പടക്കോപ്പുകളുടെ നേർകാഴ്​ചയുമായി സായുധസേന പ്രദർശനം തുടങ്ങി

റിയാദ്​: യുദ്ധമുഖങ്ങളിലെ പടക്കോപ്പുകളുടെ നേർക്കാഴ്​ചയുമായി സൗദി സായുധ സേനാ വിഭാഗത്തി​​െൻറ  പ്രദർശനം റിയാദിൽ തുടങ്ങി. സൈനികായുധ നിർമാണമേഖലയിൽ രാജ്യം കൈവരിച്ച ​വൻനേട്ടവും മികവും അടയാളപ്പെടുത്തുന്നതാണ്​ മേള. സൗദിയിൽ തന്നെ വികസിപ്പിച്ചെടുത്ത അത്യാധുനിക പ്രതിരോധ സംവിധാനങ്ങളും  പടക്കോപ്പുകളും യുദ്ധവാഹനങ്ങളും റിയാദ്​ ഇൻറർ നാഷനൽ കൺവെൻഷൻ സ​െൻറിൽ ഒരുക്കിയിട്ടുണ്ട്​. 

സാധാരണക്കാർക്ക്​ സൈനിക സന്നാഹങ്ങളെ നേരിൽ കാണാനും പഠിക്കാനും അവസരമൊരുക്കുന്നതാണ്​ മേള. സ്വദേശി കമ്പനികളോടൊടൊപ്പം വിദേശ സ്​ഥാപനങ്ങളും പ്രദർശനത്തിൽ പ​െങ്കടുക്കുന്നുണ്ട്​.  ആയുധ ഉദ്​​പാദന രംഗത്തെ നിക്ഷേപത്തില്‍‌ അന്താരാഷ്​ട്ര കമ്പനികളെ  ആകർഷിക്കുകയാണ്​  പ്രദർശനപരിപാടിയുടെ ലക്ഷ്യം. മാര്‍ച്ച് മൂന്ന് വരെ നീളുന്നതാണ് പ്രദര്‍ശനം.  കരയിലും കടലിലും ആകാശത്തും ശത്രുവിനെ നേരിടാനും പ്രതിരോധിക്കാനും ഉപയോഗിക്കുന്ന യന്ത്രങ്ങൾ ഇവിടെ നേരിൽ കാണാം. 

ജാവ്​സ്​ വെഹിക്​ൾ, ബാൽകൻ എം.കെ.3, ആർമോഡ്​ ഗൺപോർട്ട്​ ടുററ്റ്​, ആർമോഡ്​ പേഴ്​സനൽ കാരിയർ, ​െമട്രാസ്​ വെഹികിൾ, സാൻഡ്​ കാറ്റ്​, ബി.എം.ആർ 600, മിലിട്ടറി ഹമ്മർ, ഇഒാഡ്​​ വെഹികിൾ, റിമോട്ട്​ വെപ്പൺ സ്​റ്റേഷൻ, ടാറസ്​ വെഹികി​ൾ എം. പി.വി തുടങ്ങി യുദ്ധമുഖങ്ങളിലെ താരവാഹനങ്ങളോടൊപ്പം വ്യത്യസ്​ത ടാങ്കറുകളും എക്​സിബിഷനിൽ നിരന്നിട്ടുണ്ട്​. കടലിൽ തേരോട്ടം നടത്തുന്ന സാഹസിക യുദ്ധബോട്ടായ   സോഡിയാക്​ മൈൽപ്രോ പ്രദർശന നഗരിയിലെ ശ്രദ്ധാകേന്ദ്രമാണ്​. യുദ്ധ സാമഗ്രികളുടെ സ്​പെയർപാർട്​സ്​ നിർമാണമേഖലയിലും  സൗദിയുടെ സാന്നിധ്യം വ്യക്​തമാക്കുന്നതാണ്​ പ്രദർശനം. സൈനികമേഖലയിലെ അത്യാഹിതങ്ങൾ നേരിടാനുള്ള അടിയന്തര ആരോഗ്യ സേവന സന്നാഹങ്ങളും ശ്രദ്ധേയമാണ്​. 

വിവിധ ശിൽപശാലകളും സമ്മേളനങ്ങളും പ്രദര്‍ശനത്തി​​െൻറ ഭാഗമായി നടക്കുന്നുണ്ട്​.  തുര്‍ക്കിയാണ് ഈ വര്‍ഷത്തെ അതിഥി രാജ്യം. സ്വദേശികളും വിദേശികളുമായ സാധാരണക്കാര്‍ക്ക് സൗദിയുടെ അത്യാധുനിക ആയുധങ്ങളും പ്രവര്‍ത്തന രീതിയും അടുത്തറിയാനുള്ള അവസരം കൂടിയാണിത്. 
സായുധ സേനാ വിഭാഗത്തി​​െൻറ വെബ്സൈറ്റ് വഴി രജിസ്​ട്രേഷൻ പൂര്‍ത്തിയാക്കി ആര്‍ക്കും പ്രദര്‍ശനത്തിന്​ വരാം. നേരിൽ എത്തി രജിസ്​റ്റർ ചെയ്​ത്​ പ്രദർശനം കാണാനും സൗകര്യമുണ്ട്​.

സൈനികോപകരണ മേഖലയിലെ സ്വയം പര്യാപ്​തത  രാജ്യം വിഭാവനം ചെയ്യുന്ന വിഷൻ 2030​ ​െൻറ ഭാഗമാണ്​. രാജ്യത്തിന്​ ആവശ്യമായ 50 ശതമാനം ഉപകരണങ്ങളും സൗദിയിൽ തന്നെ ഉൽപാദിപ്പിക്കുന്ന അവസ്​ഥയിലേക്ക്​ എത്തുമെന്ന്​ ബന്ധപ്പെട്ടവർ പറയുന്നു.രാജ്യത്തെ സൈനികോപകരണ നിർമാണ കമ്പനികളെ പ്രോൽസാഹിപ്പിക്കാൻ 2010 മുതലാണ്​ എക്​സിബിഷൻ തുടങ്ങിയത്​. 2016^ൽ വെറും പത്ത്​ അന്താരാഷ്​ട്ര കമ്പനികളാണ്​  ഇതിൽ പ​െങ്കടുത്തിരുന്നത്​. ഇത്തവണ 50 കമ്പനികൾ  പ​െങ്കടുക്കുന്നുണ്ട്​. സൗദി ഉൽപന്നങ്ങളെ കുറിച്ച്​ പല മുൻവിധികളുമുണ്ടായിരുന്നു. എന്നാൽ സ്വദേശി കമ്പനികളുടെ ഉൽപന്നങ്ങൾ ലോക കമ്പനികളോട്​ കിടപിടിക്കുന്നതാണ്​ എന്ന് ​2016^ലെ പ്രദർശനം തെളിയിച്ചതായി എക്​സിബിഷൻ വക്​താവ്​ ജനറൽ അത്തിയ അൽ മാലികി   പറഞ്ഞു.  മേഖലയിലെ പുരോഗതി  വിസ്​മയാവഹമാണ്​. ആരോഗ്യവകുപ്പും പ്രദർശനത്തിൽ പ​െങ്കടുക്കുന്നുണ്ട്​.