ഗൾഫിലെ പഴം, പച്ചക്കറി നിരോധനം; കേരളത്തി​െൻറ നഷ്​ടം പാകിസ്​താന്​ ലാഭം

ജിദ്ദ: നിപ രോഗബാധയെ തുടർന്ന്​ കേരളത്തിൽ നിന്നുള്ള പഴം,പച്ചക്കറി ഇറക്കുമതിക്ക്​ ഗൾഫ്​ രാഷ്​ട്രങ്ങൾ ഏർപ്പെടുത്തിയ നിരോധനം പാകിസ്​താൻ ലാഭമാക്കുന്നു. ഇന്ത്യയിൽ നിന്നുള്ള ഇറക്കുമതിയിൽ വരുന്ന കുറവ്​ ഗൾഫിൽ നികത്താൻ തങ്ങളുടെ കയറ്റുമതി ഇരട്ടിയാക്കാൻ ഒരുങ്ങുകയാണ്​ പാകിസ്​താൻ. പാകിസ്​താൻ ചേംബർ ഒാഫ്​ കോമേഴ്​സ്​ വൈസ്​ പ്രസിഡൻറ്​ വഹീദ്​ അഹമദിനെ ഉദ്ധരിച്ച്​ അറബ്​ ന്യൂസ്​ ആണ്​ വാർത്ത പുറത്തുവിട്ടത്​.

നിപ വൈറസ്​ ബാധ​യുടെ റിപ്പോർട്ടുകൾ വന്നുതുടങ്ങിയതോടെ കുവൈത്താണ്​ ആദ്യം കേരളത്തിൽ നിന്നുള്ള പഴം, പച്ചക്കറി ഇറക്കുമതി നിരോധിച്ചത്​. പിന്നാലെ യു.എ.ഇയും ബഹ്​റൈനും ഒടുവിൽ സൗദി അറേബ്യയും സമാന നടപടി സ്വീകരിച്ചു. പ്രതിദിനം കുറഞ്ഞത്​ 150 ടൺ പഴം, പച്ചക്കറികളാണ്​ ഗൾഫ്​ നാടുകളിലേക്ക്​ കേരളത്തിൽ നിന്ന്​ എത്തുന്നത്​. ഇൗ കുറവ്​ നികത്തുന്നതിനൊപ്പം ഇൗ വർഷം വൻ വിളവുണ്ടായ ഉരുളക്കിഴങ്ങ്​, സവാള, മുളക്​ എന്നിവയും അധികം കയറ്റി അയക്കാനാണ്​ പാകിസ്​താ​​​െൻറ പദ്ധതി. നിലവിൽ വൻതോതിൽ മാങ്ങ ഗൾഫിലേക്ക്​ അയക്കുന്നുണ്ടെന്നും നിരോധനത്തി​​​െൻറ പശ്​ചാത്തലത്തിലും അതും ഇരട്ടിയാക്കുമെന്നും വഹീദ്​ അഹമദ്​ കൂട്ടിച്ചേർത്തു.