദി സമൂഹത്തിന്​ വലിയ മുതൽക്കൂട്ടാവുന്നത്​. ലോകം ശ്രദ്ധിക്കുന്ന മ​​​െൻറലിസ്​റ്റിനോടൊപ്പം അൽപം സമയം ചെലവഴിക്കാനുള്ള അപൂർവാവസരമാണ്​ ഗൾഫ്​ മാധ്യമം സൗദി അറേബ്യയിലെ ഇന്ത്യൻ വിദ്യാർഥികൾക്ക്​ സമ്മാനിക്കുന്നത്​.ഒരു പക്ഷെ എഡ്യുകഫെയിൽ നിങ്ങളുടെ ഒാർമകളിൽ വിസ്​മയത്തി​​​​െൻറ ഒരു പാട്​ ചെപ്പുകൾ തുറന്നുവെക്കുന്ന പരിപാടിയാവും ആദിയുടേത്​. ആരും അധികം സഞ്ചരിക്കാത്ത അറിവുകളുടെ മേഖലയിലൂടെ കടന്നു വന്നയാളാണ്​ ആദി. അതു തന്നെയാവും ആദിയിൽ നിന്ന്​ പഠിക്കാവുന്ന ആദ്യപാഠം. എല്ലാവരും പോണ വഴി തെരഞ്ഞെടുക്കാതെ വ്യത്യസ്​തമായ ഭാവിയിലേക്കുള്ള വഴികൾ തെരഞ്ഞെടുക്കാനുള്ള പ്രചോദനം എഡ്യു കഫെ നിങ്ങൾക്ക്​ നൽകും. അപ്പോഴാണ്​ നിങ്ങൾ ആദിയെ പോലെ ലോകത്ത്​ സ്വയം അടയാളപ്പെടുത്തുന്നവരായി മാറുക.
കുടുതൽ വിവരങ്ങൾക്കും ഒാൺലൈൻ രജിസ്​ട്രേഷനും വേണ്ടി  click 4 m.com സന്ദർശിക്കാം.