കൗതുകക്കാഴ​്​ചയായി ജീസാൻ ബിൻ സാലിം

റിയാദ്​: ജനാദിരിയയിലെത്തുന്ന ആളുകളിൽ കൗതുകമുണ്ടാക്കാൻ  ജീസാൻ ബിൻ സാലിം അൽ അബ്​ദലി എന്ന ജീസാനുകാരനുമുണ്ട്​. പാറക്കല്ല്​ ഉപയോഗിച്ച്​ വിവിതരം കരകൗശല വസ്​തുക്കളുണ്ടാക്കി സന്ദർശകരെ വിസ്​മയിപ്പിക്കുകയാണ്​ ഇയാൾ. ജനാദിരിയ ​ഗ്രാമത്തി​​​​െൻറ ഒരു മൂലയിലിരുന്നാണ് ഇയാൾ വിസ്​മയം തീർക്കുന്നത്​. പാറ കൊണ്ട്​​ വിവിധ ഇനം ആകർഷമായ വസ്​തുക്കൾ ഉണ്ടാകു​േമ്പാൾ മറഞ്ഞുപോയി കൊണ്ടിരിക്കുന്ന പുരാതന തൊഴിലും സംസ്​കാരവുമാണ്​ ജനാദിരിയയിലെത്തുന്ന സന്ദർശകരിൽ പുനർജനിപ്പിക്കുന്നത്​. പല വലിപ്പത്തിലുള്ള വിവിധ ഇനം പാത്രങ്ങളും ആകർഷകമായ വസ്​തുക്കളും ഇതിലുണ്ട്​. 32 വർഷമായി അബ്​ദലി കൊത്തുപണിയിലുടെ വിവിധ വസ്​തുക്കൾ ഉണ്ടാക്കികൊണ്ടിരിക്കുന്നു.  പണ്ട്​ കാലം മുത​​ലെ പാറകല്ല്​ ഉപ​യോഗിച്ചുള്ള കൊത്തുപണികൾക്ക്​ പേര്​ കേട്ട സ്​ഥലമാണ്​ ജിസാൻ മേഖല. ആരിദ പ്രദേശത്തെ മലകളിലെ പാറക്കല്ലുകളാണ്​ ഇതിനായി ഉപയോഗിക്കുന്നത്​. ഇതിലേറ്റവും കൂടുതൽ ഉപയോഗിക്കുന്നത്​ ‘ജബാൽ ഖൈസ്​’ മലയിലെ കല്ലുകളുമാണ്​​. പാറക്കല്ലുകൾ ആകർഷകമായി കൊത്തിയെടുക്കാൻ നൈപുണ്യം നേടിയ നിരവധി പേർ ഇപ്പോഴും ജിസാനിലുണ്ട്​.