ഗ​സ്സ പു​ന​ർ​നി​ർ​മാ​ണം: അ​റ​ബ് പ​ദ്ധ​തി​ക്ക്​ ഒ.​​ഐ.​സി അം​ഗീ​കാ​രം

ജി​ദ്ദ: ഗ​സ്സ മു​ന​മ്പി​​ന്റെ പു​ന​ർ​നി​ർ​മാ​ണ​ത്തി​ന്​ അ​റ​ബ് ലോ​കം ആ​വി​ഷ്​​ക​രി​ച്ച പ​ദ്ധ​തി​ക്ക് ഇ​സ്​​ലാ​മി​ക രാ​ജ്യ​ങ്ങ​ളു​ടെ സ​ഹ​ക​ര​ണ​കൂ​ട്ടാ​യ്​​മ​യാ​യ​ ഒ.​​ഐ.​സി അം​ഗീ​കാ​രം ന​ൽ​കി. വെ​ള്ളി​യാ​ഴ്ച രാ​ത്രി മു​ത​ൽ ശ​നി​യാ​ഴ്ച വ​രെ ജി​ദ്ദ​യി​ലെ ജ​ന​റ​ൽ സെ​ക്ര​ട്ടേ​റി​യ​റ്റ്​ ആ​സ്ഥാ​ന​ത്ത് ചേ​ർ​ന്ന ഒ.​​ഐ.​സി അ​ടി​യ​ന്ത​ര മ​ന്ത്രി​ത​ല യോ​ഗ​മാ​ണ്​ ഗ​സ്സ മു​ന​മ്പി​​ന്റെ പു​ന​ർ​നി​ർ​മാ​ണ​ത്തി​ന്​ ഈ​ജി​പ്​​ത്​ ത​യാ​റാ​ക്കി​യ അ​റ​ബ് പ​ദ്ധ​തി​ക്ക് പി​ന്തു​ണ ന​ൽ​കാ​നു​ള്ള തീ​രു​മാ​ന​മെ​ടു​ത്ത​ത്. ഫ​ല​സ്തീ​നി​ക​ളെ കു​ടി​യി​റ​ക്കാ​ൻ ല​ക്ഷ്യ​മി​ട്ടു​ള്ള പ​ദ്ധ​തി​ക​ളെ പൂ​ർ​ണ​മാ​യും ത​ള്ളി​ക്ക​ള​യു​ന്നു​വെ​ന്നും യോ​ഗം വ്യ​ക്ത​മാ​ക്കി.

യു.​എ​സ് പ്ര​സി​ഡ​ന്റ് ഡോ​ണ​ൾ​ഡ് ട്രം​പി​​ന്റെ നി​ർ​ദേ​ശ​ത്തെ നേ​രി​ടാ​നും ഫ​ല​സ്തീ​നി​ക​ളെ കു​ടി​യി​റ​ക്കാ​തെ ഗ​സ്സ പു​ന​ർ​നി​ർ​മി​ക്കു​ന്ന​തി​നു​ള്ള അ​റ​ബ് പ​ദ്ധ​തി ച​ർ​ച്ച ചെ​യ്യു​ന്ന​തി​നു​മാ​ണ്​ ജി​ദ്ദ​യി​ൽ ഒ.​​ഐ.​സി വി​ദേ​ശ​കാ​ര്യ മ​ന്ത്രി​മാ​രു​ടെ അ​ടി​യ​ന്ത​ര യോ​ഗം ചേ​ർ​ന്ന​ത്. ഗ​സ്സ പു​ന​ർ​നി​ർ​മാ​ണ​പ​ദ്ധ​തി​ക്ക് ആ​വ​ശ്യ​മാ​യ പി​ന്തു​ണ വേ​ഗ​ത്തി​ൽ ന​ൽ​കാ​ൻ അ​ന്താ​രാ​ഷ്​​ട്ര സ​മൂ​ഹ​ത്തോ​ടും പ്രാ​ദേ​ശി​ക, അ​ന്ത​ർ​ദേ​ശീ​യ ധ​ന​കാ​ര്യ​സ്ഥാ​പ​ന​ങ്ങ​ളോ​ടും യോ​ഗം അ​ഭ്യ​ർ​ഥി​ച്ചു.

