സൗദിയിൽ കോവിഡ്​ ബാധിച്ച്​ നാലു മരണം

റിയാദ്: സൗദി അറേബ്യയിൽ കോവിഡ്​ ബാധിച്ച്​ നലു മരണം കൂടി റിപ്പോർട്ട്​ ചെയ്​തു. പുതുതായി 55 പേർക്ക്​ കോവിഡ് സ്ഥിരീകരിച്ചു. 46 പേർ സുഖം പ്രാപിച്ചു. ഇതുവരെ രാജ്യത്ത് റിപ്പോർട്ട് ചെയ്യപ്പെട്ട ആകെ കോവിഡ് കേസുകളുടെ എണ്ണം 5,47,090 ആയി. ഇതിൽ 5,36,125 പേർ രോഗമുക്തരായി. ആകെ മരണസംഖ്യ 8,713 ആയി ഉയർന്നു.

രോഗബാധിതരിൽ 224 പേരുടെ ആരോഗ്യനില ഗുരുതരമാണ്​. രാജ്യത്തെ കോവിഡ് മുക്തി നിരക്ക് 98 ശതമാനവും മരണനിരക്ക് 1.6 ശതമാനവുമായി തുടരുന്നു. വിവിധ പ്രവിശ്യകളിൽ പുതുതായി റിപ്പോർട്ട് ചെയ്ത രോഗികളുടെ എണ്ണം: ജിദ്ദ 10, റിയാദ് 10, ഖോബാർ 3, അൽരിദ​ 2, തബൂക്ക്​ 2, ബുറൈദ 2, മദീന 2, മക്ക 2, മറ്റ്​ 22 സ്ഥലങ്ങളിൽ ഓരോ വീതം രോഗികൾ. സൗദി അറേബ്യയിൽ ഇതുവരെ 41,937,145 ഡോസ് കോവിഡ്​ വാക്​സിൻ വിതരണം ചെയ്​തു.