‘ജിയോ ടൂറിസം’ സാധ്യതകൾ പ്രയോജനപ്പെടുത്താൻ ടൂറിസം കമീഷൻ

ജിദ്ദ: നവീന വിനോദസഞ്ചാര ആശയമായ ‘ജിയോ ടൂറിസ’ത്തി​​​െൻറ സാധ്യതകൾ പരമാവധി പ്രയോജനപ്പെടുത്താൻ സൗദി അറേബ്യ ശ്രമം തുടങ്ങി. വിഷൻ 2030 ​​​െൻറ ചുവടുപിടിച്ച്​ വിനോദ സഞ്ചാര മേഖലയുടെ വൈവിധ്യവത്​കരണത്തി​​​െൻറ ഭാഗമായാണ്​ സൗദി കമീഷൻ ഫോർ ടൂറിസം ആൻഡ്​ നാഷനൽ ഹെറിറ്റേജ്​ (എസ്​.സി.ടി.എച്ച്​) ജിയോ ടൂറിസ​ം പരിഗണിക്കുന്നത്​.

പരിസ്​ഥിതി, പൈതൃകം, സൗന്ദര്യം, സംസ്​കാരം, പ്രദേശവാസികളുടെ ക്ഷേമം എന്നിവയുടെ അടിസ്​ഥാനത്തിൽ ഒരു പ്രദേശത്തി​​​െൻറ വ്യതിരിക്​തമായ ഭൂമിശാസ്​ത്ര സ്വഭാവത്തെ അടയാളപ്പെടുത്തുന്നതാണ്​ ജി​േയാ ടൂറിസം എന്ന ആശയം. 
ഒരുസ്​ഥലത്തി​​​െൻറ കേവല സൗന്ദര്യം ഉപരിപ്ലവമായി ആസ്വദിച്ച്​ മടങ്ങുന്നതിന്​ പകരം സഞ്ചാരിക്ക്​ ആ ഇടത്തെ കുറിച്ച്​ ആഴത്തിൽ അറിയാനുള്ള അവസരമാണ്​ ഇതൊരുക്കുന്നത്​. 

ലോകത്തെ വളർന്നുവരുന്ന വിനോദസഞ്ചാര ശാഖകളിലൊന്നാണ്​ ഇപ്പോൾ ജിയോ ടൂറിസം. ഭൂമിശാസ്​ത്ര പരമായ പ്രത്യേകതകളെ പരമാവധി വിപണനം ചെയ്യാൻ ഇതുവഴി സാധിക്കും. പ്രകൃതിക്കോ ഭൗമ സവിശേഷതകൾക്കോ കോട്ടം തട്ടിക്കാത്ത നിലയിൽ സുരക്ഷിതമായി ജിയോ ടൂറിസം നടപ്പാക്കാനാണ്​ എസ്​.സി.ടി.എച്ച്​ ആലോചിക്കുന്നത്​. ഇതിനായി സ്​പെഷൽ പ്രോഗ്രാമുകൾ കമീഷൻ ആരംഭിച്ചിട്ടുണ്ട്​.