ത​ങ്ങ​ളു​ടെ രാ​ഷ്​​ട്രം സ്ഥാ​പി​ക്കാ​നു​ള്ള ഫ​ല​സ്തീ​ൻ ജ​ന​ത​യു​ടെ ന്യാ​യ​മാ​യ ആ​വ​ശ്യം ന​ട​പ്പാ​ക്കു​ന്ന​തി​ന്​ ശാ​ശ്വ​ത​വും നീ​തി​യു​ക്ത​വു​മാ​യ ഒ​രു പ​രി​ഹാ​ര​ത്തി​നാ​യി രാ​ഷ്​​ട്രീ​യ സ​മ​വാ​യ പാ​ത ആ​രം​ഭി​ക്കേ​ണ്ട​തി​​ന്റെ പ്രാ​ധാ​ന്യ​വും യോ​ഗ​ത്തി​​ന്റെ അ​ന്തി​മ പ്ര​സ്​​താ​വ​ന​യി​ൽ ഊ​ന്നി​പ്പ​റ​ഞ്ഞു. സി​റി​യ​ക്കെ​തി​രാ​യ ഇ​സ്രാ​യേ​ൽ ആ​ക്ര​മ​ണ​ത്തെ​യും അ​വി​ടേ​ക്കു​ള്ള നു​ഴ​ഞ്ഞു​ക​യ​റ്റ​ത്തെ​യും യോ​ഗം അ​പ​ല​പി​ച്ചു.

ഫ​ല​സ്തീ​ൻ ജ​ന​ത​ക്കെ​തി​രെ ന​ട​ന്നു​കൊ​ണ്ടി​രി​ക്കു​ന്ന ഇ​സ്രാ​യേ​ൽ ആ​ക്ര​മ​ണം, അ​വ​രു​ടെ ഭൂ​മി പി​ടി​ച്ചെ​ടു​ക്ക​ൽ, കു​ടി​യി​റ​ക്ക​ൽ തു​ട​ങ്ങി​യ വി​ഷ​ങ്ങ​ളും യോ​ഗം ച​ർ​ച്ച ചെ​യ്​​തു. ഫ​ല​സ്​​തീ​നി​ക​ളു​ടെ സ്ഥ​ലം​മാ​റ്റം, കു​ടി​യി​റ​ക്ക​ൽ, ഇ​സ്രാ​യേ​ൽ ആ​ക്ര​മ​ണം, ന​ശി​പ്പി​ക്ക​ൽ തു​ട​ങ്ങി​യ​വ​യെ അ​പ​ല​പി​ക്കു​ക​യും ആ ​ശ​ക്തി​ക​ളു​ടെ പ​ദ്ധ​തി​ക​ളെ ത​ള്ളി​ക്ക​ള​യു​ക​യാ​ണെ​ന്നും​ യോ​ഗം വ്യ​ക്ത​മാ​ക്കി.

ഗ​സ്സ പു​ന​ർ​നി​ർ​മി​ക്കാ​നു​ള്ള അ​റ​ബ്​ പ​ദ്ധ​തി ഒ.​​ഐ.​സി അം​ഗീ​ക​രി​ച്ച​തി​നെ ഈ​ജി​പ്ഷ്യ​ൻ വി​ദേ​ശ​കാ​ര്യ മ​ന്ത്രി ബ​ദ​ർ അ​ബ്​​ദു​ൽ ആ​ത്വി പ്ര​ശം​സി​ച്ചു. യൂ​റോ​പ്യ​ൻ യൂ​നി​യ​നും ജ​പ്പാ​ൻ, റ​ഷ്യ, ചൈ​ന തു​ട​ങ്ങി​യ രാ​ജ്യ​ങ്ങ​ളും പ​ദ്ധ​തി സ്വീ​ക​രി​ക്കു​ന്ന​തോ​ടെ ഒ​രു അ​ന്താ​രാ​ഷ്​​ട്ര പ​ദ്ധ​തി​യാ​കു​ക എ​ന്ന​താ​ണ് അ​ടു​ത്ത ഘ​ട്ട​മെ​ന്ന്​ അ​ദ്ദേ​ഹം പ​റ​ഞ്ഞു.