വേനലവധിക്ക്​ വിട; സർക്കാർ സ്​കൂളുകൾ നാളെ തുറക്കും

ജിദ്ദ: രാജ്യത്തെ ഗവൺമ​െൻറ്​ വിദ്യാഭ്യാസ സ്​ഥാപനങ്ങൾ വേനലവധിക്ക്​ ശേഷം നാളെ   തുറക്കും. മൂന്ന്​ മാസത്തിലധികം നീണ്ട അവധി കഴിഞ്ഞാണ്​​ സ്​കൂളുകൾ തുറക്കുന്നത്​. ആൺകുട്ടികള​ും പെൺകുട്ടികളുമടക്കം ഏകദേശം അറുപത്​​ ലക്ഷത്തിലധികം പേർ നാളെ സ്​കൂളുകളിലെത്തും. പുതിയ അധ്യായന വർഷം ആരംഭിക്കുന്നതിനും വിദ്യാർഥികളെ സ്വീകരിക്കുന്നതിനും ആവശ്യമായ ഒരുക്കങ്ങൾ പൂർത്തിയായതായി വിദ്യാഭ്യാസ മന്ത്രാലയം വ്യക്​തമാക്കി​. 
അധ്യാപകരെത്തിയതോടെ  കഴിഞ്ഞ ആഴ്​ച മുതൽ സ്​കൂളുകളിലെ ഒരുക്കങ്ങൾ   സജീവമായിട്ടുണ്ട്​.  ഇത്തവണ 487 പുതിയ സ്​കൂളുകളും പ്രവർത്തിക്കും. അധ്യാപക​ നിയമനങ്ങളും സ്​കൂളുകളുടെ ശുചീകരണം​, അറ്റകുറ്റപ്പണികൾ എന്നിവക്കായി കമ്പനികളുമായി ധാരണയുണ്ടാക്കൽ പൂർത്തിയായെന്നും പുസ്​തകങ്ങൾ എത്തിയതായും വിദ്യാഭ്യാസ മന്ത്രാലയം വ്യക്​തമാക്കി. അതതു മേഖലാ വിദ്യാഭ്യാസ മേധാവികൾ ഒരുക്കങ്ങൾ പരിശോധിച്ചു ഉറപ്പുവരുത്തുന്ന ജോലികൾ ഏതാണ്ട്​ പൂർത്തിയായി​.

പുതിയ അധ്യായനവർഷത്തെ സ്വീകരിക്കുന്നതിനായി​ അധ്യാപകർ ഒരാഴ്​ച മുമ്പ്​ ജോലികൾ ​ആരംഭിച്ചിട്ടുണ്ട്​.    വിദേശത്ത്​ അവധി ചെലവഴിക്കാൻ കുടുംബസമ്മേതം പോയിരുന്ന സ്വദേശികളും വിദേശികളും  തിരിച്ചെത്തിക്കഴിഞ്ഞു.  പുസ്​തകവിപണിയും സജീവമായി​.  പഠനോപകരണങ്ങളുടെ വൻ ശേഖരമാണ്​ പ്രമുഖ ബുക്​​ സ്​റ്റാളുകളിൽ ഒരുക്കിയിരിക്കുന്നത്​. സ്​കൂൾ തുറക്കാറായതോടെ കടകളിൽ തിരക്കു കൂടി. വില കൂട്ടി വിൽക്കുന്നത്​ നിരീക്ഷിക്കാൻ വാണിജ്യ മന്ത്രാലയ ഉദ്യോഗസ്​ഥരും രംഗത്തുണ്ട്​. 

ജിദ്ദ മേഖലയിൽ ഏഴ്​ ലക്ഷത്തിലധികം വിദ്യാർഥികളെ സ്വീകരിക്കാനുള്ള ഒരുക്കങ്ങൾ ജിദ്ദ വിദ്യാഭ്യാസ കാര്യാലയം പൂർത്തിയാക്കി. ജിദ്ദ വിദ്യാഭ്യാസ കാര്യാലയത്തിനു കീഴിലെ ഒരുക്കങ്ങൾക്കായുള്ള സമിതിയുടെ മേൽനോട്ടത്തിലാണ്​ പുതിയ അധ്യായന വർഷത്തെ വരവേൽക്കുന്നതെന്ന്​ ജിദ്ദ വിദ്യാഭ്യാസ മേധാവി അബ്​ദുല്ല ബിൻ അഹ്​മദ്​ അൽസഖഫി പറഞ്ഞു. വിദ്യാർഥികളെയും അധ്യാപകരെയും ഉദ്യോഗസ്​ഥരെയും അദ്ദേഹം അനുമോദിച്ചു. മേഖലയിലെ സ്കൂളുകളിലെ ഒരുക്കങ്ങൾ മക്ക മേഖല വിദ്യാഭ്യാസ മേധാവി മുഹമ്മദ്​ ബിൻ മഹ്​ദി അൽഹാരിസി  പരിശോധിച്ചു. വിവിധ സ്​കൂളുകൾ സന്ദർശിച്ച്​ ഒരുക്കങ്ങൾ വിലയിരുത്തുകയും സ്​കൂൾ മേധാവികളുമായി കൂടിക്കാഴ്​ച നടത്തുകയും ചെയ്​തു. സ്​കൂളുകൾ വിദ്യാർഥികൾക്കും അധ്യാപകർക്കുമാവശ്യമായ സൗകര്യങ്ങളോടെ വികസിപ്പിക്കാൻ ആരംഭിച്ചതായി മേഖല വിദ്യാഭ്യാസ മേധാവി പറഞ്ഞു. ഏകദേശം 33 പദ്ധതികൾ ആദ്യ സെമസ്​റ്ററി​​െൻറ അവസാനത്തിൽ പൂർത്തിയാകുമെന്നും അദ്ദേഹം പറഞ്ഞു. പടിഞ്ഞാറൻ മേഖല വികസന കമ്പനി എക്​സിക്യൂട്ടീവ്​ മേധാവി ഡോ. അബ്​ദുറഹ്​മാൻ അൽബുറൈദി അനുഗമിച്ചു.