രു​ചി​യു​ടെ ക​ല​വ​റ; ഫോ​ര്‍ക്ക അ​ല്‍ മ​ദീന ഫു​ഡ്‌ ഫെ​സ്​​റ്റ്​ മേ​യ്‌ 23ന്

​റി​യാ​ദ്​: കേ​ര​ളീ​യ പ്രാ​ദേ​ശി​ക സം​ഘ​ട​ന​ക​ളു​ടെ പൊ​തു​വേ​ദി​യാ​യ ഫെ​ഡ​റേ​ഷ​ന്‍ ഓ​ഫ് കേ​ര​ള​യി​റ്റ് റീ​ജ​ന​ല്‍ അ​സോ​സി​യേ​ഷ​ന്‍ (ഫോ​ര്‍ക്ക) മ​ദീ​ന ഹൈ​പ്പ​ർ മാ​ർ​ക്ക​റ്റു​മാ​യി സ​ഹ​ക​രി​ച്ച്​ സം​ഘ​ടി​പ്പി​ക്കു​ന്ന നാ​ലാ​മ​ത് ഫു​ഡ് ഫെ​സ്​​റ്റ് ഈ ​മാ​സം 23ന്​ ​ന​ട​ക്കു​മെ​ന്ന്​ സം​ഘാ​ട​ക​ർ വാ​ർ​ത്താ​സ​മ്മേ​ള​ന​ത്തി​ൽ അ​റി​യി​ച്ചു.​

വൈ​കീ​ട്ട് ര​ണ്ട്​ മു​ത​ല്‍ വൈ​കീ​ട്ട് ഏ​ഴു വ​രെ അ​ല്‍ മ​ദീ​ന ഹൈ​പ്പ​ര്‍ മാ​ര്‍ക്ക​റ്റ്‌ ഓ​ഡി​റ്റോ​റി​യ​ത്തി​ല്‍ ന​ട​ക്കും. ഫു​ഡ്‌ ഫെ​സ്​​റ്റ്​ മ​ത്സ​ര​ത്തി​ല്‍ നി​ബ​ന്ധ​ന​ക​ൾ പ​രി​ഗ​ണി​ച്ച് ഒ​ന്നും, ര​ണ്ടും, മൂ​ന്നും സ്ഥാ​ന​ത്തി​ന് അ​ർ​ഹ​രാ​കു​ന്ന സം​ഘ​ട​ന​ക്ക് യ​ഥാ​ക്ര​മം ഒ​രു പ​വ​ൻ സ്വ​ർ​ണം, അ​ര പ​വ​ൻ സ്വ​ർ​ണം, 1001 റി​യാ​ൽ എ​ന്നീ ക്ര​മ​ത്തി​ല്‍ സ​മ്മാ​ന​ങ്ങ​ള്‍ ന​ല്‍കും.

ഒ​ന്നാം സ​മ്മാ​നം അ​ല്‍ മ​ദീ​ന​യും ര​ണ്ടാം സ​മ്മാ​നം സോ​നാ ജ്വ​ല്ല​റി​യും മൂ​ന്നാം സ​മ്മാ​നം കൊ​ളം​ബ​സ് കി​ച്ച​നു​മാ​ണ് ന​ല്‍കു​ന്ന​ത്. കൂ​ടാ​തെ പ​ങ്കെ​ടു​ക്കു​ന്ന എ​ല്ലാ സം​ഘ​ട​ന​ക​ൾ​ക്കും പ്രോ​ത്സാ​ഹ​ന സ​മ്മാ​ന​ങ്ങ​ളും ച​ട​ങ്ങി​ല്‍ വി​ത​ര​ണം ചെ​യ്യും. 34 അം​ഗ സം​ഘ​ട​ന​ക​ളി​ൽ​നി​ന്ന് തെ​ര​ഞ്ഞെ​ടു​ത്ത 18 പ്രാ​ദേ​ശി​ക സം​ഘ​ട​ന​ക​ളാ​ണ് മ​ത്സ​ര​ത്തി​ൽ പ​ങ്കെ​ടു​ക്കു​ന്ന​ത്. ഓ​രോ ടീ​മി​നും ഒ​രു ടേ​ബി​ൾ ന​ൽ​കും. അ​വ​ർ​ക്ക് അ​വ​രു​ടെ ഭ​ക്ഷ​ണ സാ​ധ​ന​ങ്ങ​ൾ പ്ര​ദ​ർ​ശി​പ്പി​ക്കാം. നാ​ലു​പേ​ർ അ​ട​ങ്ങു​ന്ന ജ​ഡ്ജി​ങ് പാ​ന​ലാ​ണ് വി​ധി നി​ർ​ണ​യി​ക്കു​ന്ന​ത്.

