ഗോ​പി നെ​ടു​ങ്ങാ​ടി​യും കു​ടും​ബ​വും പ്ര​വാ​സ​ത്തോ​ട് വി​ട​പ​റ​യു​ന്നു

ജി​ദ്ദ: സാം​സ്​​കാ​രി​ക പ്ര​വ​ർ​ത്ത​ക​ൻ ഗോ​പി നെ​ടു​ങ്ങാ​ടി​യും കു​ടും​ബ​വും 36 വ​ര്‍ഷ​ത്തെ പ്ര​വാ​സം അ​വ​സാ​നി​പ്പി​ച്ച് നാ​ട്ടി​ലേ​ക്കു മ​ട​ങ്ങു​ന്നു. സൗ​മ​ന​സ്യ​ത്തി​​െൻറ​യും ബ​ഹു​സ്വ​ര​ത​യു​ടെ​യും പ്ര​തീ​ക​മാ​യ ഇ​ദ്ദേ​ഹം രാ​ഷ്​​ട്രീ​യ, മ​താ​തീ​ത​മാ​യ എ​ല്ലാ മ​ല​യാ​ളി കൂ​ട്ടാ​യ്മ​ക​ള്‍ക്കും സ്വീ​കാ​ര്യ​നാ​യി​രു​ന്നു. പ്ര​ഭാ​ഷ​ക​ന്‍, എ​ഴു​ത്തു​കാ​ര​ന്‍, സം​ഘാ​ട​ക​ന്‍, സൗ​ഹൃ​ദ​യ​ന്‍ എ​ന്നീ നി​ല​ക​ളി​ല്‍ സൗ​ദി അ​റേ​ബ്യ​യി​ലു​ട​നീ​ളം വി​ശ്രു​ത​നാ​ണ് ഗോ​പി നെ​ടു​ങ്ങാ​ടി. ആ​സ്വാ​ദ​ക സം​ഘം ചെ​യ​ര്‍മാ​ന്‍, സ​മീ​ക്ഷ സാ​ഹി​ത്യ​വേ​ദി ചെ​യ​ര്‍മാ​ന്‍ എ​ന്നീ സ്ഥാ​ന​ങ്ങ​ൾ വ​ഹി​ച്ചി​രു​ന്നു. അ​ഖി​ല സൗ​ദി അ​ടി​സ്ഥാ​ന​ത്തി​ല്‍ പ​ല​ത​വ​ണ ന​ട​ത്തി​യ വാ​യ​നോ​ത്സ​വ​ങ്ങ​ള്‍, ജി​ദ്ദ കേ​ന്ദ്രീ​ക​രി​ച്ച് ക​വി​ത​പാ​രാ​യ​ണ മ​ത്സ​ര​ങ്ങ​ള്‍, ഭാ​ഷാ​ക്ക​ള​രി​ക​ള്‍, ചെ​റു​ക​ഥ ക്യാ​മ്പു​ക​ള്‍, പു​സ്ത​ക പ്ര​കാ​ശ​ന​ങ്ങ​ള്‍, ച​ല​ച്ചി​ത്രോ​ത്സ​വ​ങ്ങ​ള്‍, നാ​ട്ടി​ല്‍ നി​ന്ന് സ​ന്ദ​ര്‍ശ​നം ന​ട​ത്തി​യ സാ​ഹി​ത്യ-​സാം​സ്കാ​രി​ക നാ​യ​ക​ര്‍ക്ക് സ്വീ​ക​ര​ണ​ങ്ങ​ള്‍, കൂ​ടാ​തെ ഏ​ഴു വ​ര്‍ഷ​മാ​യി മു​ട​ങ്ങാ​തെ ന​ട​ത്തി​വ​രു​ന്ന പി.​ജി സ്മാ​ര​ക പ്ര​തി​മാ​സ വാ​യ​ന​വേ​ദി തു​ട​ങ്ങി​യ​വ അ​ദ്ദേ​ഹ​ത്തി​​െൻറ നേ​തൃ​ത്വ​ത്തി​ലു​ള്ള സാം​സ്​​കാ​രി​ക സം​രം​ഭ​ങ്ങ​ളാ​യി​രു​ന്നു. സ​മ്പ​ന്ന​മാ​യ പ്ര​വാ​സി അ​നു​ഭ​വ​ങ്ങ​ളും നാ​ട്ടി​ലെ ഓ​ർ​മ​ക​ളും ചേ​ര്‍ത്തു​ള്ള ചി​ല ര​ച​ന​ക​ളു​ടെ പ​ണി​പ്പു​ര​യി​ലാ​ണ് അ​ദ്ദേ​ഹം. ഇ​ത​ര​ദേ​ശ​ങ്ങ​ളി​ലേ​ക്ക് പോ​കു​ന്ന മ​ല​യാ​ളി​യു​ടെ ബ​ഹു​ഭാ​ഷ പ്രാ​വീ​ണ്യം വ​ര്‍ധി​പ്പി​ക്കാ​ന്‍, പ്ര​ത്യേ​കി​ച്ചും ഇം​ഗ്ലീ​ഷ്, ഹി​ന്ദി, മ​ല​യാ​ളം ഭാ​ഷ​ക​ളി​ലു​ള്ള ആ​ശ​യ​വി​നി​മ​യ ക​ഴി​വ് മെ​ച്ച​പ്പെ​ടു​ത്താ​നാ​യി ഒ​രു പ​രി​ശീ​ല​ന​കേ​ന്ദ്രം നാ​ട്ടി​ൽ തു​ട​ങ്ങാ​ൻ ആ​ഗ്ര​ഹി​ക്കു​ന്ന​താ​യി അ​ദ്ദേ​ഹം പ​റ​ഞ്ഞു. 

