സു​ര​ക്ഷി​ത​മാ​യ ഹ​ജ്ജി​നും തീ​ർ​ഥാ​ട​ക​ർ​ക്ക് സ​മ്പ​ന്ന​മാ​യ അ​നു​ഭ​വ​ത്തി​നും വ​ഴി​യൊ​രു​ക്കി -ആ​​ഭ്യ​ന്ത​ര മ​ന്ത്രി

മ​ക്ക: ധാ​രാ​ളം പ​രി​ശീ​ല​നം, മി​ക​ച്ച മാ​നു​ഷി​ക ക​ഴി​വു​ക​ൾ, ത​ന്ത്ര​പ​ര​മാ​യ ആ​സൂ​ത്ര​ണ​ത്തോ​ടു​കൂ​ടി​യ സാ​ങ്കേ​തി​ക​വി​ദ്യ​യു​ടെ ഉ​പ​യോ​ഗം എ​ന്നി​വ സു​ര​ക്ഷി​ത​മാ​യ ഹ​ജ്ജി​നും തീ​ർ​ഥാ​ട​ക​ർ​ക്ക്​ സ​മ്പ​ന്ന​മാ​യ അ​നു​ഭ​വ​ത്തി​നും വ​ഴി​യൊ​രു​ക്കി​യെ​ന്ന്​ ആ​ഭ്യ​ന്ത​ര മ​ന്ത്രി​യും സു​പ്രീം ഹ​ജ്ജ് ക​മ്മി​റ്റി ചെ​യ​ർ​മാ​നു​മാ​യ അ​മീ​ർ അ​ബ്​​ദു​ൽ അ​സീ​സ് ബി​ൻ സ​ഊ​ദ്​ പ​റ​ഞ്ഞു.

ആ​ഭ്യ​ന്ത​ര മ​ന്ത്രാ​ല​യ​ത്തി​ലെ മു​തി​ർ​ന്ന ഉ​ദ്യോ​ഗ​സ്ഥ​ർ, സു​ര​ക്ഷ വി​ഭാ​ഗം മേ​ധാ​വി​ക​ൾ, ഹ​ജ്ജ് സു​ര​ക്ഷാ​സേ​ന നേ​താ​ക്ക​ൾ, സൈ​നി​ക, സു​ര​ക്ഷ മേ​ഖ​ല​ക​ളെ​യും ഏ​ജ​ൻ​സി​ക​ളെ​യും പി​ന്തു​ണ​ക്കു​ന്ന സേ​ന​ക​ൾ എ​ന്നി​വ​രു​മാ​യി ന​ട​ത്തി​യ കൂ​ടി​ക്കാ​ഴ്ച​യി​ലാ​ണ്​ മ​ന്ത്രി ഇ​ക്കാ​ര്യം പ​റ​ഞ്ഞ​ത്. ഈ ​വ​ർ​ഷ​ത്തെ ഹ​ജ്ജി​ൽ പ​ങ്കെ​ടു​ത്ത സു​ര​ക്ഷാ-​സൈ​നി​ക വി​ഭാ​ഗ​ങ്ങ​ൾ ന​ട​ത്തി​യ ശ്ര​മ​ങ്ങ​ളെ മ​ന്ത്രി അ​ഭി​ന​ന്ദി​ച്ചു. ഹ​ജ്ജ്​ സു​ര​ക്ഷ പ​ദ്ധ​തി​ക​ളോ​ടു​ള്ള അ​വ​രു​ടെ പൂ​ർ​ണ പ്ര​തി​ബ​ദ്ധ​ത മ​ന്ത്രി എ​ടു​ത്തു​പ​റ​ഞ്ഞു.

സൈ​നി​ക, സു​ര​ക്ഷാ മേ​ഖ​ല​ക​ളി​ൽ​നി​ന്ന്​ ഈ ​വ​ർ​ഷ​ത്തെ ഹ​ജ്ജി​ൽ പ​ങ്കെ​ടു​ക്കു​ന്ന എ​ല്ലാ​വ​ർ​ക്കും ത​​ന്റെ ആ​ശം​സ​ക​ൾ അ​റി​യി​ക്കാ​ൻ മ​ന്ത്രി നി​ർ​ദേ​ശി​ച്ചു. സ​ൽ​മാ​ൻ രാ​ജാ​വും കി​രീ​ടാ​വ​കാ​ശി അ​മീ​ർ മു​ഹ​മ്മ​ദ്​ ബി​ൻ സ​ൽ​മാ​നും ഹ​ജ്ജ് സു​ര​ക്ഷാ പ​ദ്ധ​തി ന​ട​പ്പാ​ക്കു​ന്ന​തി​ൽ പ​ങ്കെ​ടു​ത്ത​വ​ർ​ക്ക് അ​ഭി​ന​ന്ദ​ന​ങ്ങ​ൾ അ​റി​യി​ച്ച​താ​യും മ​ന്ത്രി പ​റ​ഞ്ഞു.