Begin typing your search above and press return to search.
exit_to_app
exit_to_app
Homechevron_rightGulfchevron_rightSaudi Arabiachevron_rightയാം​ബു അ​ൽ ന​ഖ്‌​ലി​ൽ...

യാം​ബു അ​ൽ ന​ഖ്‌​ലി​ൽ ഹ​രി​ത​വ​ത്​​ക​ര​ണം:​ അ​ഞ്ച് ക​ൽ​ക്ക​രി പ്ലാ​ന്‍റു​ക​ളെ ഒ​ഴി​വാ​ക്കു​ന്നു

text_fields
bookmark_border
യാം​ബു അ​ൽ ന​ഖ്‌​ലി​ൽ ഹ​രി​ത​വ​ത്​​ക​ര​ണം:​   അ​ഞ്ച് ക​ൽ​ക്ക​രി പ്ലാ​ന്‍റു​ക​ളെ ഒ​ഴി​വാ​ക്കു​ന്നു
cancel
camera_alt

യാം​ബു അ​ൽ ന​ഖ്‌​ലി​ലെ കാ​ർ​ഷി​ക മേ​ഖ​ല​യു​ടെ കാ​ഴ്ച​ക​ൾ       ഫോ​ട്ടോ: ശ​റ​ഫു​ല്ല ശു​ഹൈ​ബ്, ചാ​പ്പ​ന​ങ്ങാ​ടി

യാം​ബു: രാ​ജ്യ​ത്തെ കാ​ർ​ഷി​ക മേ​ഖ​ല​ക​ളി​ലൊ​ന്നാ​യ യാം​ബു അ​ൽ ന​ഖ്‌​ലി​ൽ ഹ​രി​ത​വ​ത്​​ക​ര​ണം ശ​ക്ത​മാ​ക്കാ​ൻ ന​ട​പ​ടി. ഇ​വി​ടെ കാ​ർ​ഷി​ക വി​ക​സ​ന​ത്തി​ന് കൂ​ടു​ത​ൽ പ​ദ്ധ​തി​ക​ളൊ​രു​ക്കും. കാ​ർ​ഷി​ക വി​ള​ക​ളെ പ്ര​തി​കൂ​ല​മാ​യി ബാ​ധി​ക്കു​ന്നു​വെ​ന്ന ക​ണ്ടെ​ത്ത​ലി​നെ തു​ട​ർ​ന്നും ഹ​രി​താ​ഭ മേ​ഖ​ല വി​ക​സി​പ്പി​ക്കു​ക എ​ന്ന ല​ക്ഷ്യ​ത്തോ​ടെ​യും യാം​ബു അ​ൽ ന​ഖ്​​ലി​ലെ 'വാ​ദി അ​ബാ​സ​ർ' പ്ര​ദേ​ശ​ത്തെ അ​ഞ്ച് ക​ൽ​ക്ക​രി പ്ലാ​ന്‍റു​ക​ൾ ഒ​ഴി​വാ​ക്കാ​ൻ പ​രി​സ്ഥി​തി, ജ​ല, കാ​ർ​ഷി​ക മ​ന്ത്രാ​ല​യം ഉ​ത്ത​ര​വി​ട്ടു. ബ​ന്ധ​പ്പെ​ട്ട​വ​ർ​ക്ക്​ ഇ​തു​സം​ബ​ന്ധി​ച്ച നി​ർ​ദേ​ശം ന​ൽ​കി.

പ​രി​സ്ഥി​തി​ക്കും സ​സ്യ​ജാ​ല​ങ്ങ​ൾ​ക്കും കൃ​ഷി​ക്കും ഈ ​ഫാ​ക്ട​റി​ക​ൾ പ്ര​തി​കൂ​ല​മാ​ണെ​ന്ന് ക​ണ്ടെ​ത്തി​യ​തി​ന്‍റെ അ​ടി​സ്ഥാ​ന​ത്തി​ലാ​ണ് സ​മ്പ​ന്ന​മാ​യ കാ​ർ​ഷി​ക മേ​ഖ​ല​യി​ൽ ക​ൽ​ക്ക​രി ഫാ​ക്ട​റി​ക​ൾ വേ​ണ്ട​തി​ല്ലെ​ന്ന് അ​ധി​കൃ​ത​ർ തീ​രു​മാ​നി​ച്ച​ത്. യാം​ബു ടൗ​ണി​ൽ​നി​ന്ന് 50 കി​ലോ​മീ​റ്റ​ർ അ​ക​ലെ​യു​ള്ള ഫ​ല​ഭൂ​യി​ഷ്‌​ഠ​മാ​യ യാം​ബു അ​ൽ ന​ഖ്‌​ൽ കാ​ർ​ഷി​ക വി​ള​ക​ൾ​ക്ക് ഏ​റെ പേ​രു​കേ​ട്ട പ്ര​ദേ​ശ​മാ​ണ്. ജ​ല​ല​ഭ്യ​ത വേ​ണ്ടു​വോ​ളം ക​നി​ഞ്ഞു​ന​ൽ​കി​യ ഒ​രി​ടം​കൂ​ടി​യാ​ണ് ഈ ​പ്ര​ദേ​ശം. പ​ച്ച​പ്പ്‌ ഏ​റെ ഇ​ഷ്ട​പ്പെ​ടു​ന്ന ഗ്രാ​മീ​ണ​രാ​യ അ​റ​ബി​ക​ളാ​ണ് പ്ര​ദേ​ശ​ത്ത് ഏ​റെ​യും.

