പെരിന്തൽമണ്ണ സ്വദേശി ജുബൈലിൽ മരിച്ചു

 ജുബൈൽ: മലയാളി ഹൃദയാഘാതം മൂലം ജുബൈലിൽ മരിച്ചു. മലപ്പുറം പെരിന്തൽമണ്ണ സ്വദേശി പടിക്കൽ പുരക്കൽ രവീന്ദ്രനാണ്​ (62) മരിച്ചത്​. സൗദി ആർകി റോഡൻ കമ്പനിയിൽ വെൽഡർ ഫോർമാനായി ജോലി ചെയ്തുവരികയായിരുന്നു. ജുബൈൽ ജനറൽ ആശുപത്രിയിൽ സൂക്ഷിച്ചിരിക്കുന്ന മൃതദേഹം നാട്ടിൽ കൊണ്ടുപോകുന്നതിന്​ കമ്പനി പ്രതിനിധി ശശികുമാർ, സന്നദ്ധ പ്രവർത്തകൻ സലിം ആലപ്പുഴ എന്നിവർ രംഗത്തുണ്ട്. ഭാര്യ: ചന്ദ്രിക. മകൻ: അരുൺ.