മുൻ ജിദ്ദ പ്രവാസിയായ മലപ്പുറം സ്വദേശി നാട്ടിൽ നിര്യാതനായി

ജിദ്ദ: ജിദ്ദയിൽ ദീർഘ കാലം പ്രവാസിയായിരുന്ന മലപ്പുറം സ്വദേശി നാട്ടിൽ നിര്യാതനായി. തിരൂരങ്ങാടി സ്വദേശി എം.പി അബ്ദുൽ ഹമീദ് (63) ആണ് മരിച്ചത്.

ജിദ്ദയിൽ പാച്ചി ചോക്ലേറ്റ് ഷോപ്പ് ജീവനക്കാരനായിരുന്ന ഇദ്ദേഹം ഉദരസംബന്ധമായ രോഗത്തിന് നാട്ടിൽ ചികിത്സയിലായിരുന്നു. പിതാവ്: പരേതനായ മുഹമ്മദ് കാസിം കോയ ഹാജി, ഭാര്യ: അജുമുന്നിസ, മക്കൾ: ഹനാൻ, അദ്നാൻ, മാനിഷ, മാഗ്ന, ഐസം, മരുമക്കൾ: അനസ്, ശബാബ്.

സഹോദരങ്ങൾ: പരേതനായ അബുറഹ്മാൻ, അബ്ദുസ്സലാം, അബ്ദുൽ വഹാബ്, ഉമർ ഫാറൂഖ്, അബ്ദു റഊഫ്, ലുഖ്മാൻ (ഇരുവരും ജിദ്ദ), സൈനബ, ഫസീല. സഹോദരൻ റഊഫ് ജിദ്ദ തിരൂരങ്ങാടി മുസ്ലിം വെൽഫയർ ലീഗ് ജനറൽ സെക്രട്ടറിയും ജിദ്ദ തിരൂരങ്ങാടി നിയോജക മണ്ഡലം കെ.എം.സി.സി ഭാരവാഹിയുമാണ്.