പ്രാ​യ​മാ​യ​വ​ർ​ക്കും ഭി​ന്ന​ശേ​ഷി​ക്കാ​ർ​ക്കും ത്വ​വാ​ഫി​ന്​ ഗോ​ൾ​ഫ്​ കാ​റു​ക​ൾ

മ​ക്ക: പ്രാ​യ​മാ​യ​വ​രും ഭി​ന്ന​ശേ​ഷി​ക്കാ​രു​മാ​യ ന​ട​ക്കാ​ൻ പ്ര​യാ​സ​മു​ള്ള​വ​ർ​ക്ക്​ ത്വ​വാ​ഫ്​ ചെ​യ്യാ​ൻ മ​ക്ക മ​സ്​​ജി​ദു​ൽ ഹ​റാ​മി​ൽ ഗോ​ൾ​ഫ്​ കാ​റു​ക​ൾ ഏ​ർ​പ്പെ​ടു​ത്തി. പ​ള്ളി​യു​ടെ മു​ക​ളി​ലെ ത​ട്ടി​ലാ​ണ്​ ക​അ്​​ബ​യെ പ്ര​ദ​ക്ഷി​ണം ചെ​യ്യാ​ൻ ക​ഴി​യും​വി​ധം ഇ​രു​ഹ​റം പ​രി​പാ​ല​ന അ​തോ​റി​റ്റി​ ഈ ​ഇ​ല​ക്​​ട്രി​ക്​ വാ​ഹ​ന​ങ്ങ​ൾ ഒ​രു​ക്കി​യ​ത്. അ​ജി​യാ​ദ്​ ​എ​സ്​​ക​ലേ​റ്റ​ർ, കി​ങ്​ അ​ബ്​​ദു​ൽ അ​സീ​സ് ക​വാ​ട​ത്തി​ലെ ലി​ഫ്​​റ്റു​ക​ൾ, ഉം​റ ക​വാ​ട​ത്തി​ലെ ലി​ഫ്​​റ്റു​ക​ൾ എ​ന്നി​വ​യി​ലൂ​ടെ മു​ക​ളി​ലെ ത​ട്ടി​ലെ​ത്തു​ന്ന ആ​ളു​ക​ൾ​ക്ക്​ ഈ ​വാ​ഹ​നം ഉ​പ​യോ​ഗി​ക്കാ​ൻ ക​ഴി​യും.

എ​ല്ലാ ദി​വ​സ​വും വൈ​കീ​ട്ട്​ നാ​ലു​ മു​ത​ൽ പു​ല​ർ​ച്ച നാ​ലു​ വ​രെ 12 മ​ണി​ക്കൂ​റാ​ണ് ഗോ​ൾ​ഫ്​ കാ​റു​ക​ളു​ടെ സേ​വ​നം ല​ഭി​ക്കു​ക. ത്വ​വാ​ഫ് ചെ​യ്യാ​ൻ മാ​ത്ര​മാ​ണ്​ ഈ ​സൗ​ക​ര്യം. 50 ഗോ​ൾ​ഫ് കാ​റു​ക​ളു​ണ്ട്. ഒ​രു കാ​റി​ൽ 10​ പേ​ർ​ക്ക്​ സ​ഞ്ച​രി​ക്കാം. ഓ​രോ കാ​റും നി​ശ്ചി​ത ഏ​രി​യ​ക​ളി​ൽ​നി​ന്നാ​ണ്​ ആ​ളു​ക​ളെ ക​യ​റ്റു​ക. യാ​ത്ര​ക്ക്​ ടി​ക്ക​റ്റെ​ടു​ക്ക​ണം. ഒ​രാ​ൾ​ക്ക് 25 റി​യാ​ലാ​ണ് ചാ​ർ​ജ്​. ഹ​റ​മി​​ന്റെ മേ​ൽ​ക്കൂ​ര​യി​ലെ ഗോ​ൾ​ഫ്​ കാ​റു​ക​ളോ​ടു​ന്ന ട്രാ​ക്കി​നോ​ട്​ ചേ​ർ​ന്ന്​ സെ​യി​ൽ​സ് പോ​യ​ൻ​റു​ക​ൾ വ​ഴി ടി​ക്ക​റ്റെ​ടു​ക്കാ​ൻ ക​ഴി​യും.