വ്യ​വ​സാ​യി​കാ​ടി​സ്ഥാ​ന​ത്തി​ൽ ഇ​വി​ടെ​നി​ന്ന് ഉ​ൽ​പാ​ദി​പ്പി​ക്കു​ന്ന കാ​ർ​ഷി​ക വി​ള​ക​ളാ​ണ് യാം​ബു​വി​ന്‍റെ​യും പ​രി​സ​ര​പ്ര​ദേ​ശ​ങ്ങ​ളി​ലെ​യും പ​ച്ച​ക്ക​റി മാ​ർ​ക്ക​റ്റു​ക​ളി​ൽ എ​ത്തു​ന്ന​തി​ൽ ഏ​റെ​യും. വി​ശാ​ല​മാ​യ ഈ​ന്ത​പ്പ​ന​ത്തോ​പ്പു​ക​ൾ​ക്കു പു​റ​മെ കാ​ബേ​ജ്, ഉ​ള്ളി, ത​ക്കാ​ളി, മു​ള​ക്, മ​ത്ത​ൻ, ചീ​ര, ജ​ർ​ജീ​ർ, വെ​ണ്ട, വ​ഴു​ത​ന, നാ​ര​ങ്ങ, ക​ക്കി​രി, പു​തി​ന തു​ട​ങ്ങി നാ​നാ​ത​ര​ത്തി​ലു​ള്ള പ​ച്ച​ക്ക​റി​ക​ളും ഫ​ല​ങ്ങ​ളും ഇ​വി​ടെ ധാ​രാ​ള​മാ​യി കൃ​ഷി​ചെ​യ്യു​ന്നു. പ്ര​കൃ​തി അ​ത്ഭു​തം വി​രി​യി​ക്കു​ന്ന ഈ ​താ​ഴ്‌​വ​ര​യി​ൽ ജൈ​വ​രീ​തി​യാ​ണ് പ്ര​ധാ​ന​മാ​യും കൃ​ഷി​ക്ക് അ​വ​ലം​ബി​ക്കു​ന്ന​ത്.

കാ​ർ​ഷി​ക വി​പ്ല​വം ന​ട​ത്തി വി​ജ​യ​ക്കൊ​ടി പാ​റി​ച്ച പ്ര​ദേ​ശ​ത്തെ ക​ർ​ഷ​ക​ർ​ക്ക് ആ​വ​ശ്യ​മാ​യ എ​ല്ലാ​വി​ധ പി​ന്തു​ണ​യും അ​ധി​കൃ​ത​ർ ന​ൽ​കു​ന്നു​ണ്ട്. ശു​ദ്ധ​ജ​ല ല​ഭ്യ​ത​യും പ്ര​കൃ​തി​ര​മ​ണീ​യ​ത​യും കൊ​ണ്ട് വേ​റി​ട്ടു​നി​ൽ​ക്കു​ന്ന ഈ ​ഗ്രാ​മീ​ണ മേ​ഖ​ല പ്ര​കൃ​തി​സ്നേ​ഹി​ക​ളെ​യും ന​ഗ​ര​വാ​സി​ക​ളെ​യും ഒ​രു​പോ​ലെ ആ​ക​ർ​ഷി​ക്കു​ന്ന​താ​ണ്. മ​രു​ഭൂ​മി​യു​ടെ മു​ക​ൾ​പ്പ​ര​പ്പി​ൽ​നി​ന്ന് പ്ര​വ​ഹി​ക്കു​ന്ന ശ​ക്ത​മാ​യ ജ​ല​ധാ​ര​ക​ൾ ഇ​വി​ടെ കാ​ണാം. ഉ​റ​വ​ക​ളെ ആ​ശ്ര​യി​ച്ച് കൃ​ഷി സ​ജീ​വ​മാ​ക്കു​ന്ന സ്വ​ദേ​ശി​ക​ളാ​യ ക​ർ​ഷ​ക​ർ ഇ​വി​ട​ത്തെ കൃ​ഷി​യി​ട​ങ്ങ​ളി​ലെ നി​ത്യ​ക്കാ​ഴ്ച​യാ​ണ്. ജ​ല​ധാ​ര, ഉ​റ​വ് എ​ന്നി​ങ്ങ​നെ​യാ​ണ്​ 'യാം​ബു' എ​ന്ന വാ​ക്കി​ന്‍റെ അ​ർ​ഥം. എ​ണ്ണ​മ​റ്റ തെ​ളി​നീ​രു​റ​വ​ക​ളാ​ൽ സ​മ്പ​ന്ന​മാ​ണ്​ യാം​ബു.

Show Full Article
TAGS:coal plants yambu 
News Summary - coal plants, yambu
Next Story