പ്ര​ധാ​ന​മാ​യും നാ​ല്​ ഘ​ട​ക​ങ്ങ​ളാ​ണ് വി​ധി നി​ർ​ണ​യ​ത്തി​ന് പ​രി​ഗ​ണി​ക്കു​ക. രു​ചി, അ​ല​ങ്കാ​രം, നി​ർ​മാ​ണ രീ​തി വി​വ​ര​ണം, വൈ​വി​ധ്യം എ​ന്നീ ഘ​ട​ക​ങ്ങ​ള്‍ ക​ണ​ക്കാ​ക്കി​യാ​ണ് വി​ധി നി​ർ​ണ​യം ന​ട​ക്കു​ക.

അ​ഞ്ച്​ മാ​ർ​ക്ക് പ​ര​മാ​വ​ധി നി​ശ്ച​യി​ച്ച ഈ ​നാ​ല് ഘ​ട​ക​ങ്ങ​ൾ​ക്കും കൂ​ടി 20 മാ​ർ​ക്കാ​ണ് പ​രി​ഗ​ണി​ക്കു​ക. ഈ ​മാ​ർ​ക്കി​​ന്‍റെ അ​ടി​സ്ഥാ​ന​ത്തി​ലാ​ണ് വി​ജ​യി​ക​ളെ തെ​ര​ഞ്ഞെ​ടു​ക്കു​ന്ന​ത്. വൈ​കീ​ട്ട് അ​ഞ്ചി​ന്​ ന​ട​ക്കു​ന്ന സാം​സ്കാ​രി​ക ച​ട​ങ്ങി​ൽ സ​മ്മാ​ന​ങ്ങ​ൾ വി​ത​ര​ണം ചെ​യ്യും.

വാ​ര്‍ത്താ​സ​മ്മേ​ള​ന​ത്തി​ല്‍ ആ​ക്ടി​ങ്​ ചെ​യ​ര്‍മാ​ന്‍ ജ​യ​ന്‍ കൊ​ടു​ങ്ങ​ല്ലൂ​ര്‍, ജ​ന​റ​ല്‍ ക​ണ്‍വീ​ന​ര്‍ ഉ​മ​ര്‍ മു​ക്കം, മ​ദീ​ന ഹൈ​പ്പ​ര്‍മാ​ര്‍ക്ക​റ്റ് ജ​ന​റ​ല്‍ മാ​നേ​ജ​ര്‍ ശി​ഹാ​ബ് കൊ​ടി​യ​ത്തൂ​ര്‍, ട്ര​ഷ​റ​ര്‍ ജി​ബി​ന്‍ സ​മ​ദ്, ര​ക്ഷാ​ധി​കാ​രി അ​ലി ആ​ലു​വ, പ്രോ​ഗ്രം ക​ണ്‍വീ​ന​ര്‍ വി​നോ​ദ് കൃ​ഷ്ണ, വൈ​സ് ചെ​യ​ര്‍മാ​ന്‍ സൈ​ഫ് കൂ​ട്ടു​ങ്ങ​ൽ, ജീ​വ​കാ​രു​ണ്യ ക​ണ്‍വീ​ന​ര്‍ ഗ​ഫൂ​ര്‍ കൊ​യി​ലാ​ണ്ടി എ​ന്നി​വ​ര്‍ പ​ങ്കെ​ടു​ത്തു.