ആഗോള സമ്പദ്​വ്യവസ്ഥക്കായി ജി20 രാജ്യങ്ങൾ 11 ലക്ഷം കോടി ഡോളർ നൽകി–സൽമാൻ രാജാവ്

ജിദ്ദ: ആഗോള സമ്പദ്​വ്യവസ്ഥയെ സംരക്ഷിക്കുന്നതിന്​ ഇതു​വരെ ജി20 രാജ്യങ്ങൾ 11 ലക്ഷം കോടി ഡോളർ നൽകിയതായി ജി20 ഉച്ചകോടി അധ്യക്ഷനായ സൗദി ഭരണാധികാരി സൽമാൻ രാജാവ്​ പറഞ്ഞു.ജി20 രാജ്യങ്ങളുടെ 'ബി20' ബിസിനസ്​​ ഗ്രൂപ്​​ സമ്മേളനത്തിൽ സമാപന പ്രഭാഷണം നടത്തുകയായിരുന്നു രാജാവ്​.

സൽമാൻ രാജാവി​െൻറ പ്രഭാഷണം നിക്ഷേപമന്ത്രി എൻജി. ഖാലിദ് ബിൻ അബ്​ദുൽ അസീസ്​​ അൽഫാലിഹാണ് സമ്മേളനത്തിൽ​ വായിച്ചത്​. അസാധാരണമായ ഇൗ സാഹചര്യത്തിൽ നടത്തിയ ശ്രമങ്ങൾക്ക്​ ബി20 ഗ്രൂപ്പിനും ലോകമെമ്പാടുമുള്ള പങ്കാളികൾക്കും നന്ദി പറഞ്ഞാണ്​ ആരംഭിച്ചത്​. ജി20 അധ്യക്ഷപദവിയിലുള്ള സൗദി അറേബ്യ മന്ത്രിമാരുടെയും ജി20 വർക്കിങ്​ ഗ്രൂപ്പുകളുടെയും യോഗത്തിൽ അംഗ രാജ്യങ്ങളുടെ വിവിധ ശിപാർശകൾക്ക്​ ഏറെ പരിഗണന നൽകിയിട്ടുണ്ടെന്ന്​ രാജാവ്​ പറഞ്ഞു​.

ജി20 അധ്യക്ഷ സ്ഥാനത്തുനിന്ന്​ ​കോവിഡിനെ തുടർന്നുണ്ടായ​ മാനുഷികവും സാമൂഹികവും സാമ്പത്തികവുമായ പ്രത്യാഘാതങ്ങളെ സൗദി അറേബ്യ വളരെ ഗൗരവത്തിലാണ്​ എടുത്തത്​. ആഗോള ആരോഗ്യരംഗത്തെ ധനപരമായ കമ്മി​ നികത്താൻ ജി20 പ്രതിജ്ഞാബദ്ധത കാണിച്ചു.

പരിശോധന, ചികിത്സ ഉപകരണങ്ങൾ, മരുന്നുകൾ, വാക്​സിനുകൾ എന്നിവയുടെ ഉൽപാദനം, വിതരണം, ലഭ്യത എന്നിവയെ സഹായിക്കാൻ 21 ശതകോടി ഡോളർ സംഭാവന നൽകി. പകർച്ചവ്യാധി പ്രത്യാഘാതങ്ങൾ മറികടക്കാൻ എന്തുവേണമെങ്കിലും ചെയ്യാനുള്ള ദൃഢനിശ്ചയം ജി20ക്കുണ്ട്​. വിദ്യാഭ്യാസത്തി​െൻറയും ​​ജോലിയുടെയും മാറിവരുന്ന രീതിക്ക്​ അനുസൃതമായി പ്രവർത്തിക്കാനുള്ള ശ്രമങ്ങൾ ശക്തമാക്കാനും യുവാക്കൾക്ക്​ നല്ലൊരു ഭാവി കെട്ടിപ്പടുക്കാനും കഴിയുന്ന സാമൂഹിക സംരക്ഷണ സംവിധാനങ്ങൾ ശക്തിപ്പെടുത്താനുള്ള അവസരങ്ങൾ നൽകാനും ജി20 ശ്രദ്ധിച്ചിട്ടുണ്ട്​. കോവിഡ്​ മൂലം ഇറക്കുമതി, വിതരണം ശൃംഖല തടസ്സപ്പെട്ടു​.

ടൂറിസംപോലുള്ള മേഖലകളിൽ അടച്ചുപൂട്ടലിനും ആഗോള വിപണികളിൽ വ്യാപകമായ തടസ്സങ്ങൾക്കും കാരണമായി. ഇതേ തുടർന്ന്​ അന്താരാഷ്​ട്ര വ്യാപാരം വീണ്ടെടുക്കാനും സാമ്പത്തിക വൈവിധ്യവത്കരണം ഉത്തേജിപ്പിക്കാനും അന്താരാഷ്​ട്ര നിക്ഷേപം ​പ്രോത്സാഹിപ്പിക്കാനും ആവശ്യമായ മികച്ച രീതികൾ ചർച്ചചെയ്​തു. ബി20​ ഗ്രൂപ്പി​െൻറ മുൻഗണനകളിൽ പലതും സൗദിയിലെ നിലവിലെ പരിവർത്തനങ്ങളുടെ പൊതുവായ മുൻഗണനകളെ പ്രതിനിധാനം ചെയ്യുന്നതാണ്​. രാജ്യത്തി​െൻറ ഭാവിയിലേക്കുള്ള റോഡ്​ മാപ്പിനെ​ അത്​​ പ്രതിനിധാനം ചെയ്യുന്നു. യുവാക്കളുടെയും സ്​ത്രീകളുടെയും സാമ്പത്തിക ശാക്തീകരണം ജി20 നയങ്ങളുടെ മുൻഗണകളിൽപെട്ടതാണ്​. കോവിഡ്​ മൂലം അസാധാരണ വെല്ലുവിളികൾ നേരി​െട്ടങ്കിലും സൗദി സമ്പദ്​ വ്യവസ്ഥ ഉൗർജസ്വലവും ദൃഢവുമാണെന്ന്​ കോവിഡ്​ തെളിയിച്ചിട്ടുണ്ട്​.പുതിയ മേഖലകളിലെ ശാക്തീകരണത്തിലൂടെയും നിക്ഷേപത്തിലൂടെയും വളർച്ചയുടെയും സമൃദ്ധിയുടെയും തോത്​ വർധിപ്പിക്കാനുള്ള ദൃഢനിശ്ചയത്തിലാണെന്നും സൽമാൻ രാജാവ്​ പറഞ്ഞു.