36 വ​ര്‍ഷ​ത്തെ പ്ര​വാ​സ​ത്തി​നി​ട​യി​ൽ 12 വ​ര്‍ഷം സൗ​ദി ഡെ​സേ​ർ​ട്ട്​ ഹൗ​സ് എ​ന്ന സ്വ​കാ​ര്യ ക​മ്പ​നി​യി​ലാ​യി​രു​ന്നു ജോ​ലി. ഇ​ക്കാ​ല​ത്ത് എ​ന്‍സൈ​ക്ലോ​പീ​ഡി​യ, സ്വ​ദേ​ശി​ക​ൾ​ക്ക് ഇം​ഗ്ലീ​ഷ് പ​ഠി​ക്കാ​നു​ള്ള പു​സ്ത​ക​ങ്ങ​ൾ തു​ട​ങ്ങി​യ​വ​യു​ടെ വി​ൽ​പ​ന​യു​മാ​യി ബ​ന്ധ​പ്പെ​ട്ട് സൗ​ദി​യു​ടെ വി​വി​ധ ഗ്രാ​മാ​ന്ത​ര​ങ്ങ​ളി​ലൂ​ടെ​യു​ള്ള യാ​ത്ര​ക​ള്‍ വ​ലി​യ ജീ​വി​ത​പാ​ഠം ന​ല്‍കി​യ​താ​യി അ​ദ്ദേ​ഹം പ​റ​യു​ന്നു. സൗ​ദി​യി​ലെ ഏ​താ​ണ്ട് എ​ല്ലാ പ്ര​ധാ​ന ച​രി​ത്ര സ്മാ​ര​ക​ങ്ങ​ളും വി​നോ​ദ​സ​ഞ്ചാ​ര​കേ​ന്ദ്ര​ങ്ങ​ളും കാ​ണാ​നു​ള്ള ഭാ​ഗ്യ​മു​ണ്ടാ​യി. അ​തി​നു​ശേ​ഷം മെ​ഡി​ക്ക​ല്‍ ടെ​ക്​​സ്​​റ്റ്​ പു​സ്ത​ക​ങ്ങ​ളു​ടെ വി​ൽ​പ​ന​യാ​യി​രു​ന്നു ജോ​ലി. ക​ഴി​ഞ്ഞ ഏ​താ​നും വ​ര്‍ഷ​ങ്ങ​ളാ​യി അ​ല്‍അ​ബീ​ര്‍ മെ​ഡി​ക്ക​ല്‍ ഗ്രൂ​പ്പി​ന് കീ​ഴി​ല്‍ പേ​ഷ്യ​​ൻ​റ്​ കെ​യ​ര്‍ വി​ഭാ​ഗ​ത്തി​ല്‍ പ്ര​വ​ര്‍ത്തി​ച്ചു​വ​രു​ക​യാ​ണ്. പാ​ല​ക്കാ​ട് വി​ക്ടോ​റി​യ കോ​ള​ജി​ല്‍നി​ന്നാ​ണ് ഗോ​പി നെ​ടു​ങ്ങാ​ടി ബി​രു​ദ​മെ​ടു​ത്ത​ത്. ല​ത​യാ​ണ് ഭാ​ര്യ. മ​ക​ന്‍: അ​ര്‍ജു​ന്‍. നി​ര​വ​ധി സു​ഹൃ​ദ് വ​ല​യ​മു​ള്ള വ്യ​ക്തി​ത്വ​ത്തി​​െൻറ ഉ​ട​മ​യാ​ണ് ഗോ​പി നെ​ടു​ങ്ങാ​ടി. അ​ദ്ദേ​ഹ​ത്തെ 0504689724 എ​ന്ന ന​മ്പ​റി​ൽ ബ​ന്ധ​​പ്പെ​ടാം.