ഗൾഫ് ഉച്ചകോടി; ഭരണാധികാരികളെ അമീർ മുഹമ്മദ്​ ബിൻ സൽമാൻ നേരിട്ടെത്തി സ്വീകരിച്ചു

ജിദ്ദ: 42ാമത് ഗൾഫ് ഉച്ചകോടിയിൽ പങ്കെടുക്കാ​നെത്തിയ ഭരണാധികാരികളെയും പ്രതിനിധികളെയും സ്വീകരിച്ചത് കിരീടാവകാശി അമീർ മുഹമ്മദ്​ ബിൻ സൽമാൻ. ചൊവ്വാഴ്​ച വൈകീട്ട് മുതലാണ്​ ഗൾഫ്​ രാഷ്​ട്ര ഭരണാധികാരികളുടെയും​ പ്രതിനിധികളുടെയും വരവ്​ തുടങ്ങിയത്​.

എല്ലാവരെയും വിമാനത്താവളത്തിൽ നേരിട്ടെത്തിയാണ് കിരീടാവകാശി​ സ്വീകരിച്ചത്​. ഒമാൻ സുൽത്താനേറ്റിന്‍റെ പ്രതിനിധി ഉപപ്രധാനമന്ത്രി ഫഹദ് ബിൻ മഹ്മൂദ് അൽ സെയ്​ദ്​ ആണ്​ ആദ്യമെത്തിയത്​. യു.എ.ഇ വൈസ് പ്രസിഡന്‍റും ദുബായ് ഭരണാധികാരിയുമായ ശൈഖ്​ മുഹമ്മദ് ബിൻ റാഷിദ്, കുവൈറ്റ് കിരീടാവകാശി ശൈഖ്​ മിഷാൽ അൽ അഹമ്മദ് അൽജാബർ അൽസബാഹ്, ഖത്തർ അമീർ ശൈഖ്​ തമീം ബിൻ ഹമദ് അൽതാനി, ബഹ്റൈൻ രാജാവ് ഹമദ് ബിൻ ഈസ എന്നിവരെയും കിരീടാവകാശി സ്വീകരിച്ചു.