സൗദിയിൽ വിദേശികൾക്ക്​ ഭൂമി വാങ്ങാം; ഇളവ് ജ​നു​വ​രി​ മുതൽ

ജി​ദ്ദ​: രാ​ജ്യ​ത്ത് വി​ദേ​ശി​ക​ൾ​ക്ക് ഭൂ​മി വാ​ങ്ങു​ന്ന​തി​ന് ഇ​ള​വു​മാ​യി നി​യ​മ ഭേ​ദ​ഗ​തി. വി​ദേ​ശി​ക​ൾ​ക്ക്​ ഭൂ​മി​യും കെ​ട്ടി​ട​ങ്ങ​ളും സ്വ​ന്ത​മാ​ക്കാ​ൻ ഉ​ട​മ​സ്ഥാ​വ​കാ​ശ നി​യ​മ ഭേ​ദ​ഗ​തി​ക്ക് സൗ​ദി മ​ന്ത്രി​സ​ഭ അം​ഗീ​കാ​രം ന​ൽ​കി. റി​യ​ൽ എ​സ്​​റ്റേ​റ്റ് മേ​ഖ​ല​യു​ടെ വി​ക​സ​ന​ത്തി​ന്​ വേ​ണ്ടി​യു​ള്ള നി​യ​മ​നി​ർ​മാ​ണ​ങ്ങ​ളു​ടെ ഭാ​ഗ​മാ​ണി​തെ​ന്ന്​ മു​നി​സി​പ്പ​ൽ ഭ​വ​ന​കാ​ര്യ മ​ന്ത്രി മാ​ജി​ദ് അ​ൽ​ഹു​ഖൈ​ൽ പ​റ​ഞ്ഞു. ഇ​തോ​ടെ, റി​യാ​ദ്, ജി​ദ്ദ എ​ന്നീ ന​ഗ​ര​ങ്ങ​ളി​ലെ നി​ർ​ദി​ഷ്​​ട മേ​ഖ​ല​ക​ളി​ൽ പ്ര​ത്യേ​ക നി​ബ​ന്ധ​ന​യോ​ടെ വി​ദേ​ശി​ക​ൾ​ക്ക്​ ഭൂ​മി​യും കെ​ട്ടി​ട​ങ്ങ​ളും വാ​ങ്ങാ​നാ​വും.

പൗ​ര​താ​ൽ​പ​ര്യ​വും വി​പ​ണി നി​യ​ന്ത്ര​ണ​വും സ​ന്തു​ലി​താ​വ​സ്ഥ​യും സൃ​ഷ്​​ടി​ക്കു​ന്ന​താ​ണ് നി​യ​മ​മെ​ന്ന് മ​ന്ത്രി പ​റ​ഞ്ഞു. നി​ക്ഷേ​പ​ക​രി​ൽ​നി​ന്നും റി​യ​ൽ എ​സ്​​റ്റേ​റ്റ് ക​മ്പ​നി​ക​ളി​ൽ​നി​ന്നും നേ​രി​ട്ടു​ള്ള വി​ദേ​ശ നി​ക്ഷേ​പം നേ​ടു​ക​യും അ​വ​രു​ടെ ഭൂ​ല​ഭ്യ​ത ഉ​റ​പ്പി​ക്കു​ക​യു​മാ​ണ് ല​ക്ഷ്യ​മെ​ന്നും മ​ന്ത്രി കൂ​ട്ടി​ച്ചേ​ർ​ത്തു.

വി​ദേ​ശ റി​യ​ൽ എ​സ്​​റ്റേ​റ്റ് ഉ​ട​മ​സ്ഥ​ർ​ക്കു​ള്ള നി​യ​മ​ത്തി​ന്​ മ​ന്ത്രി​സ​ഭ അം​ഗീ​കാ​രം ന​ൽ​കി​യ​തി​ന്​ സ​ൽ​മാ​ൻ രാ​ജാ​വി​നും കി​രീ​ടാ​വ​കാ​ശി അ​മീ​ർ മു​ഹ​മ്മ​ദ്​ ബി​ൻ സ​ൽ​മാ​നും മ​ന്ത്രി ന​ന്ദി പ​റ​ഞ്ഞു. ജ​ന​റ​ൽ അ​തോ​റി​റ്റി ഫോ​ർ റി​യ​ൽ എ​സ്​​റ്റേ​റ്റാ​യി​രി​ക്കും പ്ര​ത്യേ​ക മേ​ഖ​ല​ക​ൾ നി​ർ​ദേ​ശി​ക്കു​ക. വി​ദേ​ശി​ക​ൾ​ക്ക്​ സൗ​ദി​യി​ൽ ഭൂ​മി വാ​ങ്ങാ​നു​ള്ള നി​യ​മം ന​ട​പ്പാ​ക്കു​ന്ന​തി​നു​ള്ള നി​ർ​വ​ഹ​ണ ച​ട്ട​ങ്ങ​ൾ ഔ​ദ്യോ​ഗി​ക ഗ​സ​റ്റി​ൽ വി​ജ്ഞാ​പ​നം ചെ​യ്യും.

തുടർന്നത് 180 ദിവസത്തിനുള്ളിൽ ‘ഇസ്​തിലാഅ്​’ എന്ന പ്ലാറ്റ്‌ഫോമിൽ പ്രസിദ്ധീകരിക്കും. 2026 ജനുവരിയിലാണ് നിയമം നടപ്പാവുക. സാമ്പത്തിക- സാമൂഹിക മാനങ്ങൾ കണക്കിലെടുത്ത് ഉടമസ്ഥാവകാശത്തിനുള്ള നടപടിക്രമങ്ങളുടെയും മാനദണ്ഡങ്ങളുടെയും വിശദാംശങ്ങൾ ചട്ടങ്ങളിൽ ഉൾപ്പെടുത്തുമെന്നും മന്ത്രി പറഞ്ഞു.

പ്രീമിയം റെസിഡൻസി സിസ്​റ്റത്തിലെ വ്യവസ്ഥകൾ, അംഗരാജ്യങ്ങളിലെ ജി.സി.സി പൗരന്മാർക്ക് റെസിഡൻഷ്യൽ, നിക്ഷേപ ആവശ്യങ്ങൾക്കായി റിയൽ എസ്​റ്റേറ്റ് ഉടമസ്ഥാവകാശം വ്യവസ്ഥാപിതമാക്കൽ, റിയൽ എസ്​റ്റേറ്റ്​ ഉടമസ്ഥതക്കും മറ്റു സ്വത്തവകാശങ്ങൾക്കും സൗദികളല്ലാത്തവർക്ക്​ പ്രത്യേകാവകാശങ്ങൾ നൽകുന്ന മറ്റു നിയന്ത്രണങ്ങൾ എന്നിവയുമായി പൊരുത്തപ്പെടുന്നതാണ്​ നിയമ ഭേദഗതി.