മുൻ സൗദി പ്രവാസി നാട്ടിൽ നിര്യാതനായി

റിയാദ്​: സൗദിയിൽ കാൽനൂറ്റാണ്ട്​ പ്രവാസിയായിരുന്ന മലയാളി നാട്ടിൽ മരിച്ചു. മലപ്പുറം, കുറ്റിപ്പുറം സ്വദേശി മേലേതിൽ മുഹമ്മദലി മുസ്​ലിയാർ (63) ആണ്​ മരിച്ചത്​. സൗദിയുടെ തെക്കൻ അതിർത്തിയിൽ നജ്​റാൻ മേഖലയിലെ ശറൂറയിൽ 25 വർഷത്തെ പ്രവാസത്തിന്​ ശേഷം മൂന്ന്​ വർഷം മുമ്പാണ്​ നാട്ടിലേക്ക്​ മടങ്ങിയത്​.

ശറൂറയിൽ അൽ മൻസിൽ എന്ന സ്ഥാപനത്തിന്‍റെ ഉടമയായിരുന്നു. ഹൃദയസംബന്ധമായ അസുഖത്തെ തുടർന്ന്​ നാട്ടിൽ ചികിത്സയിലായിരുന്നു. കുവൈത്തിലെ സാമൂഹിക പ്രവർത്തകൻ സർജി മോന്‍റെ സഹോദരി ഭർത്താവാണ്​. ഭാര്യ: ആസിയ, മക്കൾ: മുഹമ്മദ് റഹീസ് (സൗദി), റബീഹ, മുഹ്സിന, മുഫീദ. മരുമക്കൾ: മുർഷാദ്, മിസ്രിയ.