അബ്ദുസ്സലാം മങ്കടക്ക് യാത്രയയപ്പ് നൽകി

യാംബു: മൂന്നു പതിറ്റാണ്ടത്തെ പ്രവാസം മതിയാക്കി മടങ്ങുന്ന മലപ്പുറം മങ്കട കടന്നമണ്ണ സ്വദേശി അബ്ദുസ്സലാമിന് യാംബു ഇന്ത്യൻ ഇസ്‍ലാഹി സെന്റർ യാത്രയയപ്പ് നൽകി. അബ്ദുസ്സലാം യാംബു ഇന്ത്യൻ ഇസ്‍ലാഹി സെന്ററിന്റെ ഔദ്യോഗികമായ പല ഉത്തരവാദിത്തങ്ങളും ഏറ്റെടുത്ത് നിർവഹിച്ചിരുന്നു. ചടങ്ങിൽ സെന്റർ പ്രസിഡന്റ് ഷമീർ സുലൈമാൻ മുവാറ്റുപുഴ അബ്ദുസ്സലാമിനുള്ള ഇസ്‍ലാഹി സെന്ററിന്റെ ഉപഹാരം കൈമാറി.

അബ്ദുൽ മജീദ് സുഹ്‌രി, നിയാസ് പുത്തൂർ, ഫാറൂഖ് കൊണ്ടേത്ത്, അബ്ദുറഷീദ് വേങ്ങര, അസ്‌ലം കുനിയിൽ, അലി വെള്ളക്കാട്ടിൽ, ഫമീർ വയലിൽ, അബ്ദുല്ലത്തീഫ് കുറ്റിപ്പുറം എന്നിവർ സംസാരിച്ചു. അബ്ദുസ്സലാം മങ്കട മറുപടി പ്രസംഗം നടത്തി.